လူ့ အခွင့်အရေးတိုက်ပွဲဝင် ပုဂ္ဂိုလ်များ (အပိုင်း ၂)

ခင်​မောင်စိုး​

လွန်ခဲ့တဲ့ ၂၀ ရာစုကာလတုန်းက ကမ္ဘာ့နိုင်ငံကြီးမှာ ဒီမိုကရေစီ စနစ်နဲ့ ကွန်မြူနစ်စနစ်ဆိုတဲ့ စကားလုံးတွေ လွှမ်းမိုးခဲ့ပါတယ်။ ဒီစနစ်ကြီး ၂ ခု အားပြိုင်ခဲ့တဲ့ စစ်အေးခေတ်ကြီးဟာ တကမ္ဘာလုံး တထိတ်ထိတ် ဖြစ်နေရတဲ့ ခေတ်ကြီးပါ။ အဲဒီ စစ်အေးခေတ်ကြီး ၂၀ ရာစု နှောင်းပိုင်းမှာ ကုန်ဆုံးသွားတဲ့ နောက်ပိုင်း ကမ္ဘာ့နိုင်ငံရေး လောကမှာ လွှမ်းမိုးလာတဲ့ စကားလုံးကတော့ လူ့အခွင့်အရေးဆိုတဲ့ စကားလုံး ဖြစ်ပါတယ်။

နိုင်ငံအချင်းချင်း ဝေဖန် ပြောဆိုကြတဲ့အခါ လူ့အခွင့်အရေး ဘယ်လောက် ရှိသလဲ၊ လူ့အခွင့်အရေးကို ဘယ်လို ချိုးဖောက်နေသလဲ စသည်ဖြင့် ပြောဆို ဝေဖန်ကြပါတယ်။

ဒီအခြေအနေပေါ်မှာ အခြေတည်ပြီး တနိုင်ငံနဲ့ တနိုင်ငံ ဆက်ဆံရေးကို တည်ဆောက်ကြပါတယ်။ လူ့အခွင့်အရေး ချိုးဖောက်တဲ့ နိုင်ငံများ အပေါ်မှာဆိုရင် သံတမန်ဆက်ဆံရေး ဖြတ်တောက်တာတွေ၊ စီးပွားရေး ပိတ်ဆို့ အရေးယူတာတွေကို လုပ်တတ်ကြပါတယ်။ မြန်မာ အစိုး ရအပေါ် အမေရိကန် ပြည်ထောင်စုနဲ့ ဥရောပသမဂ္ဂတို့က ပိတ်ဆို့ အရေးယူတာတွေဟာ လူ့အခွင့်အရေး ချိုးဖောက်မှုတွေနဲ့ ဆက် စပ်နေ ပါတယ်။

ဒါပေမယ့် ကမ္ဘာမှာ လူ့အခွင့်အရေးနဲ့ ပတ်သက်ပြီး စနစ်တကျ ဖြစ်လာတာတော့ သိပ်မကြာသေးပါဘူး။ ၁၉၄၈ ခုနှစ်ရောက်မှ လူ့အခွင့်အရေး ကြေညာစာတမ်းဆိုပြီး ကုလသမဂ္ဂ အဖွဲ့ကြီးက ထုတ်ပြန် ကြေညာခဲ့တာပါ။ အခုအခြေအနေမှာတော့ လူ့အခွင့်အရေး ကြေညာစာတမ်းကြီးက လူ့လောကရဲ့ လွတ်လပ်မှု၊ တရားမျှတမှုနဲ့ ငြိမ်းချမ်းသာယာမှုအတွက် လမ်းညွှန်သဘောတရားကြီး တခု ဖြစ်နေပါပြီ။ ဒီကြေညာစာတမ်းကို အခြေပြုပြီး နိုင်ငံရေး အခွင့်အရေး၊ စီးပွားရေး အခွင့်အရေး၊ လူမှုရေး အခွင့်အရေး၊ ယဉ်ကျေးမှု အခွင့်အရေး၊ အမျိုးသမီး အခွင့်အရေး၊ ကလေးသူငယ် အခွင့်အရေး စတဲ့ လူ့ဂုဏ်ရည် သိက္ခာပိုမို ထွန်းပြောင်လာစေမယ့် အခွင့်အရေးများကို ရေးဆွဲတင်ပြခဲ့ပါတယ်။

