အာဆီယံ ကိုယ်စားလှယ်ခန့်မှုအပေါ် အရပ်ဖက်အဖွဲ့များ ကန့်ကွက်

သီယာ ဖော့်ဘ်စ် (Thea Forbes)

အာဆီယံ အစိုးရများသည် ဂျာကာတာ ညီလာခံတက်မည့် အရပ်ဖက် လူမှုအဖွဲ့များ၏ ကိုယ်စားလှယ်များ ရွေးချယ်ရာ၌ ၎င်းတို့လက်သင့်ရာများကို ရွေးချယ်နေသဖြင့် အရပ်ဖက်အဖွဲ့များနှင့် အာဆီယံ မျက်နှာချင်းဆိုင် တွေ့ဆုံပွဲကို သပိတ်မှောက်မည့် ကိုယ်စားလှယ်များ ရှိနေသည်။

အာဆီယံ ဒေသအတွင်းမှ အရပ်ဖက်လူမှုအဖွဲ့ ကိုယ်စားလှယ် ၁,ဝဝဝ ကျော် အင်္ဂါနှင့် ဗုဒ္ဓဟူးနေ့များတွင် တွေ့ဆုံခဲ့ပြီး၊ ဂျာကာတာရှိ အာဆီယံ အရပ်ဖက်လူမှုအဖွဲ့များ ညီလာခံ ACSC နှင့် အာဆီယံပြည်သူ့ဖိုရမ် APF အစည်းအဝေးများ၌ အရေးပါသည့် ကိစ္စများ၊ ပြဿနာများကို ဆွေးနွေးဖလှယ်ခဲ့ကြသည်။

ထိုဆွေးနွေးပွဲတွင် အာဆီယံအသင်းအတွင်း အချို့သော နိုင်ငံများက ကိုယ်စားပြုမည့် အရပ်ဖက် လူမှုအဖွဲ့အစည်း ကိုယ်စားလှယ်များကို စိတ်ကြိုက်ရွေးချယ် စေလွှတ်နေမှုကြောင့် အချို့ကိုယ်စားလှယ်များက မျက်နှာစုံညီ တွေ့ဆုံပွဲကို သပိတ်မှောက်မည်ဟု ခြိမ်းခြောက်ပြောဆိုခဲ့ကြခြင်း ဖြစ်သည်။

၎င်းတွေ့ဆုံပွဲမှာ မေလ ၇ ရက်နေ့တွင် ကျင်းပမည်ဖြစ်ကာ အရပ်ဖက် ကိုယ်စားလှယ်များ ပူးပေါင်းဆွေးနွေးခဲ့သည့် အကြံပြုချက်များကို အာဆီယံ အသင်းခေါင်းဆောင်များထံ ပေးပို့တင်ပြကြမည်ဖြစ်သည်။

အာဆီယံအသင်းကြီး၏ ပဋိဉာဉ်စာတမ်းအရ "လူထုအပေါ် ဗဟိုပြုသော အာဆီယံအသင်း" ဟူသော မူဝါဒအောက်တွင် လူမှုအဖွဲ့များနှင့် ကိုယ်စားလှယ်များက အာဆီယံ၏ ပေါင်းစည်းရေးများ၊ လူမှုအဖွဲ့အသွင် ပေါင်းစည်းဖွဲ့စည်းရေးများ၌ ပါဝင်ဆောင်ရွက်ရန် တိုက်တွန်းသော်လည်း၊ ထိုင်း၊ ကမ္ဘောဒီးယား၊ ဖိလစ်ပိုင်နှင့် မြန်မာအစိုးရများက သူတို့လက်သင့်ရာ အရပ်ဖက် ကိုယ်စားလှယ်များကို ရွေးချယ်တက်ရောက်စေမည်ဟု ထိုင်းနိုင်ငံ ဘန်ကောက်ပို့စ် သတင်းစာက ဆိုသည်။

ထို့အပြင် တွေ့ဆုံပွဲ၌ ဆွေးနွေးမည့် ခေါင်းစဉ်များကို အာဆီယံဘက်က သိသာစွာ ထိန်းချုပ်နေကြောင်းပါ ဖော်ပြခဲ့သည်။

