မီဒီယာကို ဦးကျော်ဆန်း မျက်ရည်နဲ့ ပြောင်းတိုက်ပြီလား

ခင်ဦးသာ


ပြည်တွင်းပြည်ပ မီဒီယာတွေမှာ ဒီရက်ပိုင်းအတွင်း ရေးသားဖော်ပြနေကြတဲ့ သတင်းတွေအနက် ပရိသတ် စိတ်ဝင်စားမှု အများဆုံးကတော့ သတင်းစာရှင်းလင်းပွဲမှာ မျက်ရည်ကျပြခဲ့တဲ့ ပြန်ကြားရေးဝန်ကြီး ဦးကျော်ဆန်းရဲ့ သတင်းပါပဲ။

သြဂုတ်လ ၁၂ ရက်နေ့က နေပြည်တော်မှာ ပြုလုပ်ခဲ့တဲ့ သတင်းစာရှင်းလင်းပွဲမှာ ဧရာဝတီမြစ်ဆုံကိစ္စနဲ့ ပတ်သက်ပြီး ဘယ်လို ဆောင်ရွက်သွားဖို့ ရှိပါသလဲလို့ စာနယ်ဇင်းသမားတဦးရဲ့ အမေးကို ဖြေဆိုနေစဉ်မှာပဲ ဦးကျော်ဆန်းဟာ “ကျနော်တို့လည်း တိုင်းပြည်ကို ချစ်တဲ့စိတ်နဲ့ လုပ်နေပါတယ်” ဆိုပြီး မျက်ရည်ကျ ငိုပြလိုက်တာကြောင့် သတင်းထောက်တွေက မေးခွန်းဆက်မေးဖို့ တွန့်ဆုတ်သွားခဲ့ရတယ်လို့ တက်ရောက်ခဲ့တဲ့ သတင်းထောက်တဦးက ပြောပါတယ်။

“ဟန်ဆောင်ပြီး ငိုပြလိုက်တာတော့ မဟုတ်ဘူး။ ဧရာဝတီမြစ်ဆုံနဲ့ ပတ်သက်ပြီး ဖြေဆိုဖို့ အဆင်သင့်ဖြစ်ပုံ မရသေးတဲ့အတွက် ဖြေရခက်သွားတဲ့အပေါ် ရင်ထဲမှာဆို့နစ်ပြီး ငိုချလိုက်တဲ့သဘောပါ။ သတင်းထောက်တွေကိုလည်း မေးခွန်းတခုစီပဲမေးပါလို့ မေတ္တာရပ်ခံသေးတယ်” လို့ သူက ဆက်ပြောပါတယ်။

စိတ်မထိန်းနိုင်လို့ မတော်တဆ မျက်ရည်ကျသွားတဲ့ကိစ္စကို မီဒီယာတွေက မဖော်ပြကြပါနဲ့လို့ တောင်းပန်ခဲ့ပေမယ့် သတင်းစာ ရှင်းလင်းပွဲအပြီး နာရီပိုင်းအတွင်းမှာပဲ ဦးကျော်ဆန်းငိုပြတဲ့ အကြောင်းဟာ မီဒီယာတွေ၊ အင်တာနက် စာမျက်နှာတွေမှာ ချက်ချင်းပြန့်နှံ့သွားခဲ့ပြီး လူဖတ်အများဆုံးသတင်း ဖြစ်သွားခဲ့ပါတယ်။

ယခင်ပြုလုပ်ခဲ့တဲ့ သတင်းစာ ရှင်းလင်းပွဲတွေမှာ ဘုကျကျဖြေဆိုလေ့ရှိခဲ့တဲ့ ဦးကျော်ဆန်းဟာ အခု သတင်းစာရှင်းလင်းပွဲမှာ သဘောထားပျော့ပျောင်းတဲ့ အသွင်ဆောင်ကာ ဒီမိုကရေစီစနစ်ကို သွားနေတယ်ဆိုတဲ့ အသွင်ကို ပြချင်တဲ့သဘော ဆောင်နေတယ်လို့ တက်ရောက်တဲ့ သတင်းထောက်တချို့က မှတ်ချက်ပေးပါတယ်။

