အင်ဒိုနီးရှား နိုင်ငံခြားရေးဝန်ကြီးက သူတို့အနေနဲ့ ပြဿနာကို ဖြေရှင်းဖို့ ကြိုးစားနေပြီး နိုင်ငံတကာနဲ့ ပူးပေါင်း လုပ်ဆောင်နေတဲ့အကြောင်း၊ ဒေသတွင်းနိုင်ငံတွေ ပူးပေါင်းပြီး အခြေရှာရမှာဖြစ်သလို ခိုလှုံခွင့်တောင်းလိုသူတွေက လှေနဲ့ ဝင်လိုတဲ့ နိုင်ငံတွေကလည်း ပါဝင်သင့်တယ်လို့ ဝေဖန်လိုက်တာ ဖြစ်ပါတယ်။
လှေပေါ်က ဒုက္ခသည်တွေဟာ မလေးရှားလို နိုင်ငံကို သွားပြီး သြစတြေးလျလို နိုင်ငံကို ကူးနိုင်ဖို့ ကြိုးစားတာလို အင်ဒိုနီးရှား အစိုးရက ယူဆထားပါတယ်။
သြစတြေးလျ အစိုးရကတော့ လှေတွေနဲ့ ခိုလှုံခွင့် တောင်းတဲ့ ကိစ္စဟာ တရားမဝင်တဲ့ လူကုန်ကူးမှုနဲ့ ဆက်စပ်နေတာကြောင့် တရားမဝင်မှုကို ပိုအားပေးမယ့် လုပ်ငန်းကို သဘောမတူနိုင်ဘူးလို့ ပြောပါတယ်။
ဒါကြောင့်လည်း လူကုန်ကူးမှုတွေ မဖြစ်လာအောင် မြန်မာပြည်တွင်းမှာ ဖြေရှင်းနိုင်ဖို့ မြန်မာနိုင်ငံကိုလည်း ဒေါ်လာ ၆ သန်းတိုးပေးထားတယ်လို့ ဝန်ကြီးချုပ် တိုနီအာဘော့တ်က ပြောပါတယ်။
ပင်လယ်ပြင်မှာ သောင်တင်နေတဲ့ ဒုက္ခသည်တွေကို တစ်နှစ်ကြာ ခိုလှုံခွင့်ပေးဖို့ ထိုင်း၊ မလေးရှားနဲ့ အင်ဒိုနီးရှားတို့က သဘောတူခဲ့ကြပြီး ဒုက္ခရောက်သူတွေကို ရှာဖွေဖို့လည်း မလေးရှားက ရေတပ်ကို ညွှန်ကြားထားပါတယ်။
အလားတူ ဖိလစ်ပိုင်၊ အမေရိကန်နဲ့ Gambia နိုင်ငံကလည်း လက်ခံမယ်လို့ ပြောဆိုထားတာ ရှိပါတယ်။ သြစတြေးလျ အစိုးရကတော့ လှေတွေနဲ့ ဝင်လာသူတွေကို လက်မခံ နိုင်ဘူးလို့ ပြောဆိုနေပါတယ်။ သြစတြေးလျ အစိုးရရဲ့ ပြောဆိုမှုတွေက ဒေသတွင်းအတွက် မတရားဘူးလို့ အင်ဒိုနီးရှား အစိုးရက ဝေဖန်လိုက်ပါတယ်။
ဗီယက်နမ်နဲ့ အင်ဒိုခေါင်းဆောင်တွေ မြန်မာခေါင်းဆောင်နဲ့ ဆွေးနွေးခဲ့
ပင်လယ်ပြင်မှာ ရိုဟင်ဂျာနဲ့ ဘင်္ဂလားဒေ့ရ်ှနိုင်ငံသားတွေ မျောနေတဲ့ ကိစ္စနဲ့ ပတ်သက်ပြီး မလေးရှားနဲ့ အင်ဒိုနီးရှားနိုင်ငံ ကိုယ်စားလှယ်တွေ မြန်မာနိုင်ငံမှာ လာရောက် ဆွေးနွေးခဲ့ပါတယ်။ အလားတူ အမေရိကန် ဒုနိုင်ငံခြားရေး ဝန်ကြီးကလည်း ဒီကိစ္စကို မြန်မာ အစိုးရနဲ့ ဆွေးနွေးခဲ့ပါတယ်။ မလေးရှားနဲ့ အင်ဒိုနီးရှားနိုင်ငံခြားရေး ဝန်ကြီးတွေက ပင်လယ်ပြင်မှာ ဒုက္ခရောက်နေတဲ့ လူတွေကို ကယ်တင်ဖို့ အကြောင်း ဆွေးနွေးကြပြီး မြန်မာနိုင်ငံက လူတွေ ဘာကြောင့် နိုင်ငံက ထွက်လဲ၊ ဒီပြဿနာကို ဘယ်လို ဖြေရှင်းကြမလဲ ဆိုတာကို ဆွေးနွေးကြတာလို့ ပြောတဲ့အကြောင်း ဗွီအိုအေ သတင်းမှာ ပါရှိပါတယ်။ မြန်မာရေပိုင်နက်အတွင်းမှာ ဒုက္ခရောက်သူတွေ ရှိမယ်ဆိုရင် မြန်မာက ကူညီဖို့ အသင့်ရှိနေပေမယ့် မြန်မာရေထဲမှာ ဒုက္ခရောက်သူတွေ မရှိဘူးလို့ မြန်မာအစိုးရက တုန့်ပြန်ထားပါတယ်။
လာမယ့် မေလ ၂၉ ရက်နေ့ကြရင် ထိုင်းနိုင်ငံ ဘန်ကောက်မြို့မှာ ကျင်းပမယ့် ဆွေးနွေးပွဲကိုလည်း မြန်မာက တက်ရောက်မှာဖြစ်ပါတယ်။ ဒါပေမဲ့ ကိုယ်စားလှယ်အနေနဲ့ ဘယ်သူ့ကို ပို့ဆောင်မလဲဆိုတာတော့ မသိရသေးပါဘူး။
No comments:
Post a Comment