ရွေးကောက်ပွဲတွင် ပါတီများ အနေဖြင့် မလျော်ကန်သည့် မဲဆွယ်မှုမျိုးကို ရှောင်ရှားရန် ဗိုလ်ချုပ်မှူးကြီး သန်းရွှေက ပြောဆိုသည်။နေပြည်တော်တွင် ယနေ့ ကျင်းပသည့် ၆၅ ကြိမ်မြောက် တပ်မတော်နေ့ အခမ်းအနား မိန့်ခွန်းတွင် ဗိုလ်ချုပ်မှူးကြီးသန်းရွှေ၏ ယင်းသို့ ပြောကြားချက်ကို မြန်မာ့အသံနှင့် ရုပ်မြင်သံကြားက ထုတ်လွှင့်သွားသည်။
“ပါတီအနိုင်ရရင် ပြီးစတမ်းသဘောမျိုးနဲ့ ပုဂ္ဂိုလ် အချင်းချင်း၊ ပါတီအချင်းချင်း ပုတ်ခတ်မှုများ၊ လူမျိုးရေးနဲ့ ဘာသာရေး သွေးကွဲစေ မည့် အပြုအမူများ စတဲ့ မပြုသင့်မပြုထိုက်တဲ့ မလျော်မကန် မဲဆွယ်မှုမျိုးတွေကို ရှောင်ရှားကြရမှာ ဖြစ်တယ်” ဟု ဗိုလ်ချုပ်မှူးကြီး သန်းရွှေက ပြောသည်။
တပ်မတော်အနေဖြင့် နိုင်ငံတော်အတွက် လိုအပ်သည့် အချိန်တိုင်း နိုင်ငံရေးတွင် ပါဝင် ထမ်းဆောင်ကြရမည် ဖြစ်ကြောင်း၊ စနစ် တခုမှ စနစ်တခုသို့ စနစ်တကျ ကူးပြောင်းနိုင်မှုမရှိပါက နိုင်ငံတော်နှင့် နိုင်ငံသားများအတွက် ဘေးအန္တရာယ် ကျရောက်နိုင် ကြောင်း၊ ကျင့်သားမရသေးသော စနစ်တခုသို့ ကူးပြောင်းစဉ် အတွေ့အကြုံရင့်ကျက်ပြီးသော နိုင်ငံများက ၎င်းတို့ အကျိုးစီးပွား အတွက် ၀င်ရောက် စွက်ဖက်မြဲဖြစ်သည့် အတွက် ပြည်ပအားကိုးခြင်း မပြုမိရန်လိုကြောင်းလည်း ၎င်းက ဆိုသည်။
“ယခုနှစ်ကျင်းပမည့် ရွေးကောက်ပွဲတွေဟာ ဒီမိုကရေစီ အကျိုးဆောင်မှုရဲ့ အစကနဦး ဖြစ်စဉ်သာဖြစ်တယ်”ဟုလည်း ဗိုလ်ချုပ်မှူးကြီး က ပြောသည်။
၈ မိနစ်ကြာပြောကြားခဲ့သည့် သူ၏ မိန့်ခွန်းတွင် ရွေးကောက်ပွဲနှင့် တပ်မတော် အခန်းကဏ္ဍများကို အဓိက ဦးတည် ပြောကြားပြီး ရွေးကောက်ပွဲကျင်းပမည့် နေရက်ကို အတည်ပြုပြောကြားခဲ့ခြင်းမရှိပေ။
အသက် ၇၇ နှစ်ခန့် ရှိပြီဖြစ်သော ဗိုလ်ချုပ်မှူးကြီးသန်းရွှေသည် နှစ်စဉ် ကျင်းပပြုလုပ်သည့် တပ်မတော်နေ့ အခမ်းအနားမှလွဲ၍ လူထု ရှေ့မှောက်တွင် မိန့်ခွန်းပြောဆိုခြင်းများ ပြုလုပ်လေ့လည်း မရှိပေ။
တပ်မတော်နေ့ အခမ်းအနားသို့ စစ်ဗိုလ်ချုပ်များ အပါအ၀င် နိုင်ငံခြား စစ်သံမှူးများလည်း တက်ရောက်ကြသည်။
တော်လှန်ရေးနေ့သည် ဒုတိယကမ္ဘာစစ်အတွင်း ဖက်ဆစ်ဂျပန်တို့အား မြန်မာနိုင်ငံမှ တော်လှန်တိုက်ထုတ်ခဲ့ရာမှ ပေါ်ပေါက် လာခြင်းဖြစ်သည်။ တော်လှန်ရေးနေ့ကို စစ်အစိုးရ အဆက်ဆက်က တပ်မတော်နေ့ဟု ခေါ်ဝေါ် သုံးစွဲခဲ့သည်။