ဒီသတင်းစာရှင်းလင်းပွဲဟာ သမ္မတ ဦးသိန်းစိန် အစိုးရရဲ့ ပထမဆုံး သတင်းစာရှင်းပွဲ ဖြစ်ပြီး အစိုးရအဖွဲ့ရဲ့ ပြောရေးဆိုခွင့်နဲ့ သတင်းထုတ်ပြန်ရေး အဖွဲ့ခေါင်းဆောင်အဖြစ် ဦးကျော်ဆန်းက သတင်းစာရှင်းလင်းပွဲ ပြုလုပ်ခဲ့တာပါ။

မြန်မာအစိုးရနဲ့ တရုတ်နိုင်ငံတို့ ပူးပေါင်းတည်ဆောက်နေတဲ့ ဧရာဝတီမြစ်ဆုံရေကာတာ စီမံကိန်းနဲ့ပတ်သက်ပြီး စီမံကိန်းကို ရပ်တန့်ပေးဖို့ ပြည်တွင်းပြည်ပက မြန်မာနိုင်ငံသားတွေ၊ လူမှုအဖွဲ့အစည်းတွေ၊ မီဒီယာတွေ၊ သဘာဝပတ်ဝန်းကျင် ထိန်းသိမ်းရေး လုပ်ဆောင်နေသူတွေ၊ အနုပညာရှင်တွေကအစ ၀ိုင်းဝန်းကန့်ကွက်မှုတွေကို အစိုးရက ရင်ဆိုင်နေရပါတယ်။

ဦးကျော်ဆန်းဟာ ပြီးခဲ့တဲ့ ဇူလိုင်လတုန်းကလည်းပဲ “ကမ္ဘာ့လူသားအစ မြန်မာက” ဆိုပြီး ပြောဆိုခဲ့မှုအပေါ် အတော်များများက ဝေဖန်ခဲ့ကြပြီး “မြန်မာအစ ကျော်ဆန်းက” ဆိုပြီး လှောင်ပြောင်ခဲ့ပါသေးတယ်။

ပုဂံဒေသမှာရှိတဲ့ ရှေးဟောင်းယဉ်မှု အမွေအနှစ်တွေကို ထိန်းသိမ်းရေးကိစ္စနဲ့ ပတ်သက်ပြီး ပြုလုပ်ခဲ့တဲ့ အစည်းအဝေးတခုမှာ ဦးကျော်ဆန်းက အဲဒီလို ဂုဏ်ယူဝံ့ကြွားစွာ ပြောဆိုခဲ့တာပါ။

ပုံတောင်ပုံညာဒေသတွေနဲ့ တခြားဒေသတွေက ရတဲ့ အထောက်အထားတွေကို မြန်မာပညာရှင်တွေနဲ့ နိုင်ငံတကာ ပညာရှင်တွေက ခေတ်မီတဲ့ နည်းစနစ်တွေသုံးပြီး စစ်ဆေးခဲ့ရာကနေ မြန်မာတွေဟာ ရှေးအကျဆုံးလူမျိုး ဖြစ်တာကို ကမ္ဘာက လက်ခံအသိအမှတ်ပြုထားတယ်လို့ ဦးကျော်ဆန်းက ဆိုခဲ့ပါတယ်။

အသက် ၆၃ နှစ် ရှိပြီဖြစ်တဲ့ ဦးကျော်ဆန်းဟာ စစ်ကိုင်းတိုင်း၊ မုံရွာဇာတိလို့ အစိုးရ၀န်ကြီးတွေရဲ့ကိုယ်ရေးအကျဉ်း ထုတ်ပြန်ချက်မှာ ဖော်ပြထားပါတယ်။ စစ်တက္ကသိုလ် အပတ်စဉ် (၁၁) ကျောင်းဆင်းဖြစ်ပြီး ၂၀၀၁-၀၂ ခုနှစ်ဝန်းကျင်မှာ ကုန်သွယ်ရေး ဒု ၀န်ကြီး၊ ၂၀၀၄ ၀န်းကျင်ကနေ ဒီနေ့အထိ ပြန်ကြားရေးဝန်ကြီးတာဝန်ကို အပိုင်စား ယူထားပြီး မီဒီယာလောကကို ချုပ်ကိုင်ထားခဲ့သူပါ။

