စက်ရုံလုပ်သားများမှာ တောင်းဆိုချက် ၅ ချက်ဖြင့် အောက်တိုဘာ ၂၄ ရက်မှ စတင်ကာ ဆန္ဒပြခဲ့ကြခြင်းဖြစ်ပြီး ဆန္ဒပြသည့် ၁၇ ရက် မြောက် နေ့မှ တိုင်းခုံသမာဓိအဖွဲ့က ယခုကဲ့သို့ ကြားနာစစ်ဆေးခြင်း ဖြစ်သည်။
“ကျမတို့ တောင်းဆိုတဲ့ အချက် ၅ ချက်ကို မှန်/မမှန် တချက်ချင်း စစ်ဆေးတယ်။ ပြီးတော့ အဲဒီ တောင်းဆိုချက်တွေကို ဘာကြောင့် မပေးသ လဲလို့ အလုပ်ရှင်ဘက်ကို ဖြေရှင်းချက် တောင်းတယ်” ဟု ခုံသမာဓိအဖွဲ့၏ စစ် ဆေးခဲ့မှုကို အလုပ်သမား ကိုယ်စားလှယ် မသူဇာက ပြန်ပြော ပြသည်။
သောကြာနေ့ ကြားနာမှုတွင် အလုပ်ရှင်ဘက်မှ ဖြေရှင်းချက်များကိုသာ ကြားနာခဲ့ကြပြီး စနေနေ့ နံနက် ၁ဝ နာရီတွင် ဆုံးဖြတ်ပေးလိမ့် မည် ဟုလည်း မသူဇာ က ဆိုသည်။
ဆန္ဒပြ လုပ်သားများအနက်မှ ၁ဝ ဦးက နိုဝင်ဘာလ ၁ ရက်နေ့မှ စတင်၍ အစာငတ်ခံ ဆန္ဒပြခဲ့ကြသည်မှာ ကိုးရက် တိုင်ပြီလည်း ဖြစ် သည်။ ထိုသို့ အစာငတ်ခံ ဆန္ဒပြသူများ၏ ကျန်းမာရေး အခြေအနေသည် ဆိုးရွားလျက်ရှိပြီး အများစုမှာ စကားပင် ကောင်းမွန်စွာ ပြော ဆို နိုင်ခြင်း မရှိတော့ဘဲ နှစ်ဦးမှာ ဆေးရုံသို့ ပို့ဆောင်ခဲ့ရသည်။
ထိုသို့အခြေအနေတွင်မှ တိုင်းခုံသမာဓိက စတင်ကြားမှု ပြုလာခြင်းဖြစ်သည်။
တိုင်းခုံသမာဓိအဖွဲ့၏ ကြားနာစစ်ဆေးမှုခံယူရန် အလုပ်သမားဘက်မှ ကိုယ်စားလှယ် ခြောက်ဦး တက်ရောက်ပြီး အလုပ်ရှင်ဘက်မှစက်ရုံမှူးဦး လှကြည်နှင့် စက်ရုံမန်နေဂျာ ဦးမြင့်အောင်တို့ တက်ရောက်ခဲ့ကြသည်ဟုလည်း သိရသည်။
ခုံသမာဓိအဖွဲ့က “အမှန်တရားဘက်က ရပ်တည်မယ်၊ တောင်းဆိုချက်တွေက မှန်ကန် သင့်လျော် တယ်ဆိုရင်ဖော်ထုတ်ပြီးအရေးယူဆောင်ရွက် ပေးမယ်” ဟုဆိုကြောင်းလည်း မသူဇာက မဇ္ဈိမကို ပြန်လည်ပြောကြားသည်။
အလုပ်သမားများက လုပ်ငန်းခွင်သို့ ပြန်ဝင်ခွင့်ရရေး၊ သစ်အချောထည် စက်ရုံ အလုပ်သမားများကို ဆောက်လုပ်ရေး လုပ်ငန်းများသို့ မပို့ရေး၊ အလုပ်ရှင်/အလုပ်သမား သဘော တူညီချက်စာချုပ်ကို တပတ်အတွင်း ချုပ်ဆိုရေး၊ ဆန္ဒပြ လုပ်သားများကို တရားမစွဲဆိုရေးစ သည့် အချက် များ အပါအဝင် တောင်းဆိုချက် ၅ ချက်ကို တောင်းဆို ဆန္ဒပြနေကြခြင်း ဖြစ်သည်။
ဆန္ဒပြအလုပ်သမားများသည် ယခင်က စက်ရုံရှေ့တွင်သာ ဆန္ဒပြနေခဲ့ကြသော်လည်း ယခုလ ၇ ရက်နေ့မှစတင်ကာ ရှစ်မိုင်လမ်းဆုံအနီး မ ရမ်းကုန်းမြို့နယ် အလုပ်သမား ညွှန်ကြားမှုဦးစီးဌာနရုံးရှေ့သို့ ပြောင်းရွှေ့ကာ သပိတ်စခန်း ဖွင့်လှစ်ပြီး ယနေ့အထိ ဆန္ဒပြနေကြသည်။
တိုင်းခုံသမာဓိအဖွဲ့သည် အစိုးရသစ်လက်ထက်တွင် ပြဋ္ဌာန်းလိုက်သည့် အလုပ်သမား အငြင်းပွားမှု ဖြေရှင်းရေး ဥပဒေအရ ဖွဲ့စည်းထား သော အဖွဲ့အစည်းဖြစ်ပြီး ၎င်းအဖွဲ့တွင် အစိုးရ၊ အလုပ်ရှင်၊ အလုပ်သမား တို့၏ ကိုယ်စားလှယ် အသီးသီးပါဝင်ကာ ဖွဲ့စည်းထားသည်။
ယင်းအဖွဲ့သည် အလုပ်သမားများနှင့်အလုပ်ရှင်ကြား အငြင်းပွားမှုများ ဖြစ်ပွားလာပါက တရားရုံးကဲ့သို့ ကြားနာစစ်ဆေးသည့်အဖွဲ့ဖြစ်ပြီး တိုင်း အဆင့် ခုံအဖွဲ့၏ ဆုံးဖြတ်မှုကို တဖက်ဖက်မှ ကျေနပ်မှုမရှိပါက ပြည်ထောင်စုအဆင့် ခုံသမာဓိကောင်စီ၏ ဆုံးဖြတ်ချက်ကိုရယူနိုင် သေး သည်။
အလုပ်သမားများ ဆန္ဒပြပွဲများနှင့် ပတ်သက်၍ တော်ဝင်ကုမ္ပဏီ ပိုင်ရှင် ဦးကိုကိုထွေး က နိုဝင်ဘာလ ၈ ရက်က သတင်းစာရှင်းလင်း ပွဲ တ ခု ပြုလုပ်ခဲ့ပြီး အလုပ်သမားများ၏ တောင်းဆိုချက်များသည် ကြောင်းကျိုးဆီလျော်မှုမရှိ၍၎င်းအနေဖြင့်လိုက်လျောရန်အခက်အခဲရှိ နေကြောင်း ဦးကိုကိုထွေး က ပြောကြားသွားခဲ့သည်။
“အလုပ်ရှင် မရှိရင် အလုပ်သမား မရှိနိုင်ပါဘူး။ အလုပ်သမား မရှိရင်လည်း အလုပ်ရှင် မရှိနိုင်ပါဘူး။ ဒါကြောင့် အပြန်အလှန် နှစ်ဖက်ရှိ တယ် ဆိုတာကိုတော့ နားလည်စေချင်တယ်” ဟုလည်း ပြောကြားခဲ့သေးသည်။
No comments:
Post a Comment