မြန်မာအစိုးရက မူးယစ်ဆေးဝါး နှိမ်နင်းရေး အဆင့်မြင့်အရာရှိတဦးဖြစ်သူ ဦးစစ်အေးကို မြန်မာနိုင်ငံရှိ အရပ်ဖက် လူမှုအဖွဲ့အစည်းများ ကိုယ်စားပြု စေလွှတ်မည်ဟု အဆိုပြုထားသည်။ သို့သော် သီးခြားလွတ်လပ်သည့် မြန်မာ NGO အဖွဲ့အစည်းများကမူ ချင်းမိုင်အခြေစိုက် လူ့အခွင့်အရေးပညာပေးဌာန HREIB မှ ဦးအောင်မျိုးမင်းကို ကိုယ်စားပြုစေရန် ရွေးချယ်ထားကြသည်။

"အာဆီယံခေါင်းဆောင်တွေက အရပ်ဖက်လူမှုအဖွဲ့အစည်း ကိုယ်စားလှယ်တွေနဲ့တွေ့ဖို့ သရိုးသရီ ဖြစ်နေကြတုန်းပဲ။ ဒီကိစ္စကို ကူညီပေးဖို့ ကျမတို့လည်း ဆက်ပြီး လှုပ်ရှားရုန်းကန်နေကြရတုန်းပဲ" ဟု မြန်မာ့အရေး စင်ပြိုင်အာဆီယံ ကွန်ရက်အဖွဲ့၏ ပူးပေါင်းညှိနှိုင်းရေးမှူး ဒက်ဘီ စတော့ဟဒ် Debbie Stothard က မဇ္ဈိမကို ပြောသည်။

"ဆက်ပြီး ဖြစ်နေတဲ့ ပြဿနာတခုက တချို့အစိုးရတွေက အရပ်ဖက်လူမှုအဖွဲ့အစည်းတွေကို သူတို့ကိုယ်စားလှယ် သူတို့ရွေး ချယ်ရမည့်အစား၊ ဝင်ပြီး စွက်ဖက်ရွေးချယ်ပေးချင်နေကြတယ်" ဟုလည်း သူက ဆိုသည်။

အချို့သော အရပ်ဖက်အဖွဲ့များကမူ အင်ဒိုနီးရှားကဲ့သို့ ဒီမိုကရေစီနိုင်ငံတခုတွင် ယခုအစည်းအဝေး ကျင်းပသောကြောင့် အစိုးရနှင့် အရပ်ဖက် အဖွဲ့များ မျက်နှာချင်းဆိုင်ဆွေးနွေးပွဲက ပို၍ ပွင့်လင်းလိမ့်မည်ဟု မျှော်လင့်နေသည်။ သို့သော် မျှော်လင့်မထားသည့်အတိုင်း ဆန့်ကျင်ဘက် ဖြစ်နေသည်ဟု သူက ပြောပြသည်။

"တကယ်တော့ အရပ်ဖက်လူမှုအဖွဲ့တွေနဲ့ တခန်းထဲမှာ အတူတွေ့ရမှာ ရွံ့နေကြတဲ့ တချို့ အာဆီယံ အစိုးရတွေက အင်ဒိုနီးရှားနိုင်ငံကို ပြန်ပေးဆွဲပြီး၊ ဖျက်လိုဖျက်ဆီး လုပ်တာပါ" ဟု သူက ဆိုသည်။

ရွှေသဘာဝဓာတ်ငွေ့ လှုပ်ရှားမှုအဖွဲ့မှ ပူးပေါင်းဆောင်ရွက်ရေးမှူး တဦးဖြစ်သူ ဝင်းအောင်က "မြန်မာနိုင်ငံ အရပ်ဖက် လူမှုအဖွဲ့တွေ ကိုယ်စားလှယ် တက်ပါလိမ့်မယ်။ တကယ်လို့ အစိုးရကသာ အဲဒီကိုယ်စားလှယ်ကို ရွေးချယ်မယ်ဆိုရင်တော့ အရပ်ဖက် လူမှုအဖွဲ့ဆိုတဲ့ စံနှုန်းနဲ့ ကိုက်ညီမှာ မဟုတ်ပါဘူး" ဟု မဇ္ဈိမကို ပြောပြသည်။