ဦးကျော်ဆန်းဟာ စစ်ကိုင်းတိုင်း၊ ပုလဲမြို့ အထက်တန်းကျောင်းမှာ ပညာသင်ကြားခဲ့ပြီး ၁၉၆၄ ခုနှစ်မှာ DSA အပတ်စဉ် (၁၀) ကို ဖြေဆိုခဲ့ပေမယ့် ကိုယ်အလေးချိန် မပြည့်တဲ့အတွက် မအောင်မြင်ခဲ့ဘူးလို့ တနယ်တည်းသား အတန်းတူကျောင်းသား ဖြစ်ခဲ့တဲ့ အခု အဝေးရောက်ညွန့်ပေါင်းအစိုးရအဖွဲ့ရဲ့ ပြန်ကြားရေးဝန်ကြီး ဒေါက်တာ တင့်ဆွေက ဆိုပါတယ်။

နောက်တနှစ်မှာ ဒေါက်တာ တင့်ဆွေနဲ့အတူတူ ပြန်ဖြေကြတော့ ဦးကျော်ဆန်းက DSA အောင်သွားပြီး သူကတော့ မအောင်လို့ ဆေးကျောင်းရောက် သွားခဲ့တယ်လို့ ဒေါက်တာ တင့်ဆွေက ပြောပါတယ်။

ဦးကျော်ဆန်းဟာ ငယ်စဉ်က ထူးချွန်တဲ့ ကျောင်းသားတဦး မဟုတ်ခဲ့ပေမယ့် ကြိုးစားတဲ့ ကျောင်းသားတဦးဖြစ်ကြောင်း၊ ဖခင်ဖြစ်သူကတော့ အလံနီကွန်မြူနစ် သခင်စိုးရဲ့ အဖွဲ့ဝင်တဦးဖြစ်ကြောင်း သိရပါတယ်။

ဦးကျော်ဆန်း ကုန်သွယ်ရေး ဒု ၀န်ကြီးဖြစ်စဉ်က ဗိုလ်ချုပ် ခင်ညွန့်ကို ပုလဲမြို့နယ်ထဲက မင်းတိုင်ပင်ရွာဆီ ၂၀၀၂ ၀န်းကျင်တုန်းက ခေါ်လာပြီး ရွာမှာရှိတဲ့ ဘုန်းကြီးကျောင်းက ရှေးဟောင်းပစ္စည်းတွေကို ပြတော့ ဦးခင်ညွန့်က ကျောင်းထိုင်ဘုန်းကြီးကို ပိုက်ဆံနည်းနည်းသာ ပေးကာ အကုန်သိမ်းယူသွားခဲ့ပါတယ်။

“ရွာက ရှေးဟောင်းပစ္စည်းတွေကို ဗိုလ်ချုပ် ခင်ညွန့်က သိမ်းယူသွားပြီး မကြာခင်မှာပဲ သူလည်း ဒု ၀န်ကြီးကနေ ပြန်ကြားရေးဝန်ကြီးအဖြစ် တခါတည်း ရာထူးတက်သွားတယ်” လို့ ဒေါက်တာ တင့်ဆွေက ဆိုပါတယ်။

သူရာထူးတက်ရေးအတွက် ဒေသခံပြည်သူတွေ တန်ဖိုးထားတဲ့ ရှေးဟောင်းအမွေအနှစ်တွေနဲ့ အထက်လူကြီးကို မျက်နှာလုပ် ဖားသွားတဲ့ ဦးကျော်ဆန်းကို ဒေသခံတွေက သိပ်အမြင်မကြည်ကြသေးပါဘူး။