လူ့ဘောင် လောကအတွက် အလွန်အရေးပါတဲ့ ဒီလူ့အခွင့်အရေး ကြေညာ စာတမ်းကြီးကို ဦးဆောင်ရေးဆွဲသွားသူကတော့ အယ်လီနာ ရုစ်ဗဲ့လ်ဒ် အမည်ရှိတဲ့ အမျိုးသမီးကြီးပဲ ဖြစ်ပါတယ်။

အယ်လီနာ ရုစ်ဗဲ့လ်ဒ် ကို အမေရိကန် နယူးယောက်မြို့တော်မှာ ၁၈၈၄ ခုနှစ် အောက်တိုဘာ ၁၁ ရက်နေ့မှာ မွေးပါတယ်။ ဖခင်ဖြစ်သူက အမေရိကန် သမ္မတ တဦးဖြစ်တဲ့ သီယိုဒိုး ရုစ်ဗဲ့လ်ဒ်ရဲ့ ညီ ဖြစ်ပါတယ်။ အယ်လီနာ ရုစ်ဗဲ့လ်ဒ် အသက် ၈ နှစ်အရွယ်မှာ မိခင်ကွယ်လွန်သွားပြီး အသက် ၁၀ နှစ်အရွယ်မှာ ဖခင်ဆုံးသွားတဲ့ အတွက် ငယ်စဉ်ကတည်းက အဘွားဖြစ်သူနဲ့ပဲ နေထိုင်ခဲ့ရပါတယ်။ ဘော်ဒါဆောင်ရှိတဲ့ ကျောင်းမှာ အသက် ၁၈ နှစ်အထိ ပညာသင်ကြား ခဲ့ပြီးနောက် ဇာတိဖြစ်တဲ့ နယူးယောက်ကို ပြန်လာပါတယ်။ အသက် ၂၁ နှစ်မှာတော့ အစ်ကိုဝမ်းကွဲ ဖရန်ကလင် ရုစ်ဗဲ့လ်ဒ် နဲ့ လက်ထပ်ခဲ့ပါတယ်။

လက်ထပ်ပြီး ၁၀ နှစ်ကျော် ကာလအတွင်းမှာ ကလေး ၆ ယောက် မွေးပေမယ့် သားတယောက်ပဲ အဖတ်တင်ပါတယ်။ ဒီကာလဟာ သူ့ဘ၀ရဲ့ ကလေးမွေးတဲ့ ကာလပဲလို့ အယ်လီနာက ပြောပါတယ်။ ပထမကမ္ဘာစစ်ကြီး ဖြစ်တဲ့ အခါမှာတော့ အမေရိကန် ကြက်ခြေနီအသင်းမှာ ဝင်ရောက် လုပ်ကိုင်ခဲ့သလို အမေရိကန် ရေတပ် ဆေးရုံမှာလည်း စေတနာဝန်ထမ်း လုပ်အားပေးခဲ့ပါတယ်၊၊

၁၉၂၁ ခုနှစ်ရောက်တော့ ယောက်ျားဖြစ်သူ ဖရန်ကလင် ရုစ်ဗဲ့လ်ဒ်ဟာ ပိုလီယိုရောဂါကို ခံစားရပြီး မသွားနိုင် မလာနိုင် ဘ၀ကို ကျရောက်ခဲ့ပါတယ်။ ဒီအချိန်မှာ ယောက်ျားဖြစ်သူရဲ့ နိုင်ငံရေးလုပ်ငန်းတွေကို မရပ်တန့်ရလေအောင် အယ်လီနာက ဆက်လက် ဆောင်ရွက်ပေးပါတယ်။ နိုင်ငံရေးနယ်ပယ်အတွင်းမှာ ကျယ်ကျယ်ပြန့်ပြန့် ၀င်ရောက်လှုပ်ရှားလာသလို အမျိုးသမီး မဲဆန္ဒရှင်များ အဖွဲ့ချုပ်နဲ့ အမျိုးသမီး အလုပ်သမားသမဂ္ဂ အဖွဲ့ချုပ် တို့လို အဖွဲ့တွေမှာလည်း ၀င်ရောက် ဆောင်ရွက်ပါတယ်။ အကျိုးအမြတ်မယူတဲ့ ပရိဘောဂ စက်ရုံတရုံကို ထူထောင်ခဲ့ပြီး အမျိုးသမီး စာသင်ကျောင်း တကျောင်းမှာလည်း ဆရာမ ၀င်လုပ်ခဲ့ပါတယ်။

