မြန်မာအစိုးရက ထုတ်ပြန်တဲ့ အမျိုးသား ပညာရေးဥပဒေဟာ ဒီမိုကရေစီနည်းမကျသလို တက္ကသိုလ်တွေကို လုပ်ပိုင်ခွင့် အာဏာ လျှော့ချတယ်ဆိုပြီး ဆန္ဒပြနေကြတာ ဖြစ်ပါတယ်။
မနေ့တုန်းကတော့ ရန်ကုန်မြို့တွင်းနဲ့ မြို့တော် ခန်းမ နားမှာ ဆန္ဒပြကြတာဖြစ်ပြီး တနင်္ဂေ နေ့ တုန်းကတော့ ရွှေတိဂုံ ဘုရား အနားမှာ ဆန္ဒပြခဲ့ ကြတာ ဖြစ်ပါတယ်။
မြန်မာအစိုးရရဲ့ ပညာရေးဥပဒေမှာ ထိန်းချုပ်မှုတွေ များလွန်းတယ်ဆိုပြီး တက္ကသိုလ်ကျောင်းသားတွေက ဆန္ဒပြနေကြတာ ဖြစ်ပါတယ်။
မြန်မာအစိုးရကတော့ ပညာရေး ဥပဒေက တက္ကသိုလ်တွေကို လုပ်ကိုင်ခွင့် ပိုပေးမှာဖြစ်ပြီး သီးသန့်လွတ်လပ်တဲ့ အဖွဲ့တွေကလည်း ပိုမို လုပ်ကိုင်ခွင့်ရှိမယ်လို့ ပြောပါတယ်။
ဒါပေမဲ့ တက္ကသိုလ်ကျောင်းသား အဖွဲ့အစည်းတွေကတော့ အခု ထုတ်ပြန်လိုက်တဲ့ ပညာရေးဥပဒေက တက္ကသိုလ်တွေရဲ့ လုပ်ပိုင်ခွင့်ကို လျှော့ချမှာ ဖြစ်တယ်လို့ ပြောပါတယ်။
ဒီပညာရေးဥပဒေဟာ ကျောင်းသားနဲ့ ပြည်သူတွေအတွက် ပြဌာန်းထားတဲ့ ဥပဒေမဟုတ်တဲ့အတွက် ဆန္ဒပြရတာ ဖြစ်တယ်လို့လည်း ပြောဆိုကြပါတယ်။
လွန်ခဲ့တဲ့ သောကြာနေ့ကစပြီး ကျောင်းသားအယောက်ပေါင်း ၃၅၀ လောက် ရန်ကုန်မြို့မှာ စတင်ဆန္ဒပြကြတာ ဖြစ်ပြီး စနေနေ့တုန်းကတော့ ရန်ကုန်တက္ကသိုလ်မှာ ဆန္ဒပြခဲ့ကြတာ ဖြစ်ပါတယ်။
No comments:
Post a Comment