စစ်တက္ကသိုလ် တက်တုန်းကလည်း စီနီယာတွေကို အရိုအသေ ပေးတတ်တာ၊ ဖားတတ်တာတွေမှာ ဦးကျော်ဆန်းက သူများထက်သာပြီး အချင်းချင်းတွေ ကြားမှာတော့ အာပေါင်အာရင်းသန်သန်နဲ့ ငြင်းခုံပြောဆိုတတ်သူလို့ ထောက်လှမ်းရေး ဗိုလ်မှူးဟောင်း ဦးအောင်လင်းထွဋ်က ဆိုပါတယ်။

ဗိုလ်မှူးကြီးဘ၀နဲ့ စစ်ဦးတက္ကသိုလ်မှာ တော်လှန်ရေး ဘာသာရပ်၊ တိုင်းရင်းသားရေးရာကိစ္စ၊ ထောက်လှမ်းရေး ဘာသာရပ်တွေကို သင်တန်းလာတက်တုန်းကလည်း သူများတွေထက် တမူထူးခြားတဲ့ မေးခွန်းတွေ၊ သူသိ သူကြားထားတဲ့ အကြောင်းအရာတွေထက်ပိုပြီး ခက်ခဲနားမလည်နိုင်တဲ့ မေးခွန်းတွေကို အမေးခံခဲ့ရဖူးတယ်လို့ ထောက်လှမ်းရေး ဘာသာရပ်တွေ ပို့ချပေးခဲ့ဖူးတဲ့ ဦးအောင်လင်းထွဋ်က ဆိုပါတယ်။

“တချို့မေးခွန်းတွေက အရမ်းကို လေးနက်ပြီး ပုံမှန်မဟုတ်တော့ ကျနော်လည်း နားမလည်ဘူး။ ထူးတာတော့ သူများတွေထက် အမေးအမြန်းများတယ်၊ ခက်ခဲနက်နဲတာတွေ မေးတတ်တဲ့ အကျင့်ပါပဲ” လို့ သူက ဆက်ပြောပါတယ်။

စစ်တက္ကသိုလ် တက်တုန်းကလည်း ထူးချွန်မှု မရှိပေမယ့် ကြိုးစားတဲ့ ကျောင်းသားတဦးဖြစ်တယ်လို့ သိရတယ်။ စစ်တက္ကသိုလ် ကျောင်းဆင်းပြီးတဲ့နောက် တပ်ရင်းမှူး၊ တပ်မမှူးစတဲ့ တာဝန်များ ထမ်းဆောင်ခဲ့စဉ်က ဒု ဗိုလ်ချုပ်မှူးကြီး မောင်အေးနဲ့ နီးစပ်ရာက နေရာရလာတယ်လို့ သိရတယ်။

ဗိုလ်ချုပ် မောင်အေး ရှမ်းပြည်နယ်မှာ တိုင်းမှူးဖြစ်စဉ်ကတည်းက ဦးကျော်ဆန်းဟာ ဦးမောင်အေးရဲ့ လက်အောက်တပည့် ဖြစ်ခဲ့ပြီး အရမ်းရိုသေကြောက်ရွံ့ခဲ့ရတယ်။ ဗိုလ်ချုပ် မောင်အေး တိုင်းမှူးဘ၀မှ စစ်ရုံးချုပ် ရောက်လာခဲ့ပြီးနောက်မှာ ဦးကျော်ဆန်းလည်းပဲ ဒု ၀န်ကြီးဖြစ်လာပါတယ်။

ပြန်ကြားရေးဝန်ကြီး ဖြစ်လာချိန်မှာတော့ မီဒီယာသမားတွေ၊ နိုင်ငံတကာ သံတမန်တွေနဲ့ ထိတွေ့မှု များလာပြီး ဗြောင်ကျကျလိမ် ပြောတတ်သူ၊ ပြန်တိုက်ခိုက်တတ်သူ အဖြစ်နဲ့ နာမည်ကြီးလာပါတယ်။

