အမျိုးသား ဒီမိုကရက်တစ် မဟာမိတ် တပ်ပေါင်းစု - သျှမ်းပြည် အရှေ့ပိုင်း NDAA - ESS မိုင်းလား တပ်ဖွဲ့ ထိန်းချုပ် နယ်မြေ အတွင်း အစိုးရ ဝန်ထမ်းများ ပြန်လည် လက်ခံရေး အတွက် မိုင်းလား တပ်ဖွဲ့မှ ဆုံးဖြတ်ချက် မချရ သေးကြောင်း သိရသည်။“အစိုးရ ဘက်က အရာရှိ တစ်ယောက် ယောက် ကျနော်တို့ နယ်မြေ အခြေ အနေ အရပ်ရပ်ကို လာရောက် လေ့လာဖို့ ဖိတ်ခေါ် ထားပါ တယ်။ ပြီးမှ ဘယ်ဌာ နက ဝန်ထမ်းကို ပို့လာမယ်၊ ဘယ်နှစ် ယောက်ပို့ လာမယ်စသဖြင့် ဆွေးနွေး သွားမှာပါ။ အခု မပို့လာ သေးတော့ ဘာမှမ ဆွေးနွေး မဆုံးဖြတ် ရသေးပါဘူး” ဟု မိုင်းလား အရာရှိ တစ်ဦးက ပြောသည်။
စက်တင်ဘာ ၇ ရက် NDAA ကိုယ်စားလှယ် များနှင့် အစိုးရ ကိုယ်စား လှယ်များ တွေ့ဆုံစဉ်“နှစ်ဖက် ဆက်ဆံရေး ရုံးများ နဂို မူလ အတိုင်း ပြန်လည် ဖွင့်လှစ်ခြင်း” အပါ အဝင် အချက် ၄ ချက်ကို သဘောတူ လက်မှတ် ရေးထိုး ခဲ့သည်။
သျှမ်းပြည်အရှေ့ပိုင်း မိုင်းလားမြို့သို့ အစိုးရဘက်မှ လူဝင်မှုကြီးကြပ်ရေးရုံး (လဝက)၊ နယ်စပ်ဒေသနှင့် တိုင်းရင်းသားလူမျိုးများ ဖွံ့ဖြိုးတိုးတက်ရေး (နတလ) ရုံး၊ လယ်ယာစိုက်ပျိုးရေးရုံး၊ စာတိုက်နှင့်ကြေးနန်းရုံး၊ ရုပ်မြင်သံကြားနှင့် တယ်လီဖုန်းလိုင်း ထိန်း သိမ်းရေးရုံးများ သွားရောက်ဖွင့်လှစ်ထားပြီး ဆရာ/ဆရာမနှင့် ဆရာဝန်များလည်း ပို့ဆောင်ထားသည်ဟု သိရသည်။
“ဝ ဘက်ကတော့ နယ်စပ်ဒေသနှင့် တိုင်းရင်းသားလူမျိုးများ ဖွံ့ဖြိုးတိုးတက်ရေး (နတလ) ဝန်ထမ်းတွေ လယ်ယာစိုက်ပျိုးရေး ဝန်ထမ်း တွေကို မခေါ်ဘူး။ ဆရာ/ ဆရာမတွေနဲ့ ဆရာဝန်တွေကိုဘဲ ပြန်ခေါ်ချင်တဲ့ သဘောရှိတယ်လို့ ကြားရတယ်” ဟု အဆိုပါအရာရှိက ဆက်ပြောသည်။
စစ်အစိုးရနှင့် ဆက်ဆံရေးပြေပြစ်စဉ်က UWSA မှ အစိုးရ၏ နတလဝန်ထမ်းအပါအဝင်လယ်ယာစိုက်ပျိုးရေး ဝန်ထမ်းများ၊ ဆရာ/ဆရာမ၊ ဆရာဝန်များ၊ ဆောက်လုပ်ရေးလုပ်သားများ စုစုပေါင်း ၁၀၀ အထိလက်ခံခဲ့သည်ဟု ဆို၏။
နှစ်ဖက်ဆက်ဆံရေး တင်းမာလာသဖြင့် စစ်အစိုးရက ဝ နှင့် မိုင်းလားထိန်းချုပ်နယ်မြေရှိ ၎င်းတို့၏ ဝန်ထမ်း အားလုံးကို ၂၀၁၀ ဧပြီလ အတွင်း ပြန်လည်ခေါ်ယူခဲ့သည်။
မိုင်းလားသည် တရုတ်-မြန်မာ-ထိုင်းနိုင်ငံကို ဆက်သွယ်သည့် အချက်အချာကျအာရှကုန်သွယ်ရေးလမ်းမကြီး ပေါ်တွင် တည်ရှိသည်။
No comments:
Post a Comment