စစ်အစိုးရက ရွေးကောက်ပွဲဥပဒေများကို ပြီးခဲ့သည့် သီတင်းပတ်များက အစိုးရပိုင် သတင်းစာများမှ ထုတ်ပြန်ကြေညာခဲ့သည်။ ဒေါ်အောင်ဆန်းစုကြည်အပါအ၀င် နိုင်ငံတကာက ယင်းဥပဒေသည် တရားမျှတမှုမရှိကြောင်း ဝေဖန်ပြောကြားခဲ့သည်။
တချိန်တည်းတွင် ရန်ကုန်မြို့ရွှေဂုံတိုင်ရှိ အမျိုးသားဒီမိုကရေစီအဖွဲ့ချုပ်(NLD) ရုံးချုပ်၌ ကျင်းပသည့် တော်လှန်ရေးနေ့ အခမ်းအနားတွင် ဒေါ်အောင်ဆန်းစုကြည်နှင့် ဗိုလ်ချုပ်မှူးကြီးသန်းရွှေတို့ကို တွေ့ဆုံဆွေးနွေးရန် ကြေညာချက်ထုတ်ပြန်၍ တောင်းဆိုလိုက်ကြောင်း NLD ပြောခွင့်ရ ဦးဉာဏ်ဝင်းက ဆိုသည်။
“အခုအချိန်မှာနိုင်ငံရေး အခြေအနေတည်ငြိမ်ရေးအတွက် ဗိုလ်ချုပ်မှူးကြီးနဲ့ ဒေါ်အောင်ဆန်းစုကြည်တို့ ၂ ယောက်တွေ့ဆုံဖို့ ကျနော်တို့တောင်းဆိုပါတယ်”ဟု ၎င်းက ပြောသည်။
ယင်းအခမ်းအနားသို့ သံတမန်များ၊ ၀ါရင့်နိုင်ငံရေးသမားများ၊ တိုင်းရင်းသား ခေါင်းဆောင်များနှင့် ပြည်နယ်နှင့်တိုင်းမှ NLD ကိုယ်စားလှယ် အဖွဲ့ဝင်များ စုစုပေါင်း ၃၀၀ နှင့် ၄၀၀ ကျော် တက်ရောက်ခဲ့ကြသည်။ NLD ဒု ဥက္ကဋ္ဌ ဦးတင်ဦး သဘာပတိ အ ဖြစ်ဆောင်ရွက်၍ မိန့်ခွန်းပြောကြားခဲ့သည်။
NLD ခေါင်းဆောင် တဦးဖြစ်သူ ဦးဝင်းတင်က“ဦးတင်ဦးက တရုတ်နိုင်ငံကို သွားတဲ့ အကြောင်းတွေပြောတယ်၊ အဲဒီတုန်းက တရုတ်က ပြောတယ် သူတို့က မတ်တပ်ထနေပြီ ကျန်တဲ့ ဆင်းရဲတဲ့နိုင်ငံတွေလည်း ကိုယ့်ဟာကိုယ်ထူထောင်ကြလို့ပြောတယ်၊ အဲဒါသူက အခုတရုတ်ခေါင်းဆောင်များကို ပြောချင်တာက ခင်ဗျားတို့ အရင်တုန်းက သဘောထား အတိုင်းပဲရှိပါ၊ နိုင်ငံရေးအားဖြင့် NLDတို့ ဘာတို့က အဖိနှိပ်ခံနေရပါတယ်၊ အဲဒီလူတွေဘက်က ၀င်ရပ်ပါဦး၊ စာနာပါဦးလို့ ပြောတယ်” ဟုဆိုသည်။
ဒီမိုကရေစီ ထူထောင်ရေးအတွက် အဟန့်အတား အကန့်အသတ်များ ပါဝင်နေသော ၂၀၀၈ ခုနှစ် ဖွဲ့စည်းပုံ အခြေခံဥပဒေ နှင့် တကွ ရွေးကောက်ပွဲ ဥပဒေများကို ပြန်လည်သုံးသပ် ပြင်ဆင်ပေးရန်နှင့် နိုင်ငံရေးအကျဉ်းသားအားလုံးကို လွှတ်ပေးရန် ရန်ကုန်မြို့ရှိ ၀ါရင့်နိုင်ငံရေးသမားများကလည်း ယနေ့ တောင်းဆိုလိုက်သည်။
ရန်ကုန်မြို့ ပါရမီလမ်းနှင့် ဦးဘဟန်လမ်းထောင့်ရှိ သခင်သိန်းဖေ နေအိမ်တွင် ကျင်းပသည့် တော်လှန်ရေးနေ့ အခမ်းအနားမှ နေ၍ ၀ါရင်နိုင်ငံရေးသမားများက တောင်းဆိုခြင်းဖြစ်ပြီး ယင်းတောင်းဆိုချက်ကို ဗိုလ်ချုပ်မှူးကြီး သန်းရွှေထံသို့ ပေးပို့ မည်ဖြစ်ကြောင်း သိရသည်။
No comments:
Post a Comment