Wednesday, May 27, 2015

NCCT ဖျက်သိမ်းပြီး ထပ်ဖွဲ့မည့် အဖွဲ့ လုပ်ပိုင်ခွင့်နှင့် အာဏာ ပိုများမည်ဟုဆို

ယုဝေ

တစ်နိုင်ငံလုံးအပစ်အခတ် ရပ်စဲရေး သဘော တူစာချုပ် (NCA) ကို လက်မှတ် ရေးထိုးပြီးပါက တစ်နိုင်ငံ လုံး အပစ်အခတ် ရပ်စဲရေးဆိုင်ရာ ညှိနှိုင်းရေး အဖွဲ့ (NCCT) ၏ တာဝန် ပြီးဆုံး ပြီဖြစ်ပြီး ထပ်မံ ဖွဲ့စည်းမည့် နိုင်ငံရေး ဆွေးနွေးပွဲ အတွက် တာဝန်ယူရမည့် အဖွဲ့၏ လုပ်ပိုင်ခွင့်နှင့် အာဏာမှာ ယခု အဖွဲ့ ထက် ပိုမိုများ ပြားလာ မည်ဖြစ်သည်ဟု NCCT အဖွဲ့ဝင် ဦးခွန်ဥက္ကာက မဇ္ဈိမကိုပြောသည်။

မတ်လ ၃၁ ရက်က တစ်နိုင်ငံလုံးအပစ်အခတ်ရပ်စဲရေးမူကြမ်း(NCA ) ကို နှစ်ဘက်သဘောတူ ညှိနှိုင်း ပြုစု ရေးဆွဲပြီးကြောင်း အတည်ပြုချက် လက်မှတ်ကိုပြည်ထောင်စု ငြိမ်းချမ်းရေး ဖော်ဆောင်ရေးလုပ်ငန်းကော်မတီ (UPWC)နှင့် တစ်နိုင်ငံလုံးအပစ်အခတ် ရပ်စဲရေးညှိနှိုင်း ရေးအဖွဲ့ (NCCT)တို့ နိုင်ငံတော်သမ္မတ ရှေ့မှောက်တွင် သဘောတူလက်မှတ်ေ ရးထိုးခဲ့သည်။ NCA လုပ်ငန်းစဉ်များ ပြီးဆုံးပြီးနောက် NNCT အဖွဲ့၏ တာဝန်များမှာ ပြီးဆုံးပြီ ဖြစ်သည်။

ဦးခွန်ဥက္ကာက “ နောက်ပိုင်းနိုင်ငံရေးဆွေးနွေးပွဲအတွက် ဘယ်လိုပုံစံ ဖွဲ့စည်းပြောဖို့ခက်တယ်။ နိုင်ငံရေး ဆွေး နွေးပွဲအတွက် တာဝန်ယူရမယ်ဆိုရင် အလုပ် ကတော့အဆင့်မြင့်သွားတာပေါ့။ နိုင်ငံရေး လုပ်ငန်းတွေ ပိုလုပ် ရမယ်။ စုဖွဲ့မှုပုံစံလည်းပြောင်းသွားနိုင်တယ်။ လုပ်ပိုင်ခွင့်နဲ့အာဏာကတော့ ပိုလာတာပေါ့ ”ဟုပြော သည်။

တိုင်းရင်းသားလက်နက်ကိုင် ထိပ်သီးခေါင်းဆောင်များအနေဖြင့် နိုင်ငံရေးဆွေးနွေးပွဲ ဆက်လက်လုပ်ဆောင် နိုင်ရန် အမည်တစ်ခုဖြင့် ဖြစ်စေ၊ မူတစ်ခုဖြင့်ဖြစ်စေ ၊ NCCT ကိုတိုးချဲ့၍ ဖြစ်စေ အဖွဲ့အစည်းသစ်တစ်ခု ထပ်မံဖွဲ့ စည်းနိုင်သည်ဟုလည်း ၄င်းကဆိုသည်။

နိုင်ငံရေးဆွေးနွေးပွဲမပြုလုပ်မီ ရေးဆွဲရမည့် နိုင်ငံရေးဆွေးနွေးပွဲ မူဘောင်အတွက်ကို NCCT အနေဖြင့် တာဝန်ယူမည်၊ ထပ်မံဖွဲ့စည်းမည့် အဖွဲ့က တာဝန်ယူမည် ဆိုသည်ကိုမူ မဆုံးဖြတ်ရသေးဘဲ ကြိုတင်ပြောဆိုရန် ခက်ခဲသည်ဟုလည်း ဦးခွန်ဥက္ကာက ဆိုသည်။

MPC ၏ အပစ်အခတ်ရပ်ဆဲမှုညှိုနှိုင်း အကောင်အထည်ဖော်မှု စီစဉ်ညွန်ကြားရေးမှူး ဒေါက်တာမင်းဇော်ဦး “ ကျွန်တော်တို့ မေးကြည့်တာကတော့ NCCTက NCA အတွက်လည်း တာဝန်ရှိတယ်။ နိုင်ငံရေး ဆွေးနွေးပွဲ မူဘောင်အတွက်လည်း တာဝန်ရှိတယ်ဆိုပြီးပြောထားပါတယ်။ ”ဟုပြောသည်။ NCA လက်မှတ်ရေး ထိုးပြီး နိုင်ငံရေးဆွေးနွေးပွဲများမစခင် နိုင်ငံရေးဆွေးနွေးပွဲမူဘောင်ကို ရေးဆွဲရမည်ဖြစ်သည်။

၂၀၁၃ ခုနှစ် အောက်တိုဘာလကုန်တွင် ကျင်းပသည့် လိုင်ဇာညီလာခံအပြီးတွင် ညီညွတ်သော တိုင်းရင်းသား လူမျိုးများ ဖက်ဒရယ်ကောင်စီ (UNFC) နှင့် ယင်းကောင်စီ အဖွဲ့ဝင်မဟုတ်သည့် တိုင်းရင်းသား လက်နက်ကိုင် ၄ ဖွဲ့တို့မှ ကိုယ်စားလှယ်များ စုစည်းကာ တစ်နိုင်ငံလုံး အပစ်အခတ် ရပ်စဲရေးဆိုင်ရာညှိနှိုင်းရေးအဖွဲ့ (NCCT) ကို ဖွဲ့စည်းခဲ့သည်။

NCCTသည် တစ်နိုင်ငံလုံးအပစ်အခတ်ရပ်စဲရေးစာချုပ် (NCA)ကို အစိုးရနှင့် တိုင်းရင်းသားလက်နက်ကိုင်တပ်ဖွဲ့ များ လက်နက်ရေးထိုးနိုင်ရန် ဆွေးနွေးနေသည့် လုပ်ငန်းအဖွဲ့ဖြစ်သည်။

No comments: