အောက်တိုဘာလ ၂၁ ရက်နေ့က မင်းပြားတွင် ပေါ်ပေါက်ခဲ့သော မတည်ငြိမ်မူ နှင့် ပတ်သက်ပြီး လူပေါင်း ၅၀ ကျော်ကို ဖမ်းဆီးမည်ဟု ရဲမှူး ဦးကျော်အောင်မှ ထုတ်ဖေါ်ပြောဆိုထားကြောင်း မင်းပြားမှ လူမူရေး လှုပ်ရှားနေသူတစ်ဦးကပြော သည်။
“ ဟုတ်ပါတယ်။ ရဲမှူး ဦးကျော်အောင်က မင်းပြား ဓမ္မာရုံမှာဖွဲ့စည်းထားတဲ့ မင်း ပြား မြို့နယ် လူမူရေး ကူညီရေး အဖွဲ့ အဖွဲ့ဝင်တွေနဲ့ တ ခြားသူတွေကို ဖမ်းဆီး စစ်ဆေးမယ်ဆိုပြီး ပြောဆိုတဲ့ အတွက် အခု လူတွေက ထွက်ပြေး တိမ်းရှောင် နေ ကြပါတယ်” ဟု ပြောသည်။
ရဲက ဖမ်းဆီးစစ်ဆေးမည်ဟု သတင်းထွက်ပေါ်လာပြီးနောက် မင်းပြား ဒေသခံများသည် ရန်ကုန်မြို့သို့ ထွက်ခွာသွားသူများ ရှိသလို တချို့မှာ နီးစပ်ရာ နေရာများတွင် တိမ်းရှောင် ပုန်းအောင်းနေကြသည်ဟု ဆိုသည်။
“ အခုအချိန်ထိ ဖမ်းဆီးတာတွေတော့ မရှိသေးပါဘူး။ ဒါပေမယ့်လည်း လူတွေက ဖမ်းဆီးခံရမှာကို စိုးရိမ် တဲ့အတွက်ရန်ကုန်နဲ့ဗမာပြည်ဘက် ကို ထွက်ခွာသွားတဲ့ သူတွေရှိသလို တချို့လည်း အဖမ်းခံရမှာကို စိုးရိမ်ပြီး တိမ်းရှောင်နေကြပါ တယ်” ဟု သူက ဆက်ပြော သည်။
မင်းပြားမြို့ပေါ် ရပ်ကွက်များတွင် စစ်တပ်က လုံခြုံရေး ယူထား၍ အခြေအနေမှာ အနည်းငယ် တည်ငြိမ်မူ ရှိနေသော်လည်း ဖမ်းဆီး မည်ဟု သတင်းများ ထွက်ပေါ်လာသောကြောင့် ဒေသခံ ရခိုင်များအနေဖြင့် စိုးရိမ်နေကြသည်ဟု ဆိုသည်။
မင်းပြားမြို့ပေါ်တွင် ယခုအချိန်ထိ တုတ်ဓါး လက်နက်များကို သိမ်းယူခြင်း မရှိသေးကြောင်း သိရသည်။
No comments:
Post a Comment