တရုတ်နိုင်ငံ ကူမင်းတရားရုံး၌ အမှုရင်ဆိုင်နေသည့် ၆ ဦးစလုံး ပြစ်ဒဏ်ချမှတ်ခံရပြီးဖြစ်ရာ စိုင်းနော်ခမ်း၊ ဆန်ခမ်း၊ ယီလိုင်းနှင့်ဂျဆီးကား တို့မှာ သေဒဏ် ၊ လားဟူအမျိုးသား၂ ယောက်အနက် ဂျပိုးမှာ (သေဒဏ် သို့သော် အယူခံဝင် စောင့်ဆိုင်းရ) ဂျထူးပိုးမှာ ထောင်ဒဏ် ၈ နှစ် စသည့်ပြစ်ဒဏ်များ ဖြစ်ပါသည်။
မူးယစ်ဆေးဝါးမှု၊ ပြန်ပေးဆွဲမှု နှင့်လူသတ်မှု စသည့်အမှုများဖြစ်ကြောင်း တရားရုံးကပြောသည်ဟု တရုတ် သတင်းများ၌ ဖော်ပြထား သည်။ ထို့အပြင် စိုင်းနော်ခမ်းအား သေဆုံးသူ တရုတ်သင်္ဘောသား ၁၃ ဦး၏ မိသားစု ဝင်များအတွက် တရုတ် ယွမ်ငွေ ၆ သန်း(အမေရိ ကန်ဒေါ်လာ ၉ သိန်းကျော်) လျော်ကြေးပေးရန် တရားရုံး ချမှတ်ခဲ့ကြောင်းလည်း chinadaily.com သတင်းကဖော်ပြထားသည်။
စက်တင်္ဘာ ၂၀ - ၂၁ အထိ နှစ်ရက်ဆက်တိုက် တရုတ်နိုင်ငံယူနန်ပြည်နယ် (ကူမင်း) ခွန်းမင်မြို့တရားရုံး၌ စိုင်းနော်ခမ်းအဖွဲ့ရုံးတင်စစ် ဆေး ခြင်းခံခဲ့ရသည်။
“စိုင်းဆန်ခမ်းက ထိုင်းကသျှမ်း၊ ဒါပေမယ့် သူက လားဟူမျိုးရိုးနာမည်ကိုယူထားတာ။ နောက်ဂျဘိုး နဲ့ ဂျထိုးဘိုးက မြန်မာပြည်သား၊သျှမ်းပြည် ကပေါ့၊ ဂျဆီးကားက ထိုင်း/လောဝ်(လာအို)က၊ ဆန်ခမ်း ဂျဆာ ကလဲ ထိုင်း/လောဝ် ဘဲ။ ယီ လိုင်ကတော့တိုင်းပြည်မဲ့လို့ပြောတယ်” - ဟု သျှမ်း ပြည်မူးယစ်ဆေးဝါး စောင့်ကြည့်ရေးအဖွဲ့က စဝ်ခင်းဆာယီ ကပြောပါသည်။
စိုင်းနော်ခမ်းအမှုအား ရှေ့နေလိုက်ပေးရသော တရုတ်အမျိုးသမီး လင်လီကလည်း စိုင်းနော်ခမ်းနှင့် ၃ ကြိမ် တွေ့ခွင့်ရ ခဲ့ကြောင်း၊ မိမိနှင့် တွေ့စဉ် စိုင်းနော်ခမ်းမှာ တခါတရံ ငေးငိုင်နေသည်ကိုတွေ့ရကြောင်း တရုတ်သတင်းဌာနအား သူမကပြောကြား သည်။
သို့သော် တရုတ် ၁၃ ဦးအား သတ်ဖြတ်ပါသည်ဆိုသည့် စွပ်စွဲချက်သည်လည်း ယနေ့တိုင်ခိုင်လုံသည့် အထောက် အထားကို တရုတ်အ စိုးရတို့ မရရှိသေး ဟု ထိုင်းဥပဒေအသိုင်းအဝိုင်းက ဆိုသည်။
မူးယစ်ရာဇာအမည်ရ ရွှေတြိဂံဒေသ၌ လှုပ်ရှားနေသော စိုင်းနော်ခမ်းအား ထိုင်းဒု-ဝန်ကြီးချုပ် က ဖမ်းမိန့်ကြေငြာပြီး မကြာခင် (ဧပြီ ၂၅ ရက် ၂၀၁၂ ) လောဝ်နိုင်ငံ အာဏာပိုင်များက ဖမ်းဆီးခဲ့သည်။ တရုတ်နိုင်ငံသို့ လွဲအပ်ပေးပြီးနောက် စက်တင်္ဘာ လက ခွန်းမင်တရားရုံး၌ ပထမအ ကြိမ်ရုံးတင် စစ်ဆေးခြင်းခံရသည်။
ရွှေတြိဂံဒေသအတွင်း စိုင်းနော်ခမ်း မရှိသော်လည်း လက်ကျန် တပည့်တပန်း(ဟောင်း) တစုက လက် နက်ကိုင်ကာ ပြန်လည်လှုပ်ရှား လာ နေ ကြောင်း ဒေသခံများက ပြောပြပါသည်။
No comments:
Post a Comment