Saturday, September 24, 2011

မြူခိုးကြားက သူပုန့်ရေဒီယို

သီယာ ဖော့ဘ် (Thea Forbes)

စိုင်းဆန်က ရှမ်းတောင်တန်း များ အကြား ဆိုင်းနေသည့် မြူခိုးကြား ထဲမှ ဗွက်ထူထူ လူသွား လမ်းကလေးကို ဖြတ်၍ တဲ ကလေး တခု ဆီသို့ တက်လာ သည်။ ဤတဲငယ် ကလေး တွင်ပင် ‘တိုင်း’ လွတ်မြောက်ရေး ရေဒီယို (Tai Freedom Radio) အသံလွှင့် စက်ပစ္စည်းများ ထားရှိထားသည့် နေရာဖြစ်သည်။

လွိုင်တိုင်းလန်းရှိ ဤတော်လှန်ရေး ရေဒီယို အသံလွှင့် ဌာန ဆီမှ အသံက မည်မျှကြာ အောင် အိပ်ပျော် နေမည်မှန်း မသိရသည့် အခြေ အနေမှ နောက်ဆုံး စက်တင်ဘာ လဆန်း ပိုင်းတွင် ပြန်၍ကြား လာခဲ့ ရသည်။ သည့်မတိုင် မီက ၃-လ ကျော်ကြာ တိတ်ဆိတ် ရပ်နား နေခဲ့ခြင်း ဖြစ်သည်။ တောင်ကုန်းပေါ်ရှိ ရေဒီယို အသံလွှင့် တာဝါတိုင်က ပြီးခဲ့သည့် ဇွန်လတွင် မိုးသက် လေပြင်းကျ၍ ပျက်စီး သွားခဲ့ ရပြီး ရှမ်းတော်လှန် ရေးစစ်သား များက မကြာသေး မီကပြန်လည်ပြင် ဆင်ပြီးစီးခဲ့ ကြခြင်းဖြစ်သည်။ မိုးရာသီအတွင်းဖြစ်သည့်အတွက် မိုးကြီးခြင်း၊ လမ်းများ ရွှံ့နွံပေါက် ပျက်စီးခြင်းတို့ကြောင့် ပြင်ဆင်ရေး လုပ်ငန်းများ နှောင့်နှေးကြန့်ကြာနေခဲ့ရသေးသည်။

‘တိုင်း’ လွတ်မြောက်ရေး ရေဒီယိုက မြန်မာနိုင်ငံ၊ ရှမ်းပြည်နယ်တွင် နေထိုင်နေကြသည့် ရှမ်းတိုင်းရင်းသားပြည်သူများ အတွက် မျှော်လင့်ချက် ရောင်ခြည်သဖွယ် ဖြစ်သည်။ ၎င်းရေဒီယိုက ရှမ်းပြည် တပ်မတော် (SSA) ၏ နိုင်ငံရေးလက်တံ ဖြစ်သည့်၊ ရှမ်းပြည် ပြန်လည်တည်ဆောက်ရေး ကောင်စီ (RCSS) ၏ အသံလည်း ဖြစ်သည်။

အချိန်က စက်တင်ဘာလ အစောပိုင်းဖြစ်ပြီး အဆက်မပြတ် ရွာသွန်းနေသည့် မိုးရေ၊ ခပ်နိမ့်နိမ့်ဆိုင်း၍ ဝေ့ဝဲနေသည့်မြူတိမ် များက တောင်ပေါ်ရှိ သက်ရှိလူများကို မြူတိမ်များအတွင်း ပိတ်လှောင်ဖုံးကွယ် ထားသကဲ့သို့ ရှိနေစေသည်။

‘တိုင်း’ လွတ်မြောက်ရေး ရေဒီယိုကို ၂ဝဝ၂ ခုနှစ်တွင် စတင်တည်ထောင်ခဲ့ခြင်း ဖြစ်ပြီး၊ အသံလွှင့်ဝန်ထမ်း ၁ဝ ဦးကျော်ဖြင့် လည်ပတ်နေသည်။ တိုက်ပွဲသတင်းများ၊ SSA တပ်ဖွဲ့၏ ဌာနချုပ်စခန်း လွိုင်တိုင်းလန်း ဝန်းကျင်ရှိပြည်သူများ၏ လက်ရှိ အခြေအနေများကို တင်ပြပေးနေသည်။