၁၉၃၂ ခုနှစ် သမ္မတ ရွေးပွဲမှာ ယောက်ျားဖြစ်သူ ဖရန်ကလင်ရုစ် ဗဲ့လ်ဒ် အနိုင်ရပြီး အမေရိကန် နိုင်ငံရဲ့ ၃၂ ဦးမြောက် သမ္မတကြီး ဖြစ်လာပါတယ်။ အယ်လီနာရုစ်ဗဲ့လ်ဒ် လည်း သမ္မတကတော် အဖြစ်နဲ့ လူမှုရေးကိစ္စတွေကို ရှေ့တန်းက ဆောင်ရွက်ရပါတယ်။ အထူးသဖြင့် ဆင်းရဲသားတွေ လူနည်းစုတွေရဲ့ အခွင့်အရေးနဲ့ လိုအပ်ချက်တွေကို ရအောင် ကူညီ ဆောင်ရွက်ပေးခဲ့ပါတယ်။ အခွင့်အရေး ဆုံးရှုံးနေသူများဘက်ကလည်း ၀င်ရောက် ကူညီပေးခဲ့ပါတယ်။

အယ်လီနာတို့ လက်ထက်မှာလည်း အမျိုးသမီးများဟာ အနှိမ်ခံ အပယ်ခံဘ၀က မလွတ်မြောက်ခဲ့သေးပါဘူး။ အယ်လီနာဟာ အမျိုးသမီးများကို ယောက်ျားများနဲ့ အခွင့်အရေး တန်းတူရအောင် ကြိုးပမ်းလုပ်ဆောင်ခဲ့ပါတယ်။ ပုံစံပြရမယ်ဆိုရင် အမျိုးသမီးဆိုရင် သတင်းထောက် မခန့်ချင်တဲ့ အစဉ်အလာကို အယ်လီနာက ရအောင် တိုက်ဖျက်ခဲ့ပါတယ်။ အဲဒီအချိန်တုန်းက အမေရိကန် သတင်းစာများဟာ အမျိုးသားများကိုပဲ သတင်းထောက်ခန့်လေ့ ရှိပါတယ်။ သမ္မတကတော် အယ်လီနာဟာ သူ့ရဲ့ သတင်းစာရှင်းလင်းပွဲများမှာ အမျိုးသမီး သတင်းထောက်တွေကိုပဲ တက်ခွင့်ပေးတဲ့နည်းနဲ့ ဒီအစဉ်အလာကို တိုက်ခိုက်ခဲ့တာပါ။ သတင်းစာတိုက်များဟာ အလွန်အရေးကြီးတဲ့ သမ္မတကတော်ရဲ့ သတင်းစာ ရှင်းလင်းပွဲတွေကို တက်ရောက် နိုင်ဖို့အတွက် အမျိုးသမီး သတင်းထောက်တွေကို မဖြစ်မနေ ခန့်အပ်ရပါတော့တယ်။

၁၉၄၅ ခုနှစ်မှာ ခင်ပွန်းသည် ဖရန်ကလင် ရုစ် ဗဲ့လ်ဒ် ကွယ်လွန်ပါတယ်။ နိုင်ငံတော် ဈာပနပွဲက အပြန်မှာ သတင်းထောက်တွေကို အယ်လီနာက ဇာတ်လမ်း ပြီးသွားပြီလို့ ပြောလိုက်ပါတယ်။ ခင်ပွန်းသည် ကမ္ဘာကျော် ဖရန်ကလင် ရုစ် ဗဲ့လ်ဒ် ကွယ်လွန်သွားပြီ ဆိုတော့ သူဟာ ဘာမှအရေးမပါတဲ့ လူဖြစ်သွားပြီလို့ ဆိုလိုတဲ့ သဘောနဲ့ အဲသည်စကားကို ပြောလိုက်တာပါ။

