မြန်မာစစ်တပ်နှင့်တိုက်ပွဲဝင်နေသည့် ဗိုလ်ချုပ်စောလားဘွယ်ဦးဆောင်သည့် DKBAကလိုထူးဘောအခြေပြု စစ်ဗျူဟာသည် စစ်ရေးနဲ့နိုင်ငံရေးကိုအရှိန်မြှင့်တင်သွားမှာဖြစ်ပြီး ဖွဲ့စည်းပုံကိုလည်း စနစ်တကျပြန်လည်တည်ဆောက် ပြုပြင်ရန်အတွက် အရေးပေါ်အစည်းအဝေးတစ်ခုခေါ်ယူသွားမည်ဟု ကလိုထူးဘောစစ်ဗျူဟာမှ တာဝန်ရှိသူတစ်ဦးက ပြောသည်။တပ်တွင်းပြန်လည်တည်ဆောက်ဖွဲ့စည်းပြုပြင်ရန်ရည်ရွယ်ချက်နှင့်ပတ်သက်ပြီးဗိုလ်ချုပ်စောလားဘွယ် ၏ သဘောထားထုတ်ပြန်ချက်ကိုလည်း ယခုလိုပြောပါသည်။
“ကျနော်တို့လိုအပ်ချက်က တန်းတူရေးနဲ့ တိုင်းရင်းသား ကိုယ်ပိုင်ပြဌာန်းခွင့်ပါ။ တန်းတူရေးနဲ့ ကိုယ်ပိုင်ပြဌာန်း ခွင့်မရသေးရင်တော့ အာဏာရှင်တွေကို ဆက်လက်တိုက်ပွဲဝင်နေရအုံးမှာပဲ။ တိုင်းရင်းသားပြသာနာတွေကို မကိုင်တွယ် မဖြေရှင်းနိုင်သေးသ၍ ပြည်တွင်းငြိမ်းချမ်းရေးကမရနိုင်ပါဘူး။ ကျနော်တို့တိုက်ပွဲဝင်တဲ့အခါမှာ နိုင်ငံရေးကော စစ်ရေး အရပါဟန်ချက်ညီရမယ်။ တခြားနည်းလမ်းတွေနဲ့လည်း ကျနော်တို့ထပ်သွားရမယ်။ ဒါပေမဲ့ဒီနေ့တိုက်ပွဲပုံစံက နိုင်ငံရေး စစ်ပွဲက ရှေ့တန်းရောက်နေပြီး လက်နက်ကိုင်တိုက်ပွဲက နောက်မှာကျန်နေခဲ့တယ်လို့ကျနော်မြင်မိတယ်။ နိုင်ငံရေး တိုက်ပွဲတွေက ပြန်တွင်းကောပြည်ပမှာပါကျယ်ပြန့်လာနေပြီး အရှိန်ရနေတာကိုတွေ့ရပါတယ်။ ကျနော်တို့ကလိုထူး ဘော အခြေပြုစစ်ဗျူဟာကတော့ ပြည်သူ့တပ်မတော်လို့ခံယူထားတာနဲ့အညီ ပြည်သူယုံကြည်ရတဲ့၊ ပြည်သူ အားကိုးရတဲ့ တပ်မတော်ဖြစ်အောင်ကြိုးစားသွားမှာပါ။ လက်ရှိလည်း အဲဒီအတိုင်းလုပ်ဆောင်နေပါတယ်။ ရှေ့ဆက် ပြီးတော့လည်း တိုက်ပွဲအရှိန်ကိုမြင့်တင်သွားမယ်။”
ယခု DKBAကလိုထူဘောအခြေပြုစစ်ဗျူဟာကို ပြန်လည်ဖွဲ့စည်းမည့်ကိစ္စနှင့်ပတ်သက်ပြီး မည်သည့်နေ့ရက် တွင်ကျင်းပမည်ကို အတိအကျမပြောကြားနိုင်ကြောင်း အဆိုပါကလိုထူးဘောစစ်ဗျူဟာမှ တာဝန်ရှိသူတစ်ဦးက ယခုလို ပြောသည်။
“ မေလတတိယအပါတ်လောက်မှာလုပ်နိုင်မယ်ထင်တယ်။ အခုတော့တာဝန်ရှိသူတွေကိုဆင့်ခေါ်ထားတယ်။ ကော့ကရိတ်မြို့နယ်အရှေ့ခြမ်းဘက် ကျွန်တော်တို့ဒီကေဘီအေရဲ့ လုံခြုံတဲ့စခမ်းမှာလုပ်သွားမှာဖြစ်ပါတယ်။ ဘယ်နေရာ လဲဆိုတာတော့ ပြောလို့မရသေးဘူးဗျ။”
စစ်ရေးမြင့်တင်လာတာနှင့်အညီ စစ်ပြေးဒုက္ခသည်များ များသထက်များလာမည်ဖြစ်ကြောင်း ထိုင်းမြန်မာ နယ်စပ်နေ စစ်ရေးအကဲခတ်သမားများကပြောပါသည်။
ဗိုလ်ချုပ်စောလားပွယ်ဦးစီးသည့်ဒီကေဘီအေတပ်ဖွဲ့သည် မြန်မာစစ်အစိုးရတိုက်တွန်းထားသည့် နယ်ခြားစောင့် တပ်ဖွဲ့အသွင်ပြောင်းလဲရေးကိုလက်မခံသည့်အပြင် (၂၀၁၀)အထွေထွေရွေးကောက်ပွဲကိုလည်းဆန့်ကျင်သည့်အနေနှင့် ရွေးကောက်ပွဲကျင်းပသည့် နိုဝင်ဘာ(၇)ရက်နေ့တွင်မြ၀တီမြို့ကို ၀င်ရောက်စီးနင်းသိမ်းပိုက်ခဲ့သည်။ ထိုမှအစပြု၍ ယခုအထိတိုင် မြန်မာစစ်တပ်နှင့်တိုက်ပွဲအပြင်းအထန်ဖြစ်ပွါးနေဆဲဖြစ်သည်။
No comments:
Post a Comment