ထို့အပြင် ၎င်းရေဒီယိုက RCSS ကောင်စီ၏ မြင့်မြတ်သည့် ဦးတည်ချက် အခြေခံစံ ၄ ချက်နှင့် မူဝါဒ ၆ ရပ်ကိုလည်း ရှမ်းပြည်နယ်နေ ပြည်သူများ သိရှိနိုင်ရန် ရှမ်း (ထိုင်းယိုင်) ဘာသာစကားဖြင့် ထုတ်လွှင့်ပေးနေသည်။ ၎င်းရေဒီယိုက RCSS ကော်မီတီ၏ လွတ်မြောက်ရေး ကြွေးကြော်သံကို အားဖြည့်ပေးနေသည့် ဗဟိုဌာနဟု ဆိုရင်လည်း ရနိုင်သည်။

သို့သော်လည်း မေးစရာ ရှိနေသည် ၎င်းရေဒီယိုက တိုင်းရင်းသား လူမျိုးရေး အတွက် ဝါဒဖြန့်ချိရန် သက်သက်သာလော။ သို့မဟုတ် ရှမ်းလူမျိုးများ အတွက်သာ တင်ပြပေးနေသည့် ရှမ်းသတင်းဌာနလော။ စိုင်းဆန် အပြောအရ ဆိုလျှင်တော့ ၂-ခု စလုံး မှန်သည်။ စိုင်းဆန်က အသက် ၂၇-နှစ် ရှိပြီဖြစ်ပြီး၊ ၎င်းသတင်းဌာနတွင် ၃-နှစ်ကျော် တာဝန်ထမ်းနေခဲ့သည့် တာဝန် ခံတဦးလည်း ဖြစ်သည်။

"တိုင်း လွတ်မြောက်ရေး ရေဒီယိုအတွက် အရေးအကြီးဆုံးကတော့ ပြည်သူတွေအတွက် သတင်းမှန်တွေ ရဖို့ပဲ။ ဒါမှပဲ သူတို့ အခြေအနေမှန်ကို သိနိုင်ကြမယ်" ဟု သူက ပြောသည်။ "(နအဖ) နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ စစ်အစိုးရက ဒီလူတွေ ဗဟုသုတမရနိုင်ဖို့ မျက်စိ၊ နားတွေ ပိတ်ထားချင်ကြတယ်။ (နအဖ) က တိုင်းရင်းသား တွေကို ဗဟုသုတရှိနေတာ၊ စွမ်းဆောင်ရည်ရှိတာမျိုး မမြင်လိုကြဘူး" ဟု ဆက်ပြောသည်။

ရွေးကောက်ပွဲ ကျင်းပပြီး၍ (နအဖ) ကို ဖျက်သိမ်းခဲ့ပြီး ဖြစ်သော်လည်း၊ စိုင်းဆန်ကမူ လက်ရှိ မြန်မာအစိုးရတွင်လည်း ယခင် စစ်ဗိုလ်ချုပ်များကသာ ထိန်းချုပ်ထားဆဲဟု ယုံကြည်နေသည်။ နောက်ကွယ် ကန့်လန့်ကာနောက်မှ ချုပ်ကိုင် ကြိုးဆွဲနေသည်ဟု ယူဆသည်။

"ကျနော်တို့က ပြည်သူတွေကို ကျနော်တို့ မူဝါဒတွေ နားလည်စေချင်တယ်။ (နအဖ) အကြောင်းနဲ့ သူတို့ ဘာတွေ လုပ်နေသလဲဆိုတာ နားလည်စေချင်တယ်။ ဘယ်ဒါ အမှန်၊ ဘယ်ဒါအမှားဆိုတာ သိစေချင်တယ်" ဟု သူကပြောသည်။