အာဆီယံ အရပ်ဖက်လူမှုအဖွဲ့အစည်းများ ညီလာခံ ACSC နှင့် အာဆီယံပြည်သူ့ဖိုရမ် APF အစည်းအဝေးများသို့ တက်ရောက်သည့် ကိုယ်စားလှယ်များထံ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က ဗီဒီယိုမှတဆင့် မိန့်ခွန်းပြောကြားရာ၌ "အစိုးရတွေဟာ အရေးကြီးပါတယ်။ ဒါပေမဲ့ အစိုးရတွေက ပြည်သူ့အတွက် လုပ်ဆောင်ပေးဖို့လည်း လိုအပ်ပါသေးတယ်။ ဒါအတွက်ကြောင့် အာဆီယံဒေသအတွင်းရှိ ပြည်သူတွေက အခုဒေသကို ဘယ်လို ပုံဖော်ဖြစ်စေချင်တယ်ဆိုတာ၊ အဲဒီလိုဖြစ်ပေါ်လာနိုင်မယ့် နေ့မျိုးကိုလည်း မျှော်ကြည့်ဖို့ လိုအပ်ပါတယ်" ဟု ဆိုခဲ့သည်။

မြန်မာသည် ၁၉၉၇ ခုနှစ်တွင် အာဆီယံအသင်းထဲ ပါဝင်ခဲ့ချိန်မှစ၍ အမြဲတစေ အငြင်းပွားဖွယ်ရာ ဖြစ်နေခဲ့သည်။ ၁၉၆၇ ခုနှစ်ကတည်းက မြန်မာနိုင်ငံကို အာဆီယံအသင်း စတင်တည်ထောင်သူအဖြစ် ပူးပေါင်းပါဝင်ရန် ဖိတ်ခေါ်ခဲ့သော်လည်း ငြင်းပယ်ခဲ့သည်။ အာဆီယံကို နယ်ချဲ့လက်ပါးစေ အသင်းတခုအဖြစ် မြန်မာဘက်က ပြောဆိုခဲ့သည်။

ဂျာကာတာတွင် ၁၈ ကြိမ်မြောက် အာဆီယံထိပ်သီးခေါင်းဆောင်များ အစည်းအဝေးသို့ အကြံပြုသည့် အာဆီယံ ပါလီမာန် အမတ်များ အသင်း Asean Inter-Parliamentary Myanmar Caucus (AIPMC) ၏ ထုတ်ပြန်ကြေညာချက်၌ ၂ဝ၁၄ ခုနှစ်တွင် မြန်မာနိုင်ငံက အာဆီယံ ဥက္ကဋ္ဌအဖြစ် တောင်းဆိုထားမှုအပေါ် နိုင်ငံအတွင်း အမှန်တကယ် ဒီမိုကရေစီနှင့် လူ့အခွင့်အရေးဆိုင်ရာ တိုးတက်မှုများ ဖြစ်ပေါ်လာသည့်တိုင် ဆက်၍ ငြင်းပယ်ကြပါရန် ၎င်းတို့က တိုက်တွန်းထားသည်။

ကြေညာချက်တွင် "မြန်မာနိုင်ငံရှိ ဖိနှိပ်နေမှု အခြေအနေများသည် အာဆီယံ၏ ဂုဏ်သိက္ခာအတွက် အမည်းစက် စွန်းထင်းစေကြောင်း ဖော်ပြထားပြီး၊ မြန်မာနိုင်ငံ၏ ဆိုးရွားနေသော အခြေအနေကြောင့် ၂ဝ၁၅ ခုနှစ်တွင် အာဆီယံ လူမှုအဖွဲ့အစည်း ထူထောင်ရာတွင် အဟန့်အတားဖြစ်စေမည်’’ ဟု ဖော်ပြထားသည်။ ထို့အပြင် ထိုင်းအနေနှင့် မြန်မာဒုက္ခသည်များ ပြန်ပို့ရေး အစီအစဉ်များကို ဆိုင်းငံ့ထိန်းသိမ်းထားပေးပါရန် တိုက်တွန်းထားသည်။

"အာဆီယံအနေနှင့် အဖွဲ့၏ ပဋိဉာဉ်များကို ပြောင်ပြောင်တင်းတင်း ဖောက်ဖျက်နေသော မြန်မာကို အသင်းမှနေ၍ ဆိုင်းငံ့ထားရန် စဉ်းစားသင့်သည်။ မြန်မာနိုင်ငံနှင့် ဆက်ဆံရာတွင် အာဆီယံအသင်းက သတ္တိပြသသင့်ပြီး၊ ယခု ထိပ်သီး အစည်းအဝေးကို အကြောင်းပြု၍ မြန်မာနိုင်ငံ၏ အခြေအနေကို သေချာဆွေးနွေးသင့်သည်။ အထူးသဖြင့် နိုင်ငံအတွင်း လူ့အခွင့်အရေး အခြေအနေများ စနစ်တကျနှင့် အပြင်းအထန် ချိုးဖောက်နေမှုအပေါ် ကိုင်တွယ်ဖြေရှင်းပေးရန် မိမိတို့က တောင်းဆိုကြောင်း" ဟု ဖော်ပြထားသည်။

ထို့အပြင် အာဆီယံအဖွဲ့ဝင်များအနေဖြင့် "ကုလသမဂ္ဂမှ အဆိုပြုသည့် မြန်မာနိုင်ငံတွင် လူသားမျိုးနွယ်တရပ်လုံးအပေါ် ချိုးဖောက်ကျူးလွန်သည့် ရာဇဝတ်ပြစ်မှုများအတွက် စုံစမ်းရေးကော်မရှင်တရပ် ဖွဲ့စည်းရေး အဆိုကိုလည်း ထောက်ခံပေးကြပါရန် တိုက်တွန်းထားသည်။ သို့မှသာ ဒေသကြီးတခုလုံးအနေဖြင့် မြန်မာနိုင်ငံတွင် လူ့အခွင့်အရေး ချိုးဖောက်နေမှုများနှင့် ဖိနှိပ်နေခြင်းအတွက် ပြစ်မှုကျူးလွန်ထားသူများကို အရေးမယူ၊ အပြစ်ပေးမှုမရှိဘဲ ကင်းလွတ်နေစေသည့် အခြေအနေကို သည်းညည်းမခံကြောင်း ပြသရာရောက်စေမည်ဖြစ်ပြီး၊ နိုင်ငံအတွင်း သိသာထင်ရှားသည့်၊ အင်အားစု အသီးသီး ပါဝင်နိုင်ငံသည့် ဒီမိုကရေစီ လုပ်ငန်းစဉ်များ ဖြစ်ထွန်းတိုးတက်လာစေမည်" ဟု ဖော်ပြထားသည်။

Agency France Press သတင်းတပုဒ် အဆိုအရမူ မြန်မာအစိုးရက အချို့အကျဉ်းသားများအတွက် လွတ်ငြိမ်းချမ်းသာခွင့် စဉ်းစားနေကြောင်း ဆိုသည်။ သို့သော် နိုင်ငံရေးအကျဉ်းသားများ ပါဝင်မည်-မပါဝင်မည်ဆိုသည်မှာ မသေချာသေးပေ။

"တချို့အကျဉ်းသားတွေက သမ္မတသစ်ရဲ့ ပထမဆုံး နိုင်ငံခြား ခရီးစဉ်ကာလမှာ လွတ်လာဖွယ် ရှိနိုင်ပါတယ်" ဟု အမည်မဖော်လိုသူ အရာရှိတဦးကို ကိုးကား၍ AFP သတင်းဌာနက ဖော်ပြသည်။

လေ့လာစောင့်ကြည့်နေသူများကမူ ယခုအပတ်အတွင်း အင်ဒိုနီးရှားတွင် အာဆီယံအဖွဲ့ ထိပ်သီးခေါင်းဆောင်များ အစည်းအဝေး၌ သမ္မတ ဦးသိန်းစိန် တက်ရောက်မည်ဟု မျှော်လင့်ထားကြသည်။ နိုင်ငံတကာတွင် မျက်နှာပန်းလှစေရန် အကျဉ်းသား လွှတ်ပေးမှုများ ဖြစ်လာဖွယ်ရှိမည်ဟုလည်း ခန့်မှန်းကြသည်။

အစိုးရအာဘော် မြန်မာ့အလင်းသတင်းစာတွင် မြန်မာနိုင်ငံ၏ ကာကွယ်ရေးဆိုင်ရာ ပြည်ထောင်စုဝန်ကြီး ဗိုလ်ချုပ်ကြီး လှမင်းက အင်ဒိုနီးရှား ကာကွယ်ရေးဝန်ကြီး ဒုဗိုလ်ချုပ်ကြီး ဆယာဖရီ ဆယမ်ဆိုဒင် Syafrie Syamsoeddin ကို နေပြည်တော်ရှိ သူ၏ ရုံးခန်း၌ အင်္ဂါနေ့တွင် လက်ခံတွေ့ဆုံကြောင်း ဖော်ပြထားသည်။ သို့သော် မည်သည့်ကိစ္စများ ဆွေးနွေးကြသည်ကို ဖော်ပြထားခြင်း မရှိပေ။

(Thea Forbes ၏ Civil society groups protest Asean government appointments ဟူသော ဆောင်းပါးကို ဆီလျော်အောင် ပြန်ဆိုဖော်ပြပါသည်။)