ခင်မြတ်မြတ်ဝေ
လာမည့် ၂၀၁၅ အထွေထွေရွေးကောက်ပွဲ မတိုင်မီမြန်မာနိုင်ငံလုံးဆိုင်ရာ တိုင်းရင်းသားညီလာခံကို ရှမ်းပြည်နယ်တောင်ပိုင်းတောင် ကြီးခရိုင်၊ ပင်လုံ မြို့ နယ်တွင် ကျင်ပသွားမည်ဟု ညီလာခံ ဖြစ်မြောက်ရေး ကော်မတီ အဖွဲ့ဝင် မမိုင်းမိုင်က မဇ္ဈိမကိုပြောသည်။
မေ ၁၇ နှင့် ၁၈ရက်က ရန်ကုန်မြို့ Orchid hotelတွင် ပြုလုပ်ခဲ့သည် တိုင်းရင်းသားလူမျိုး ၁၆စုတို့၏ ကိုယ်စာလှယ် များတက်ရောက်ခဲ့သည့် အစည်းအဝေး၌ ဆုံးဖြတ်ခဲ့ခြင်း ဖြစ်သည်။
"ပင်လုံမြို့နယ်မှာလုပ်မယ်။ တိုင်းရင်းသား လူမျိုးအနေနဲ့ ကန့်သတ်ထားတာမရှိဘူး၊ ပြည်နယ်နဲ့ တိုင်းအလိုက် တိုင်းရင်းသားလူငယ်တွေတက်ဖို့ အတွက် လုပ် တာမဟုတ်ဘူး၊ တိုင်းရင်းသားလူမျိုးစုတွေ အနေနဲ့ လုပ်တာ ပါ"ဟု ၎င်းကပြောသည်။
ညီလာခံမကျင်းပမီ တိုင်းရင်းသားဒေသ အတွင်း လူမျိုးများ၏ တင်ပြချက်များ၊ ဒေသတွင်းအဖြစ်အပျက်များ လူငယ်များ၏ အခြေအနေ၊ အဖြစ်အပျက်များကို ကြိုတင် စာတမ်းပြုစုထားမည်ဖြစ်သည်။
ညီလာခံ ကျင်းပသည့်နေတွင် ပြုစုထားသည့် စာတမ်းမျာကို လေ့လာပြီး ညီလာခံမှ ဘုံသဘောတူချက်ဖြင့် ဒေသတွင်း လူ့အခွင့်အရေးကိစ္စ၊ လူငယ်နှင့် မှုယစ်ဆေးဝါး၊ လူငယ်နှင့် နိုင်ငံရေး ၊လူငယ် နှင့် ငြိမ်းချမ်းရေးး ခေါင်းစဉ်များဖြင့် ချိတ်ဆက်၍ ဆက်လက် အကောင်အထည်ဖော်မည်ဟု ဆိုသည်။
ထိုညီလာခံမှတစ်ဆင့် မြန်မာပြည်တွင်းရှိ တိုင်းရင်းသားလူမျိုးများအချင်းချင်း ချစ်ကြည်ရင်းနှီးမှု ရစေရန်နှင့် တိုင်းရင်းသားဒေသတွင်း ဖြစ်ပေါ်နေ သည့်ပြဿ နာများကို ပူးပေါင်းဖြေရှင်းရန်၊ တိုင်းရင်းသားဒေသတွင်း ငြိမ်းချမ်းရေးနှင့် တန်းတူအခွင့်အရေး ရရှိရန် စသည့် ရည်ရွယ်ချက်များဖြင့် ကျင်းပခြင်းဖြစ် သည်ဟု ဆိုသည်။
မေ ၁၇၊ ၁၈က ပြုလုပ်ခဲ့သည့် အကြို ဆွေးနွေးပွဲတွင် တိုင်းရင်းသားဒေသများအတွင်း စစ်ပွဲများ ရပ်တန့်ရေး၊ လက်ရှိဖြစ်ပေါ်နေသည့် ပဋိပက္ခများ ကို နိုင်ငံရေးဆွေးနွေးပွဲ ပြုလုပ်ကာ အဖြေရှာရန် နှင့် ဖက်ဒရယ်ပြည်ထောင်စု တည်ထောင်ရန် စသည့် အချက်များပါသည့် သဘောထား ထုတ်ပြန်ချက်ကို ထုတ်ပြန်ခဲ့သည်။
No comments:
Post a Comment