၂ဝ၁ဝ ခုနှစ်တွင် ရှမ်းပြည်နယ် အလယ်ပိုင်း ကျေးရွာတခုမှနေ၍ စိုင်းဆန်က RCSS ကော်မီတီ၏ သတင်းနှင့် ဆက်သွယ် ရေးဌာနထံ ပူးပေါင်းခဲ့သည်။ စိုင်းဆန်က RCSS ၏ ဆက်သွယ်ရေးဌာနတွင် တာဝန်မယူရမီတွင်၊ SSA ၏ စစ်သားအဖြစ် သင်တန်း ၈-လခန့် တက်ခဲ့ရသေးသည်။

လျှို့ဝှက် ထုတ်လွှင့်နေသည့် ရေဒီယို အသံလွှင့်ဌာနငယ်များက ကာလကြာရှည်စွာ ကပင် တော်လှန်ရေး ရဲဘော်
များ အတွက် အထူးအရေးပါနေခဲ့သည်။ ၁၉၅၈ ခုနှစ်တွင် အာနက်စတို ချေ ဂွေဗားရားက တည်ထောင်ခဲ့သည့် [သူပုန့်ရေဒီယို] “Radio Rebelde” (ယခုတိုင်လည်း ဆက်လက် ထုတ်လွှင့်နေဆဲ ဖြစ်သည်) က ကျူးဘားတော်လှန်ရေး ကာလတွင် ဖီဒဲ ကက်စ ထရို၏ တော်လှန်ရေးရည်ရွယ်ချက်များကို ကျူးဘားပြည်သူများထံ ချပြခဲ့ပြီး၊လေလှိုင်းမှနေ၍ အရေးကြီးသည့် ဗျူဟာ များ၊ စစ်ရေးဆိုင်ရာ ညွှန်ကြားချက်များလည်း ထုတ်လွှင့်ပေး နိုင်ခဲ့သေးသည်။

နည်းဗျူဟာဆိုင်ရာ ထုတ်လွှင့်ချက်များက အခြားသာမာန် အစီအစဉ်များကဲ့သို့ပင် လူကြိုက်များပြီး၊ ဒေသခံကျူးဘား ပြည်သူ များကိုလည်း တော်လှန် ရေးနှင့် ပို၍နီး စပ်စေခဲ့သည်။ ယခု လွိုင်တလန်းတွင်မူ အသံလွှင့်လုပ်ငန်းက တနည်းတဖုံတော့ ခြားနားချက် ရှိနေသည်။ အကယ်၍ ရှမ်းပြည်သူများက သူပုန်ရေဒီယို နားထောင်စဉ် ဖမ်းမိမည်ဆိုလျှင် မြန်မာအစိုးရအာဏာပိုင်များဖက်က ဆိုးရွားပြင်းထန်သည့် တုံ့ပြန်မှုဆိုးကျိုးကို ခံစားရလိမ့်မည်။

စိုင်းဆန်အပြောအရ လွိုင်တလန်းဒေသဝန်းကျင် ၅ဝ ကီလိုမီတာအတွင်း သူတို့ရေဒီယို အသံလွှင့်နိုင်သည်ဟု ဆိုသည်။ ပြောရမည်ဆိုလျှင် သိပ်မကျယ်ပြန့်သေးဟု ဆိုနိုင်သည်။ မဇ္ဈိမသတင်းဌာနသို့ သတင်းနှင့် ဆက်သွယ်ရေး ဌာနက ပြောကြားရာတွင် လာမည့်အောက်တိုဘာလတွင် တိုင် လွတ်မြောက်ရေး ရေဒီယိုကို အင်တာနက်မှ တဆင့်လည်း ထုတ်လွှင့်ရန် စီစဉ်နေပြီဟု ဆိုသည်။ သို့ဆိုလျှင် မြန်မာနိုင်ငံ ပြင်ပတွင် နေထိုင်နေကြသည့် ရှမ်းတိုင်းရင်းသားများအကြား ပရိသတ်ပိုမို ရရှိလာတော့မည် ဖြစ်သည်။ သို့သော် အင်တာနက် မဆက်နိုင်ကြသည့် ရှမ်းတိုင်းရင်းသားများအတွက်မူ အကျိုးသက် ရောက်မှု နည်းနေနိုင်ပါသေးသည်။

RCSS ကော်မီတီ၏ သတင်းများကို ရှမ်းဘာသာဖြင့် ထုတ်လွှင့်ပေးနေခြင်းသည် မြန်မာဗဟိုအစိုးရက လူအများ အသိ သုတရရှိရေးကို လက်ဝါးကြီးအုပ် ထိန်းချုပ်ထားသည့်ကိစ္စအပေါ် တနည်းတဖုံဖြင့် တိုက်ပွဲဝင်နေခြင်းဟု စိုင်းဆန်က ယူဆ သည်။ ထို့အပြင် ရှမ်းပြည် နယ်ရှိ မတူကွဲပြားသည့် တိုင်းရင်းသားအုပ်စုများအကြား ချစ်ကြည် ရင်းနှီးမှုကို ပိုမိုခိုင်မာလာစေ ပြီး၊ အာရှဒေသတလွှား ပျံ့နှံ့နေထိုင်ကြ သည့် ရှမ်းလူမျိုးများအကြားလည်း ပို၍ ချိတ်ဆက်မိစေမည်ဟု ဆိုသည်။

ရှမ်းပြည် လွတ်မြောက်ရေး တောင်းဆိုချက်အပြင် RCSS ၏ အခြားသော မူဝါဒတခုမှာ တိုင်းရင်းသား လူမျိုးများအကြား ညီညွတ်မှု ရှိစေရေးနှင့် တန်းတူအခွင့်အရေး ရှိစေရေးပင် ဖြစ်ပြီး၊ ၎င်းသဘောထားများကိုလည်း စိုင်းဆန်က ထုတ်လွှင့်ပေးရသည်။ ရှမ်းပြည်နယ်တွင် မတူကွဲပြားသည့် တိုင်းရင်းသားအုပ်စု ၁၅-ခု အနည်းဆုံး တည်ရှိနေသည်။

"ကျနော်တို့ ရှမ်းလူမျိုးတွေက တရုတ်၊ အိန္ဒိယမှာလည်း နေထိုင်နေကြတယ်။ သန်းနဲ့ချီ ရှိမယ်။ ဒါပေမယ့် ကျနော်တို့ ယဉ်ကျေးမှု အကြောင်းကို မသိကြဘူး။ တခြားဒေသတွေမှာလည်း သူတို့ယဉ်ကျေးမှု အကြောင်းကို မသိကြဘူး" ဟု သူက ပြောပြသည်။ "ကျနော်တို့ ရေဒီယိုပေါ်ကနေ ထုတ်လွှင့်ပေးတော့ ပိုပြီးညီညွတ်မှုရစေတယ်။ ပိုချစ်ခင်ရင်းနှီးမှု ရစေတယ်။ ရေဒီယိုက သိပ်ပြီး အစွမ်းထက်တယ်" ဟု ဆိုသည်။

ရှမ်းပြည်နယ်အတွင်း နေထိုင်ကြသူများအဖို့ မြန်မာအစိုးရပိုင် သတင်းစာများနှင့် ရေဒီယိုထုတ်လွှင့်ချက်များသာ ရရှိနေကြ သောကြောင့် သူတို့၏ လူမျိုးဝိသေသလက္ခဏာများ ဆုံးရှုံးပျောက်ဆုံးလာကြရကြောင်း သူက ပြောသည်။ သူတို့ တိုင်း လွတ်မြောက်ရေး ရေဒီယိုက RCSS ၏ မူဝါဒများအပြင်၊ ရှမ်းသမိုင်းကြောင်း၊ ယဉ်ကျေးမှုနှင့် ကျန်းမာရေးအတွက် အစီ အစဉ်များကိုလည်း သိရှိနိုင်ရန် တင်ဆက်ထုတ်လွှင့် ပေးနေသေးသည်။

တိုင်း လွတ်မြောက်ရေး ရေဒီယိုမှတဆင့် RCSS မူဝါဒများ ထုတ်လွှင့်ပေးနေခြင်းမှာ ရှမ်းလူမျိုးများအကြား စည်းလုံးညီညွတ် မှု ရရှိစေရေးအတွက် အထူးအရေးပါသည်ဟု သူကပြောသည်။

သူရွာတွင် ကလေးဘဝရှိစဉ်က ရေဒီယိုနားထောင်သည်ဆိုသည်မှာ မြန်မာအစိုးရက ထုတ်လွှင့်သည်များကိုသာ နားထောင်ခဲ့ရကြောင်း ပြန်ပြောပြသည်။ သူက တိုင်းလွတ်မြောက်ရေး ရေဒီယိုမှတဆင့် ရှမ်းလူမျိုးတို့၏ ဇာတိပုည ဝိသေသ လက္ခဏာကိုဆက်လက် ရှင်သန် နေစေရန် ဆောင်ရွက်လိုသည်ဟု ဆိုသည်။

"ကျနော် ဒီအလုပ်မျိုး အရင်ထဲက လုပ်ချင်နေတာ။ ကျနော့်အသည်းနှလုံးထဲကပါ စိတ်ပါတာ။ အရင် ကျနော်ငယ်ငယ် တုန်းက ရေဒီယိုထဲမှာ ရှမ်းအသံမကြားခဲ့ရဘူး။ ဒါကြောင့် ကျနော်က တကယ်လုပ်ချင်တာ" ဟု ဆိုသည်။

ဤရေဒီယိုက RCSS အဖွဲ့၏ ပြယုဂ်အသံလည်း ဖြစ်သည်။ မြန်မာစစ်အစိုးရက တိုင်းရင်းသားလူမျိုးတို့၏ ယဉ်ကျေးမှု၊ ဝိသေသ လက္ခဏာ များကို ဖျက်ဆီးပစ်ရန် ကြိုးစားနေသည်ဟု သူတို့မြင်ထားသည်နှင့်အညီ ပြန်လည်တွန်းလှန်နိုင်ရန် တိုက်ပွဲဝင်နေခြင်း ဖြစ်သလို၊ ဤသို့ ကြိုးပမ်းခြင်းက သူတို့၏ မွေးရာပါအခွင့်အရေးနှင့် ကိုယ်ပိုင်ပြဋ္ဌာန်းခွင့်ကိုဖော်ဆောင် နေခြင်းလည်း ဖြစ်သည်ဟု မြင်ထားသည်။ ထို့အပြင် ဤသို့ပြောဆိုချက်များက ရှမ်းပြည်သူတို့၏ အသည်းနှလုံးထဲထိ ရောက်မည်ဟု ယူဆထားပြီး၊ ရှမ်းပြည် လွတ်မြောက်ရေးတိုက်ပွဲတွင် ပူးပေါင်းပါဝင်လာကြမည်ဟုလည်း မျှော်လင့်ထားသည်။

သူတို့အတွက် ခံစားချက်များက မြင့်မားနေသလို၊ မကျေနပ်မှုများလည်း ပြည့်လျှံနေသည်။ လွိုင်တလန်းရှိ ရှမ်းစစ်သား အချို့က သူတို့ကို "သူပုန်" ဟု ခေါ်သည်ကို မကြိုက်နှစ်သက်ကြပေ။ အကြောင်းမှာ နိုင်ငံတော်အစိုးရ အုပ်ချုပ်မှုပြင်ပတွင် ရပ်တည်နေသည့် သူတို့၏ အနေအထားကို တရားမဝင်ဟု အဓိပ္ပါယ် သက်ရောက် စေသောကြောင့်ဟု RCSS ဟု နိုင်ငံခြား ရေးဌာန အတွင်းရေးမှူးက မဇ္ဈိမသတင်းဌာနသို့ ပြောသည်။ သို့သော် သူ့အမည်ကို ဖော်ပြခြင်း မပြုရန်လည်း မဇ္ဈိမသို့ ပြောခဲ့သေးသည်။

