ဒေါက်တာနိုင်ပန်းလှ ကွယ်လွန်ခြင်း စာတမ်းဖတ်ပွဲ အခမ်း အနား ကျင်းပ

ဂျုရီချိုင်း

ရှေးဟောင်းမွန်သုတေသီ သမိုင်းပညာရှင် ကွယ်လွန်သူ ဒေါက်တာ နိုင်ပန်းလှ အား ရည်စူး၍ စာတမ်း ဖတ်ပွဲ အခမ်း အနား တစ်ရပ်ကို မွန်ပြည်နယ်၊ မော်လ မြိုင်မြို့ရှိ မွန်ဓမ္မာရုံ၌ ယမန်နေ့၊ မွန်းတည့် ၁၂ နာရီအချိန် တွင် စတင် ကျင်း ပခဲ့သည်။

နိုင်ပန်းလှ၏ ရေးသားပြုစုခဲ့သော မွန်-မြန်မာ နှစ်ဘာသာပါဝင်သည့် ရှေးကျ ဆုံးသော ကျောက်စာ၊ ရွှေစည်းခုံမွန်ကျောက်စာ မနုဓမ္မ သတ်နှင့် ထိုင်းဓမ္မ သတ်မူရင်း၊ ရာဇာဓိရာဇ် အရေးတော်ပုံ ကျမ်းအား သမိုင်း ရှုထောင့် လေ့လာ ခြင်း စာတမ်း များကို တက္ကသိုလ် ကထိ က ၅ ဦးတို့က ၄ နာရီကြာ ဖတ်ကြား ခြင်း ဖြစ်သည်။

အခမ်းအနားဖြစ်မြောက်ရေးဦးဆောင်သူ သဘာပတိ နိုင်ပန်းအောင် က “ဒေါက် တာနိုင်ပန်းလှ ရေး သားခဲ့တဲ့ မွန်တို့ဂုဏ်ရည် သီချင်းကို အဆို တော်မိမြသန်းက မွန်ဗမာနှစ်ဘာသာသီဆိုပြီး အခမ်းအနား ဖွင့်လှစ် ခဲ့တာ ပါ၊ ” ဟု ပြောသည်။

အခမ်းအနားသို့ မွန်ပညာရှင်များ၊ နယ်မှ မွန်လူငယ်အဖွဲ့များ၊ မော်လမြိုင်မြို့ရှိ မွန်လူငယ်အဖွဲ့ အစည်းများနှင့် တက္ကသိုလ်ကျောင်း သား/သူ များ စုစုပေါင်း ၂၀ဝ ခန့် တက် ရောက်ခဲ့ကြသည်ဟု သိရသည်။

“မွန်တိုင်းရင်းသားတွေကို ကမ္ဘာကသိအောင်လုပ်ခဲ့သူလို့ ကျနော်တို့မှတ်တမ်းတင်ပါတယ်၊ ရှေးကျ ဆုံးသော မွန်/မြန်မာ ကျောက်စာနဲ့ ရာဇာ ဓိရာဇ်အရေးတော်ပုံကျမ်း နဲ့ပတ်သက်တဲ့စာတမ်းဖတ်ကြားသွားတဲ့အထဲမှာ အတော်များများ စိတ်ဝင်စားကြတယ်” ဟု အခမ်းအနားတက်ရောက်ခဲ့သူ ကိုမင်းမင်းက သုံးသပ်သည်။

နိုင်ပန်းလှသည် ၁၉၉၁ ခုတွင် အမေရိကန်နိုင်ငံ လော့အိန်ဂျလိမြို့ရှိ အနောက်ပစိဖိတ် တက္ကသိုလ်သို့ ပါရဂူဘွဲ့ ကျမ်းပြု ကျောင်းသားအဖြစ် ဝင်ခွင့်ရပြီး ယဉ်ကျေးမှု မနုဿဗေဒ အဓိက B.SC နှင့် Ph.D ဘွဲ့များရရှိခဲ့သည်။

ထို့နောက် ၁၉၉၂ ခုတွင် မွန်ဓမ္မသတ် ၁၁ မျိုးကို အင်္ဂလိပ်ဘာသာဖြင့် ရေးသားတင်ပြ၍ ဥပဒေပါရဂူ LL.D ဘွဲ့ချီးမြှင့်ခံရသည်။ ၁၉၉၄ မှစ၍ ဂျပန်နိုင်ငံ အိုကီနာဝါကျွန်း Meio တက္ကသိုလ်တွင် အမြဲတန်း ပါမောက္ခအဖြစ် အရှေ့တောင်အာရှ ယဉ်ကျေးမှုနှင့် သမိုင်းဘာသာရပ်များကို သင်ပြခဲ့သည်။

ဒေါက်တာနိုင်ပန်းလှကို ၁၉၂၃ ခု၊ မတ်လ ၂၀ ရက်နေ့တွင် ကော့ကရိတ်မြို့နယ် ကော့ဗိန်ကျေးရွာ၌ ဦးကြွနှင့် ဒေါ်ချိုတို့မှ ဖွားမြင်ခဲ့ပြီး ၂၀၁၀ ခုနှစ် ဇွန်လ ၁၈ ရက်နေ့တွင် လေဖြတ်ရောဂါဖြင့် ရန်ကုန်မြို့ နေအိမ်တွင် ကွယ်လွန်ခဲ့သည်။