ပြီးခဲ့တဲ့ ၂၀၁၀ ရွေးကောက်ပွဲ မတိုင်ခင် ဗိုလ်ချုပ်တွေကို အရပ်ဝတ်ပြောင်းတဲ့ အသုတ်မှာ ဗိုလ်မှူးချုပ်ရာထူးက အငြိမ်းစားပေးခံရပြီး ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ) ကနေ ၀င်ရောက်အရွေးခံခဲ့ကာ ပြည်သူ့ လွှတ်တော်ကိုယ်စားလှယ်၊ အဲဒီနောက် အစိုးရသစ် ပေါ်လာချိန်မှာ ပြန်ကြားရေးဝန်ကြီးဌာနအပြင် ယဉ်ကျေးမှု ၀န်ကြီးဌာနကိုပါ ပူးတွဲတာဝန်ပေးတာ ခံရပြန်တယ်။

“မီဒီယာကို မီဒီယာနဲ့တိုက်” လို့ သဘောထား တင်းတင်းမာမာနဲ့ ကြွေးကြော်လေ့ရှိခဲ့တဲ့ ဦးကျော်ဆန်းဟာ နာမည်အရမ်းကြီးချင်တဲ့စိတ်၊ ပေါ်ပြူလာဖြစ်ချင်တဲ့စိတ်၊ ငါဗိုလ်ချုပ်ဆိုတာမျိုး၊ ဘယ်သူတွေနဲ့ ရင်းနှီးတယ်ဆို တာမျိုးတွေကို ကြွားချင်စိတ်ကရှိတယ်။ သတင်းစာ ရှင်းလင်းပွဲတွေမှာ ဆိုရင်လည်း ပြောချင်ရာလျှောက်ပြောတတ်တဲ့ အကျင့်ရှိတယ်လို့ ဗိုလ်မှူးဟောင်း ဦးအောင်လင်းထွဋ်က ဆိုပါတယ်။

ယခင် နအဖ အစိုးရလက်ထက်မှာ ဦးကျော်ဆန်းဟာ အစိုးရရဲ့ပြောရေးဆိုခွင့် အာဏာပိုင်အဖွဲ့ရဲ့ ခေါင်းဆောင်အဖြစ်နဲ့ ကုလသမဂ္ဂရဲ့ မြန်မာနိုင်ငံဆိုင်ရာ အထူးကိုယ်စားလှယ် မစ္စတာ ဂမ်ဘာရီ၊ အမေရိကန် လက်ထောက် နိုင်ငံခြားရေးဝန်ကြီး စတဲ့ သံတမန်တွေရဲ့ ခရီးစဉ်တွေမှာ မြန်မာအစိုးရကိုယ်စား လက်ခံတွေ့ဆုံတာ၊ ရှင်းလင်းပွဲ လုပ်တာတွေကို ဦးဆောင်လုပ်ခဲ့ပါတယ်။ နိုင်ငံခြား သံတမန်တွေဘက်က ဆန့်ကျင်ဘက် မေးခွန်းတခုမေးရင် ဘုကျကျ ပြန်ပြော၊ ပြန်ငြင်း တတ်သူတဦးအဖြစ်လည်း နာမည်ကြီးသူပါ။

ဒါကြောင့်လည်းပဲ “တော်စမ်းပါ ကျော်ဆန်းရာ” ဆိုပြီးတော့ သူ့ရဲ့ ၀ါဒဖြန့်မှုတွေ၊ ဗြောင်လိမ်၊ ဗြောင်ငြင်းတတ်တဲ့ အကျင့်စရိုက်တွေကို လှောင်ပြောင်ခြင်း ခံရတာပါ။

“ဘုကျကျ ပြောဆိုတတ်ပေမယ့် မြန်မာနိုင်ငံမှာလုပ်ခဲ့တဲ့ ပြန်ကြားရေးဝန်ကြီးတွေထဲမှာသူက အရည်အချင်းပြည့်တဲ့ ၀န်ကြီးတယောက်၊ မီဒီယာတွေကို ဆက်ဆံရမယ့် နည်းဗျူဟာတွေကို သူက အကုန်သိတယ်” လို့ ဦးကျော်ဆန်းရဲ့ သတင်းစာရှင်းလင်းပွဲတွေကို အမြဲတက်ရောက် သတင်းယူလေ့ရှိတဲ့ ပြည်ပသတင်းဌာနတခုရဲ့ ပြည်တွင်းအခြေစိုက် သတင်းထောက်က ဆိုပါတယ်။

အစိုးရရဲ့ အားနည်းချက်တွေကို ထောက်ပြ မေးခွန်းထုတ်ခဲ့တဲ့ သတင်းထောက်တချို့ဆိုရင် သူတို့ရဲ့ မိခင်အလုပ်တိုက်ကနေ ထုတ်ပစ်ဖို့ ဖိအားပေးခိုင်းတာ ခံခဲ့ရသလို တချို့ကိုလည်း နောင်လုပ်မယ့် ဘယ်သတင်းစာရှင်းလင်းပွဲကိုမှ မတက်ရောက်ရဆိုပြီး အမိန့်ထုတ်တာကို ခံခဲ့ကြရပါတယ်။ တချို့လည်း ထောင်ချခံထားရဆဲပါ။

လက်ရှိ ၀န်ကြီးတွေထဲမှာ ဦးကျော်ဆန်းဟာ သက်တမ်းရှည်ဝန်ကြီးတဦး ဖြစ်ခဲ့တာရယ်၊ အခု ဦးသိန်းစိန် ခေါင်းဆောင်တဲ့ အစိုးရအဖွဲ့မှာလည်းပဲ ပြန်ကြားရေးဝန်ကြီးဌာနကို အပိုင်စားရတာဟာ အဲဒီလို စွာတာ၊ ဗြောင်လိမ်တာ၊ မျက်နှာပြောင် တိုက်ရဲတာ စတဲ့ သူရသတ္တိတွေကြောင့်လို့ စာနယ်ဇင်းအသိုင်းအ၀ိုင်းက ဆိုကြပါတယ်။

သမ္မတ ဦးသိန်းစိန် အစိုးရအဖွဲ့မှာ ပြန်ကြားရေးနဲ့ ယဉ်ကျေးမှု ၀န်ကြီးဌာနတွေ တာဝန်ယူထားတဲ့အပြင် တခြားနေရာ တချို့မှာလည်းပဲ ဦးကျော်ဆန်းဟာ တန်ခိုးပိုထွားလာတယ်လို့ ပြောဆိုနေကြပြီး သမ္မတ၊ ဒု သမ္မတ တွေကိုတောင် ကျော်ပြီး လုပ်နေတယ်လို့ ပြောဆိုနေကြတယ်။

သမ္မတနဲ့ တခြားဝန်ကြီးတွေရဲ့ လုပ်ဆောင်ချက်တွေကို သတင်းစာတွေမှာ ထည့်ပေးရာမှာလည်း ဆင်ဆာတွေ အထပ်ထပ် ဖြတ်တောက်၊ ညှပ်ထုတ်ပြီးခါမှ ဦးကျော်ဆန်းအကြိုက်တွေကိုသာ ရွေးချယ်ထည့်ပေးနေတဲ့ ကိစ္စတွေကို မီဒီယာတွေက မကြာခဏ ရေးသားခဲ့ကြပါတယ်။

လက်ရှိ ပြည်သူ့လွှတ်တော်ဥက္ကဋ္ဌ တာဝန်ယူထားတဲ့ ဗိုလ်ချုပ်ကြီးဟောင်း သူရဦးရွှေမန်းဟာ ပြီးခဲ့တဲ့ဇွန်လအတွင်း ရန်ကုန်မြို့က ပြည်သူ့လွှတ်တော် အဆောက်အအုံမှာ လွှတ်တော်ကိုယ်စားလှယ်တွေ၊ အဖွဲ့အစည်းတွေ၊ စီးပွားရေး လုပ်ငန်းရှင်တွေ၊ မီဒီယာတွေနဲ့ တွေ့ဆုံစကားပြောခဲ့တဲ့ အကြောင်းအရာတွေဟာ သတင်းစာမှာ အနည်းငယ်သာ ဖော်ပြခံခဲ့ရပါတယ်။

နအဖ လက်ထက်တုန်းက နံပတ် ၃ အဆင့်ရှိခဲ့တဲ့ စစ်ခေါင်းဆောင်ဟောင်း ဦးရွှေမန်းဟာ အခုအခါမှာတော့ ဦးကျော်ဆန်း သနားမှ သတင်းစာမှာ နေရာရမယ့်အခြေအနေကို ဆိုက်ရောက်သွားပါတယ်။ လွှတ်တော်ဥက္ကဋ္ဌ အနေနဲ့ ရုရှားနိုင်ငံကို သွားခဲ့တုန်းကလည်း ပြန်ရောက်ပြီး ရက်အတော်ကြာမှ သတင်းစာထဲမှာ သတင်းခပ်သေးသေး ဖော်ပြပေးတာ ခံခဲ့ရပြန်တယ်။

ဦးကျော်ဆန်းဟာ သူ့ရဲ့လုပ်ဆောင်ချက်တွေကျတော့ သစ်ပင်စိုက်တာ၊ ရေလောင်းတာကိုတောင် စာလုံးမည်းကြီးနဲ့ သတင်းစာရဲ့ အဓိကကျတဲ့စာမျက်နှာတွေမှာ ဖော်ပြတာတွေဟာ မမြင်ချင် အဆုံးပါပဲ။

“မီဒီယာကို မီဒီယာနဲ့တိုက်” လို့ ကြွေးကြော်နေတဲ့ ဦးကျော်ဆန်းဟာ အစိုးရပိုင် မီဒီယာတွေကို အသုံးချနေပါတယ်။ ဒါ့အပြင် သတင်းစာပညာနဲ့ ပတ်သက်ပြီး ၁၀ တန်းအောင်ပြီးတဲ့ ကျောင်းသား၊ ကျောင်းသူတွေအတွက် သတင်းစာပညာ ကောလိပ်ကျောင်းတခုကို ရန်ကုန်မြို့ ဗိုလ်တထောင်ကောလိပ်မှာ ၂၀၀၀ ပြည့်နှစ် နောက်ပိုင်းကစပြီး ဖွင့်ထားပေးကာ သူ့အကြိုက်လိုက်မယ့် သတင်းသမားတွေကို မွေးထုတ်ပေးနေပါတယ်။

၃ နှစ်သင်တန်းပြီးပါက သတင်းစာပညာဘွဲ့ ပေးပါတယ်။ သင်ကြားတဲ့ ဆရာ၊ ဆရာမတွေ အားလုံးနီးပါးဟာ ဦးကျော်ဆန်းရဲ့ ပုံစံသွင်းခံထားရတဲ့ ပြန်ကြားရေးဌာနက ၀န်ထမ်းတွေဖြစ်တယ်လို့ အဲဒီကျောင်းဆင်း ကျောင်းသူတဦးက ပြောပါတယ်။

ဦးကျော်ဆန်းဟာ ကျောင်းသူ ကျောင်းသားတွေ၊ ၀န်ထမ်းတွေ၊ မီဒီယာတွေနဲ့ တွေ့တဲ့အခါတိုင်းမှာ အမျိုးသားရေး အကျိုးစီးပွားကို အခြေခံတဲ့ ဂျာနယ်လစ်ဇင် ဖြစ်ရမယ်၊ စည်းကမ်းပြည့်ဝတဲ့ ဒီမိုကရေစီစနစ်ကို အပြည့်အ၀ ကျင့်သုံးရမယ်လို့ ဒီမိုကရေစီဆိုတဲ့ ဝေါဟာရကို မကြာခဏ ထည့်သွင်း ပြောဆိုတတ်ပါတယ်။

ဦးကျော်ဆန်းရဲ့တခြားဝန်ကြီးတွေနဲ့ မတူတဲ့ အချက်ကတော့ မိန်းမကိစ္စနဲ့ ပတ်သက်ပြီး နာမည်ဆိုးမထွက်တာ၊ စီပွားရေးကိစ္စ၊ လာဘ်ပေးလာဘ်ယူမှုတွေနဲ့ နာမည်ဆိုးထွက်တာ မရှိဘူးလို့ သိရတယ်။

“ပြန်ကြားရေးဝန်ကြီးဆိုတာက မင်းသမီးတွေ၊ မော်ဒယ်လ်တွေနဲ့ နီးစပ်သူတွေဖြစ်တော့ ပြန်ကြားရေးဝန်ကြီး အများစုဟာ မင်းသမီးတွေနဲ့ နာမည်ထွက်ခဲ့တာတွေ ရှိတယ်။ ဦးကျော်ဆန်းကတော့ ဒီနေ့အထိ မကြားရသေးဘူး” လို့ ဦးအောင်လင်းထွဋ်က ဆိုပါတယ်။

ပြီးခဲ့တဲ့ မတ်လ ၁၀ ရက်နေ့က လုပ်ခဲ့တဲ့ လွှတ်တော်အစည်းအဝေးတခုမှာ မြန်မာပြည်သူတွေဟာ ကမ္ဘာ့ပြည်သူတွေနည်းတူ သတင်းအချက်အလက်၊ အသိ ဗဟုသုတတွေကို အပြည့်အ၀ ရနေပါတယ်။ မြန်မာနိုင်ငံမှာ သတင်းစာစောင်ရေ နေ့စဉ် ၃ သိန်းကျော်၊ တနှစ်ကို စောင်ရေ ၁၀၈ သန်းကျော် ဖြန့်ပေးနေတယ်လို့ ဦးကျော်ဆန်းက ပြောပါတယ်။

နေ့စဉ်စောင်ရေ ၃ သိန်းကျော် ဖြန့်နေတယ်ဆိုတဲ့ ဦးကျော်ဆန်းရဲ့ သတင်းစာတွေအတွက် စိတ်မကောင်းစရာကတော့ စာမျက် ၂၀ ရှိတဲ့အထဲ အနောက်ပိုင်းက နာရေးကြော်ငြာပါတဲ့ စာမျက်နှာကိုသာ ပြည်သူတွေက ရွေးဖတ်နေကြတာပါပဲ။ ရုပ်မြင်သံကြားဆိုရင်လည်း ကိုးရီးယားဇာတ်လမ်းတွေက လွဲရင် ဘာမှမကြည့်ကြသလိုပေါ့။

အစိုးရရဲ့သတင်းစာတွေမှာ ပြည်ပ မီဒီယာတွေရဲ့ ပြောဆိုချက်တွေကို နားမယောင်ဖို့၊ နားမထောင်ဖို့အတွက် စာမျက်နှာ နောက်ကျောဖုံးမှာ စာလုံးမည်းကြီးတွေနဲ့ နေ့စဉ်ဖော်ပြပေးထားပါတယ်။

ဒါပေမယ့် ပြန်ကြားရေးဌာနရဲ့လက်အောက်ခံ ၀န်ထမ်းတွေအပြင် တခြားဌာနဆိုင်ရာ ၀န်ထမ်းတွေ၊ အစိုးရအရာရှိတွေ ကိုယ်တိုင်က သတင်းသိချင်ရင် ပြည်ပ မီဒီယာတွေဖြစ်တဲ့ DVB , VOA, BBC, RFA စတဲ့ ရေဒီယို အစီအစဉ်တွေ၊ အင်တာနက် သတင်းဝက်ဘ်ဆိုဒ်တွေကိုပဲ နားထောင်လေ့၊ ဖတ်လေ့ ရှိကြပါတယ်။

အဲဒီတော့ မီဒီယာကို မီဒီယာနဲ့ တန်ပြန် မတိုက်ခိုက်နိုင်တော့တဲ့ အဆုံးမှာတော့ ဦးကျော်ဆန်းဟာ “မီဒီယာကို မီဒီယာ” နဲ့ မတိုက်တော့ဘဲ “မျက်ရည်” နဲ့ ပြောင်းလဲ တိုက်ခိုက်တော့မှာလားလို့ မေးခွန်းထုတ်လိုက်ချင်ပါတယ်။