Tuesday, June 5, 2012

မြေယာမှုကြောင့် မွန်လယ်သမားများ အုပ်ချုပ်ရေးမှူးစစ်ဆေး

ဂျူရီချိုင်း

ရန်ကုန်တိုင်း မြောက်ပိုင်းခရိုင်၊ မင်္ဂလာဒုံမြို့နယ် ရွှေနံ့သာကျေးရွာမှာ ဇေက မ္ဘာကုမ္မဏီနှင့် လယ် ယာမြေ အငြင်းပွားမှုကြောင့် မွန် လယ်သမား များအား အုပ်ချုပ် ရေးမှူး ရုံး၌ ယနေ့ စစ်ဆေး မှုများ ပြုလုပ် နေကြ ကြောင်း သိရ သည်။

ယင်းစစ်ဆေးမှုကို ရွှေနံသာကျေးရွာ အုပ်ချုပ်ရေးမှူးက မွန်လယ်သမား ၈၀ ကျော်အား တစ်နေ့လျှင် လယ်သမား ၁၂ ဦးကို တစ်ပတ်အတွင်း စစ်ဆေးမှု ပြုလုပ်သွားမည်ဟု မွန်လယ်သမား နိုင်ကျော်စိန်က ပြောသည်။

၎င်းက “စစ်ဆေးမှုတော့ ဒီမြေတွေ ဘယ်တုန်းက လုပ်ကိုင်လာခဲ့လဲ၊ စပါးအ ထွက်နှုန်းဘယ် လောက်လဲ ဘယ်အချိန်က ပိုင်ဆိုင်ခဲ့လဲ အစုံပဲ မေးတယ်၊ စစ်ဆေး ပြီး တော့ မပြေလည် သေးရင် နောက်ထပ် တဆင့် တင်ပြ ဖို့ရှိ တယ်” ဟု ပြောသည်။

အငြင်းပွားမှုဖြစ်ပျက်နေသည့် လယ်မြေ ၈၁၅ ဧက ကို လယ်ပိုင်ရှင် မွန်လယ်သမားများနှင့် ဇေကမ္ဘာကုမ္မဏီတို့က သီးစားခွင့်ရရန် လျှောက် ထားချက်များကို ဇေကမ္ဘာကုမ္မဏီက သီးစားခွင့် ရရှိသွားသည့် အတွက် မကျေနပ်သည့် လယ်သမားတို့က မြေယာကော်မတီထံ မြေယာ မှု ခင်း ဖွင့်လှစ်ခဲ့ကြသည်။

လယ်သမားများ မြေယာမှုခင်း ဖွင့်လှစ်ခဲ့ခြင်းကြောင့် ခရိုင်မှတဆင့် မြို့နယ်အုပ်ချုပ်ရေးမှူး နှင့် ကျေးရွာအုပ်ချုပ်ရေးမှူးထံ တာဝန်ယူ စစ်ဆေး ဆုံးဖြတ် ပေးရန် ညွန်ကြားလာခဲ့သည်ဟု ဦးကျော်စိန်က ပြော သည်။

လက်ရှိအငြင်းပွားမှု ဖြစ်ပေါ်နေချိန်တွင် ထိုလယ်မြေပေါ်အား တချို့လယ်သမားများက စပါးစိုက် ပျိုးရန် လယ်ထွန်နေကြပြီး တစ်ဘက်က ဇေ ကမ္ဘာ ကုမ္မဏီ မှလည်း လယ်ကွင်းရှိ ကန်သင်ရိုး များကို လယ်ထွန်စက်ဖြင့် လိုက်လံဖြိုဖျက်နေသည်။

လယ်သမားများအား စစ်ဆေးမှုပြုလုပ်ပြီးနောက် ဇေကမ္ဘာကုမ္မဏီကိုလည်း ဆက်လက် စစ်ဆေးသွားမည်ဟု ကျေးရွာအုပ်ချုပ်ရေးမှူးက ပြော သည်။

မွန်လယ်သမားများ ပိုင်ဆိုင်သည့် လယ်မြေ ၈၁၅ ဧကကို ဦးခင်ရွှေပိုင် ဇေကမ္ဘာကုမ္မဏီက စက်မှုဇုံ တည်ဆောက်ရန်အတွက် ၂၀၁၀ ခုနှစ် ဖေ ဖော်ဝါရီလတွင် စတင်သိမ်းဆည်းခဲ့ခြင်းဖြစ်သည်။

ထိုမြေသိမ်းဆည်းချိန်က လယ်ပိုင်ရှင်များအား ဇေကမ္ဘာကုမ္မဏီက စက်မှုဇုံတည်ဆောက်ရန် သိမ်းယူမည်ဟု မပြောဘဲ၊ နိုင်ငံတော်က သိမ်း ဆည်းသည်ဟုဆိုကာ လယ်တစ်ဧကကို လျှော်ကြေး ၃ သိန်း နှုန်းဖြင့် သိမ်းဆည်းလိုက်ခြင်းကြောင့် မကျေနပ်သည့် လယ်ပိုင်ရှင်များက သက် ဆိုင်ရာသို့ အကြိမ်ကြိမ် တိုင်ကြားစာပေးပို့ခြင်းနှင့် တရားစွဲဆိုမှုများ ရှိခဲ့ကြသည်။

လက်ရှိ အသိမ်းခံရထားသည့် လယ်ယာမြေနေရာများတွင် ဇေကမ္ဘာကုမ္မဏီက စက်မှုဇုံ (၁၊ ၂၊ ၃) တည်ဆောက်ရန် လယ်ကွင်းထဲရှိ ရေ မြောင်း တာတမံများ၊ ကန်သင်ရိုးများ ဖြိုဖျက်ပြီး ကားလမ်း ဖောက် ကာ မီးတိုင်များ တပ်ဆင်ထားကြသည်။

No comments: