ချင်းပြည်နယ်၏ လုံခြုံရေး နှင့် နယ်စပ်ရေးရာ ၀န်ကြီးဗိုလ်မှူးကြီး ဇော်မင်းဦး နှင့်အဖွဲ့သည် ယခုလပထမပတ်က ချင်းပြည် နယ် ထန်တလန်မြို့နယ်အတွင်း နယ်လှည့်ခရီးထွက်ခဲ့သည်ဟု သိရသည်။ဝန်ကြီးခရီးစဉ်တွင် စိုက်ပျိူးရေးဝန်ကြီး ဦးဗန်ထောင်းနှင့် ပြည်နယ် ပညာရေး၊ကျန်းမာရေး၊ မြေစာရင်း၊ လ၀က ဦးစီးဌာနမှ တာဝန်ရှိ ပုဂ္ဂိုလ်များပါဝင်ပြီး မေလ ၅ ရက်နေ့ က အိန္ဒိယ – မြန်မာနယ်စပ် တလွန်ရမ်ကျေးရွာသို့ရောက်ရှိပြီး ဒေသအ တွင်း လူမှုပြ သာနာများနှင့် ပါတ်သက်ပြီးအသေးစိပ်လေ့လာကွင်းဆင်းခဲ့သည်ဟု သိရသည်။
“ ၀န်ကြီးနှင့် အင်အား ၂၆ ဦးဟာ တလွန်ရမ် အေ၊ ဘီ၊ စီ ရွာသုံးရွာမှာ တညစီညအိပ်ကြတယ်၊ ကျေးရွာအတွင်း လူမှုပြ သာနာတွေ၊ အခက်အခဲတွေကိုအသေးစိပ်လေ့လာကြတယ်၊ လူထုထံကနေလည်း ကျေးရွာလိုအပ်ချက်တွေကို တင်ပြ ခိုင်း
တယ်” ဟု ဒေသခံတဦးက ပြောသည်။
တလွန်ရမ်ကျေးရွာသည် ကျေးရွာ တည်ထောင်ရေးနှင့် ပါတ်သက်ပြီး တရွာနှင့် တရွာအကြား အမြင်မတူမှုများကြောင့် ပြသာနာဖြစ်နေကြသည့် ကျေးရွာဖြစ်ကြောင်း သိရသည်။
“ အဲဒီကိစ္စက ကြာပါပြီ၊ အဲတာကို သေချာလေ့လာပြီး ဖြေရှင်းဖို့ ၀န်ကြီးက ကိုယ်တိုင်ကွင်းဆင်းတဲ့သဘောပါ” ဟု စီအဲန်ပီ ပါတီမှ ပြည်နယ်လွှတ်တော်ကိုယ်စားလှယ်တဦးက ပြောသည်။
ဝန်ကြီးသည် ခရီးစဉ်အတွင်း ထန်တလန်မြို့နယ်မှ ပြည်နယ်လွတ်တော်ကိုယ်စားလှယ် ဦး လာလ်မောင်းကျုံး၊ ဌာနဆိုင်ရာ တာဝန်ရှိများနှင့် တွေ့ဆုံခဲ့သည်ဟု သိရသည်။
No comments:
Post a Comment