အယ်လီနာရဲ့ တကယ့်ဘ၀ဟာ အဲဒီအချိန်မှာမှ စတင်တာဖြစ်ပြီး ပင်ကိုယ် အရည်အချင်းကလည်း အဲဒီအချိန်မှာမှ စတင် ပွင့်လန်းလာတာ ဖြစ်ပါတယ်။

သည်ကိုယ်တွေ့ ဖြစ်ရပ်အပေါ်မှာ အကြောင်းပြုပြီး အယ်လီနာ ရုစ်ဗဲ့လ်ဒ် ပြောတတ်တဲ့ စကားတခွန်း ရှိပါတယ်။ အမျိုးသမီးတွေဟာ လက်ဖက်ခြောက်ထုပ်နဲ့ တူတယ်၊ ရေနွေးပူနဲ့ စိမ်တော့မှပဲ တကယ့်အစွမ်းသတ္တိတွေ ထွက်လာတယ်ဆိုတဲ့ စကားပါ။

အယ်လီနာဟာ ငယ်စဉ်က မိဘမဲ့တယောက်လို နေခဲ့ရတယ်။ ကမ္ဘာကျော် သမ္မတနဲ့ အိမ်ထောင်ဖက်ခဲ့ရပေမယ့် အိမ်ထောင်ရေး ပြဿနာကြောင့် ကွာရှင်းပြတ်လု အနေအထားထိ ရောက်ခဲ့တယ်။ ကမ္ဘာစစ်ကြီး ၂ ခုကို ကြုံခဲ့ရသလို စီးပွားပျက်ကပ်နဲ့ ရင်ဆိုင်ခဲ့ရတယ်။ ယောက်ျားဆုံးတော့ သူ့ဘ၀ဆုံးပြီလို့ ထင်မှတ်ခဲ့ပါတယ်။ မုဆိုးမတယောက် အနေနဲ့ မထင်မရှား နေရတော့မယ်လို့ ထင်တဲ့ အချိန်ရောက်မှ အယ်လီနာရဲ့ အရည်အချင်းကို စိန်ခေါ်မယ့် ဘ၀အလှည့်အပြောင်းတခု ပေါ်ပေါက်လာခဲ့ပါတယ်။

အဲဒါကတော့ အမေရိကန် သမ္မတ ထရူးမင်းက အယ်လီနာကို ကုလသမဂ္ဂဆိုင်ရာ အမေရိကန် သံအမတ်ကြီးအဖြစ် ခန့်အပ်လိုက်ခြင်းပဲ ဖြစ်ပါတယ်။ အဲဒီအချိန်မှာ ကုလသမဂ္ဂ အဖွဲ့ကြီးကလည်း လူ့အခွင့်အရေး စာတမ်းကို ရေးဆွဲဖို့ ပြင်ဆင်နေတဲ့အချိန် ဖြစ်ပါတယ်။ အယ်လီနာ ရုစ်ဗဲ့လ်ဒ် ဟာ ကုလသမဂ္ဂ လူ့အခွင့်အရေး ကော်မရှင်မှာ ပထမဦးဆုံး ဥက္ကဋ္ဌ ဖြစ်လာပါတော့တယ်။

တကယ်တော့ လူ့အခွင့်အရေး စာတမ်းကို ရေးဆွဲရတာ မလွယ်လှပါဘူး။ နိုင်ငံပေါင်းစုံ၊ လူမျိုးပေါင်းစုံ၊ ယဉ်ကျေးမှု ပေါင်းစုံနဲ့ အံဝင်ခွင်ကျဖြစ်အောင် ရေးဆွဲရတာပါ။ လူမှန်သမျှတိုင်းက လက်ခံနိုင်တဲ့ အနေအထားမျိုး ရောက်အောင် ရေးဆွဲရတာပါ။

အယ်လီနာဟာ အရှေ့တိုင်း၊ အနောက်တိုင်းက အတွေးအခေါ်ရှင်တွေ၊ ဘာသာရေး ပညာရှင်တွေနဲ့ ညှိနှိုင်းပြီး ဒီစာတမ်းကြီးကို ရေးဆွဲခဲ့ပါတယ်။ မပြီးမပြတ် မကျေမလည်ဖြစ်လို့ ဆုံးဖြတ်ရမယ့် အခါတိုင်းမှာ အယ်လီနာကပဲ ဆုံးဖြတ်ပေးပါတယ်။ ဒီလိုနဲ့ ၁၉၄၈ ခုနှစ် ဒီဇင်ဘာ ၁၀ ရက်နေ့မှာ ကုလသမဂ္ဂ အထွေထွေ ညီလာခံကြီးက ကန့်ကွက်မဲ မရှိ ထောက်ခံ အတည်ပြုပေးနိုင်တဲ့ အနေအထားကို ရောက်လာပါတယ်။

ဒီလူ့အခွင့်အရေး ကြေညာစာတမ်းကြီး ပေါ်ထွက်လာခြင်းဟာ လူ့ယဉ်ကျေးမှု သမိုင်းမှာ အလွန်ကြီးကျယ်ခမ်းနားတဲ့ မှတ်တိုင်ကြီးကို ထူစိုက်လိုက်တာပါပဲ။ ဒီလူ့အခွင့်အရေး ကြေညာစာတမ်းကြီးဟာ လူသားရဲ့ အကျင့်သီလစိတ်ကို အမြင့်မားဆုံး ဖော်ထုတ်ပြသချက် ဖြစ်တယ်လို့ ပုပ်ရဟန်းမင်းကြီးက ချီးကျူး ပြောကြားလိုက်ပါတယ်။ သည်လူ့အခွင့်အရေး ကြေညာစာတမ်းကြီးကို ဦးဆောင် ရေးဆွဲသွားတဲ့ အတွက်ပဲ အယ်လီနာကို ကမ္ဘာကျော် တိုင်းမ်မဂ္ဂဇင်းကြီးက ၂၀ ရာစုရဲ့ ထိပ်တန်းခေါင်းဆောင် ၁၀၀ စာရင်းမှာ ထည့်သွင်းခဲ့တာ ဖြစ်ပါတယ်။ ထူးခြားတာကတော့ အဲဒီ ခေါင်းဆောင် ၁၀၀ စာရင်းမှာ အယ်လီနာရဲ့ ခင်ပွန်းသည် ဖရန်ကလင်ရုစ် ဗဲ့လ်ဒ်လည်း ပါဝင်နေတဲ့ အချက်ပါ။

ဒါပေမယ့် အယ်လီနာရုစ်ဗဲ့လ်ဒ်ဟာ ခင်ပွန်းသည်ရဲ့ အရိပ်ကို ခိုလှုံပြီး နေရာရလာသူ မဟုတ်ပါဘူး။ သူ့ရဲ့ ပင်ကိုယ်အရည်အချင်းနဲ့ ထိပ်တန်းအဆင့်ကို ရောက်လာသူပါ။ သူ့ရဲ့ကိုယ်ပိုင် အစွမ်းအစနဲ့ လူ့သမိုင်းကို အလှည့်အပြောင်း လုပ်ခဲ့သူပါ။

ဒါကြောင့်လည်း လူ့အခွင့်အရေး ကြေညာစာတမ်းကြီးကို ရေးဆွဲပြီးတဲ့အခါမှာ အမေရိကန် သမ္မတ ထရူးမင်းက အယ်လီနာ ရုစ်ဗဲ့လ်ဒ်ဟာ အမေရိကန် ပြည်ထောင်စုရဲ့ ခေါင်းဆောင်အမျိုးသမီး (first lady) အဖြစ်ကနေ ကမ္ဘာကြီးရဲ့ ခေါင်းဆောင် အမျိုးသမီး ဖြစ်သွားပြီလို့ ပြောကြားခဲ့တာ ဖြစ်ပါတယ်။