"ကျနော့်ကို 'သူပုန်' လို့ခေါ်တာ မကြိုက်ဘူး။ ကျနော်တို့က 'တော်လှန်ရေး' လို့ ခေါ်တယ်။ တော်လှန်ရေးဆိုတာက ပိုကောင်းတယ်" ဟု သူက ပြောသည်။ "ကျနော်တို့မှာ နိုင်ငံရှိတယ်။ ကျနော်တို့က အာဏာမဲ့နေရတာ။ ကျနော်တို့ တိုင်း ပြည်ကို ပြန်သိမ်းပိုက်ဖို့ အာဏာအင်အား မရှိဘဲ ဖြစ်နေကြတာ။ အခုတော့ မြန်မာစစ်အစိုးရ (နအဖ) က ကျနော်တို့ တိုင်းပြည်ကိုကျူးကျော် သိမ်းပိုက် ထားတယ် ... ကျနော်တို့ နိုင်ငံရတဲ့အထိ ပြန်တိုက်ပွဲဝင်ကြရမှာ။ ဒါမှပဲ ကျနော်တို့ အမိ မြေကို ပြန်ရနိုင်မယ်။ ကျနော်တို့က ပြန်ခေါင်းဆောင်ရမှာ။ ကျနော်တို့ဘာသာ ဦးဆောင်ကြရမှာ။ တခြားလူတွေက ဦးဆောင်ကြရမှာ မဟုတ်ဘူး။ ဒါက ကျနော်တို့အခွင့်အရေး၊ ကျနော်တို့မြေ ဖြစ်လို့ပဲ" ဟု သူက ဖြည့်စွက်ပြောသည်။

၂ဝ၁ဝ နိုဝင်ဘာလတွင် အငြင်းထွက်ဖွယ် ရွေးကောက်ပွဲများ ကျင်းပခဲ့ပြီးနောက်ပိုင်းမှစ၍ ရှမ်းတပ်ဖွဲ့များနှင့် မြန်မာ စစ်တပ် အကြား တိုက်ပွဲများလည်း ပိုမိုပြင်းထန်လာခဲ့သည်။

မြန်မာစစ်တပ်က SSA (N) ရှမ်းပြည်တပ်မတော် (မြောက်) နှင့် သဘောတူညီထားသည့် ၂၂-နှစ်ကျော်ကြာ အပစ်အခတ် ရပ်စဲရေး သဘောတူညီချက်ကို မတ်လ ၁၃-ရက်နေ့တွင် ပြန်လည်ချိုးဖောက်ခဲ့ပြီး၊ သူတို့၏ ဒုတိယ အကြီးဆုံးစခန်း နမ်း လောင် (Nam Lao) ကို သိမ်းပိုက်ခဲ့ကြသည်။

ထိုအချိန်မှစ၍ တိုက်ပွဲများ ဆက်လက်ဖြစ်ပွားနေဆဲ ဖြစ်သည်။ ထို့နောက် ယခုနှစ်၊ မတ်လ ၂၁ ရက်နေ့တွင် (SSA-N) ရှမ်းပြည် တပ်မတော် (မြောက်) က (SSA-S) ရှမ်းပြည်တပ်မတော် (တောင်ပိုင်း) နှင့် ပြန်လည် ပူးပေါင်း၍ တခုတည်းသော ရှမ်းပြည်တပ်မတော် (SSA) ကို ပြန်လည် ဖွဲ့စည်းခဲ့ကြသည်။

စစ်ပွဲများ ပြန်လည်ဖြစ်ပေါ်လာသည့်အတွက်ကြောင့် ဒေသခံ အရပ်သားပြည်သူများအဖို့ အထူး ဒုက္ခရောက် ကြရသည်။ မြန်မာစစ်တပ်က ရှမ်းပြည်တပ်မတော် (မြောက်) (SSA-N) ထိန်းချုပ်ရာ ဒေသအတွင်းသို့ တမင်တကာ ထိုးစစ်ဆင်လာခဲ့ သည်။ ၎င်းထိုးစစ်က မတော်တဆ ကြုံကြိုက်ရပုံမျိုးမဟုတ်။ ၂ဝ၁၃ ခုနှစ်တွင် အပြီးတည်ဆောက်မည့် အိန္ဒိယသမုဒ္ဒရာမှ တရုတ်နိုင်ငံတွင်းသို့ သွယ်တန်းမည့် ဓာတ်ငွေ့နှင့် ရေနံပိုက်လိုင်း စီမံကိန်းလမ်းကြောင်း ကျရောက်ရာဒေသဖြစ်သည့်အတွက် ဤကိစ္စကြောင့်ပင် ထိုးစစ်ဆင်လာခြင်း ဖြစ်သည်ဟုလည်း ယူဆစရာ ရှိနေသည်။

