လက်ရှိတွင် ရန်ကုန်မြို့ရှိ သမိုင်းဝင် အဆောက်အဦးများဖြစ်သည့် မဟာဗန္ဓုလ ပန်းခြံလမ်းထောင့်၊ မဟာဗန္ဓုလပန်းခြံ တောင်ဘက်ရှိ ၁၉၂၀ ခုနှစ်တွင် ဆောက်လုပ်ခဲ့သည့် မြန်မာ့ထုတ်ကုန် သွင်းကုန်လုပ်ငန်း ရုံးချုပ်ဟောင်း၊ အမှတ် ၆၀၄၊ ၆၀၈ ကုန်သည်လမ်းနှင့် ၃၂ လမ်းထောင့်၊ ခြောက်ထပ်ရုံး မြောက်ဘက်ရှိ ၁၉၀၅ ခုနှစ်တွင်ဆောက်လုပ်ခဲ့သည့် စွမ်းအင်ဝန်ကြီးဌာန ရုံးဟောင်း၊ ဆူးလေနှင့် မဟာဗန္ဓုလ လမ်းထောင့်ရှိ ၁၉၀၈ ခုနှစ်က ဆောက်လုပ်ခဲ့သော ဟိုတယ်နှင့် ခရီးသွားလာရေး ၀န်ကြီးဌာန ရုံးဟောင်း၊ အမှတ်၁၉/၃၊ ကုန်သည်လမ်းနှင့် မဟာဗန္ဓုလလမ်းကြားရှိ ၁၉၃၀ ခုနှစ်က ဆောက်ခဲ့သည့် ကုန်သွယ်ရေး ကော်ပိုရေးရှင်း အမှတ် (၅) ရုံးဟောင်းတို့အား ဟိုတယ်အဖြစ် ပြောင်းလဲဖွင့်လှစ်ရန် ၂၀၀၂ ခုနှစ် ဇွန်လအတွင်းမှ စတင်ကာ တင်ဒါခေါ်ယူခဲ့သည်။
“ဘယ်လို ထိခိုက်မှုမှ မရှိအောင် ကျနော်တို့အဖွဲ့တွေက သေချာစိစစ်သွားမှာပါ။ အချိန်တိုင်း စစ်ဆေးနေမှာပါ။ ဘယ်လို အတိမ်း အစောင်းမှ မဖြစ်နိုင်အောင် စစ်ဆေးရေးအဖွဲ့ ဖွဲ့ထားပါတယ်။ အပြစ်တစုံတရာ ရှိလာတာမျိုး မဖြစ်ရအောင်ပေါ့။ မစရသေးဘူး ဘာအပြစ် ဖြစ်မယ်လို့တော့ စကား မစထားချင်ပါဘူး။ မလိုက်နာရင်တော့ အရေးယူမှုတွေ လုပ်မှာပါ။ အပြင်းထန်ဆုံးက တင်ဒါကို ပြန်သိမ်းမှာပါ” ဟု ညွှန်ကြားရေးမှူးချုပ် ဦးအောင်နိုင်ဦးက ပြောသည်။
ဆောက်လုပ်မှုပိုင်းကို စစ်ဆေးမည့် အဖွဲ့အနေဖြင့် ယဉ်ကျေးမှု ဝန်ကြီးဌာနမှ ပညာရှင်များ၊ ဆောက်လုပ်ရေးဆိုင်ရာ ဗိသုကာ ပညာရှင်များ၊ ရင်းနှီးမြှုပ်နှံမှုဆိုင်ရာ ပညာရှင်များ ပါဝင်မည့် စစ်ဆေးရေးအဖွဲ့ကို ဖွဲ့စည်းသွားမည်ဖြစ်ကြောင်း ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှု ဦးစီးဌာန၏ တွဲဖက် အတွင်းရေးမှူး သူရဦးသောင်းလွင်က ပြောသည်။
“နိုင်ငံတကာမှာလည်း သမိုင်းဝင် အဆောက်အဦးတွေကို ဟိုတယ်လုပ်ထားတာတွေ ရှိတယ်။ သူတို့တွေလိုပဲ မူရင်းပုံစံ မပျောက်အောင် လုပ်ဆောင်သွားမှာပါ။ ထိန်းသိမ်းပြီးသားလည်း ဖြစ်မယ်။ ဝင်ငွေလည်း ရမယ်။ ဒီသဘောနဲ့ ဆောက်လုပ်တာပါ။ ဒီအဆောက်အဦးတွေဟာ နိုင်ငံပိုင်အဆောက်အဦးတွေပါ။ ရုံးဟောင်းတွေပါ။ ကိုလိုနီလက်ထက်ကတည်းက အဆောက်အဦးတွေဖြစ်လို့ ကမ္ဘာလှည့်ခရီးသည်တွေ မျက်စိကျနိုင်မယ် ထင်ပါတယ်” ဟု သူရဦးသောင်းလွင်က ပြောသည်။
အဆိုပါဟိုတယ်များ လုပ်ကိုင်ရန်အတွက် တင်ဒါခေါ်ယူထားသည့် အဆောက်အအုံလေးခုမှာ ကိုလိုနီခေတ် ရှေးဟောင်း အဆောက်အအုံများ ဖြစ်သည့်အတွက် မထိန်းသိမ်းနိုင်ပါက ပျက်စီးမည့် အနေအထားရှိကြောင်း၊ အဆောက်အအုံ ဆောက်ထားသည့်မြေများမှာ ကမ်းနားနီးသောကြောင့် နှုန်းမြေ၊ နွံ့မြေများဖြစ်ကြောင်း၊ ၎င်းတို့အပေါ်တွင် ထိန်းသိမ်းမည်ဆိုပါက ရေရှည်ခိုင်ခံ့ရန်အတွက် ရည်ရွယ်ပြင်ဆင်ရမည် ဖြစ်ကြောင်း၊ ပြင်ဆင်မှုစရိတ်မှာလည်း ဒေါ်လာသန်းပေါင်းများစွာ ကုန်ကျမည် ဖြစ်သောကြောင့် အစိုးရအနေဖြင့် ထိန်းသိမ်းရန် မတတ်နိုင်ကြောင်း သိရသည်။
တင်ဒါစိစစ်ရာတွင် စံသတ်မှတ်ချက် ကိုးချက်ဖြင့် စိစစ်ရွေးချယ်ပြီး အဆိုပါ ကိုးချက်ထဲတွင် ရှေးမူလက်ရာမပျက် ထိန်းသိမ်း ပြင်ဆင်နိုင်မှုဆိုင်ရာ တင်ပြချက်အချက်ကို ထည့်သွင်းထားကြောင်းလည်း သိရှိရသည်။
“ဆောက်လုပ်တဲ့နှစ်ကို ၄ နှစ်လောက်ပေးဖို့ စီစဉ်ထားပါတယ်။ အတွင်းပိုင်းကတော့ ဘယ်လိုပဲ ပြင်ပြင်ရပါတယ်။ ခွင့်ပြုတယ်။ သို့သော်လည်း နှစ်ကာလကြာပြီဖြစ်လို့ ကြံ့ခိုင်ဖို့လိုတယ်။ စစ်ဆေးတာမှာ အပြင်ရှေးဟောင်း နေရာထိန်းသိမ်းဖို့အတွက်ပဲ မဟုတ်ဘူး။ အတွင်းပိုင်း ကြံ့ခိုင်ရေးကိုပါ စစ်ဆေးပါမယ်” ဟု သူရဦးသောင်းလွင်က ဧရာဝတီသို့ ပြောသည်။
အဆိုပါ ကိုလိုနီခေတ်လက်ရာ ရှေးဟောင်း အဆောက်အအုံ လေးလုံးအား ဟိုတယ်လုပ်ငန်းအဖြစ် လုပ်ကိုင်ရန် တင်ဒါခေါ်ယူရာတွင် ဟိုတယ်များ ဆောက်လုပ်ရန်အတွက် ပဏာမ ကုမ္ပဏီ ၁၃ ခုအား ရွေးချယ်ထားကြောင်း၊ ဇူလိုင် ၂၇ ရက်တွင် အမှန်တကယ် လုပ်ကိုင်ခွင့်ရမည့် ကုမ္ပဏီလေးခုကို အပြီးသတ် ရွေးချယ်မည်ဖြစ်ကြောင်း ဦးအောင်နိုင်ဦးထံမှ သိရသည်။
“ရုံးဟောင်း တခုအတွက် ကုမ္ပဏီတခုရွေးမယ်။ ရွေးချယ်ဖို့က စုစုပေါင်းကုမ္ပဏီ လေးခုရွေးချယ်မယ်။ ဇူလိုင် ၂၇ မှာ ပဏာမ ရွေးထားသည့် ကုမ္ပဏီ ၁၃ ခုထဲကနေ ကုမ္ပဏီလေးခုကို အပြီးသတ် ရွေးသွားမယ်။ ရွေးချယ်ပြီးရင် အများပြည်သူကို တရားဝင် ထုတ်ပြန်ကြေညာ ပေးသွားမှာပါ” ဟု ဦးအောင်နိုင်ဦးက ဆက်ပြောသည်။
တင်ဒါခေါ်ယူရာတွင် မြန်မာ့ထုတ်ကုန် သွင်းကုန်လုပ်ငန်း ရုံးချုပ်ဟောင်းအား ကုမ္ပဏီ ၂၄ ခုမှ တင်ဒါတင်သွင်းခဲ့ပြီး စွမ်းအင် ၀န်ကြီးဌာန ရုံးဟောင်းအား ကုမ္ပဏီအခု ၂၀ မှ တင်ဒါ တင်သွင်းခဲ့ကြောင်း၊ ဟိုတယ်ခရီး ၀န်ကြီးဌာန ရုံးဟောင်းအား ကုမ္ပဏီ ၃၀ မှ တင်ဒါတင်သွင်းပြီး ကုန်သွယ်ရေး ကော်ပိုရေးရှင်း ရုံးဟောင်းအား ကုမ္ပဏီကိုးခုမှ တင်ဒါ တင်သွင်းခဲ့ကြောင်း၊စုစုပေါင်း ကုမ္ပဏီ ၈၃ ခုအထိ တင်ဒါတင်သွင်းခဲ့ကြောင်း သိရသည်။
No comments:
Post a Comment