မြန်မာစစ်တပ်နှင့် SSA တပ်များ ရှမ်းပြည်တပ်မတော် (မြောက်ပိုင်း) နယ်မြေအတွင်း တိုက်ပွဲများ စတင်ဖြစ်ပွားခဲ့ချိန်မှစ၍ ကျေးရွာလူထု ၃ဝ,ဝဝဝ ခန့် အိုးအိမ်များကို စွန့်ခွာထွက်ပြေးခဲ့ကြရပြီး ဖြစ်သည်။ [၎င်းသတင်းကို မဇ္ဈိမ သတင်းဌာနက သြဂုတ်လ ၁၇ ရက်နေ့တွင် ဖော်ပြခဲ့ပြီး ဖြစ်သည်။]

ရှမ်းအမျိုးသမီးအရေး လှုပ်ရှားဆောင်ရွက်သူများ ကွန်ရက်အဖွဲ့ နှင့် ရှမ်းလူ့အခွင့်အရေးအဖွဲ့များက သြဂုတ်လ ၁ဝ ရက်နေ့ တွင် ပူးတွဲကြေညာချက် ထုတ်ပြန်၍ ရှမ်းဒုက္ခသည်များအတွက် လူသားချင်းစာနာသည့် ကူညီ ထောက်ပံ့မှုများ ပြုပါရန် တောင်းဆို ခဲ့သေးသည်။ ၎င်းအဖွဲ့ ၂-ခုလုံးက မြန်မာစစ်တပ်အနေဖြင့် မကြာသေးမီက ဖြစ်ပွားနေသည့် ရှမ်းပြည်ထိုးစစ်များ အတွင်း မုဒိမ်းမှုကို ကျူးလွန်နေကြကြောင်းလည်း စွပ်စွဲထားသည်။

မြန်မာစစ်တပ်က အခြားလူ့အခွင့်အရေး ချိုး ဖောက်မှုများ အနေဖြင့် ရှမ်းပြည်နယ်ထဲတွင် အရပ်သားပြည်သူများကို လက်နက်ကြီးဖြင့် ပစ်ခတ်ခြင်း၊ အဓမ္မအလုပ်ခိုင်း စေခြင်းနှင့် အတင်းအကျပ် ရွှေ့ပြောင်းနေရာချထားမှုများ၊ ဥပဒေမဲ့ ဖမ်းဆီးမှု၊ ညှဉ်းပမ်းနှိပ်စက်မှု၊ အရပ်သားပေါ်တာများ ကို "လူသာဒိုင်းကာ" အဖြစ် အသုံးချမှုများ၊ ဥပဒေမဲ့ သတ်ဖြတ်မှုများ ရှိနေကြောင်း မှတ်တမ်းတင် ဖော်ပြခဲ့ကြသည်။

ရှမ်းပြည်နယ်အတွင်း ဖြစ်ပွားနေသည့် စစ်ပွဲ၊ ပဋိပက္ခနှင့် လူ့အခွင့်အရေး ချိုးဖောက်မှုများအကြောင်းကို အမှန်အတိုင်း သူ ကြိုးပမ်းထုတ်လွှင့်သွားမည်ဟု စိုင်းဆန်က ပြောသည်။ ရှမ်းလူမျိုးတို့၏ ဇာတိမျိုးချစ်စိတ်အပေါ် အခြေတည်၍ ညီညွတ်ရေး တည်ဆောက်ပေးနိုင်ရန်လည်း သူက လုပ်ဆောင်လိုသေးသည်။

စက်တင်ဘာလဆန်းပိုင်းတွင် ရေဒီယို လွှင့်တိုင်ကို ပြန်လည်ထူထောင်ခဲ့ပြီး ဖြစ်၍ လျှို့ဝှက်အသံလွှင့် လုပ်ငန်းများ လည်း ပြန်၍ စတင်နေကြပြီ ဖြစ်သည်။ စိုင်းဆန်၏ အသံလည်း လေလှိုင်းပေါ် ပြန်လည်ရောက်ရှိလာပြီ ဖြစ်သည်။


စိုင်းဆန် မှာ နာမည်ရင်းမဟုတ်ပါ။
Thea Forbes ရေးသားသည့် Guerrilla radio in the mist ကိုဆီလျော်အောင် ပြန်ဆိုဖော်ပြပါသည်။

No comments: