သူပုန်ကျောင်းသားတဦးရဲ့ မာရသွန်ခရီး (၃၁)

ထက်အောင်ကျော်

မာနယ်ပလောတိုက်ပွဲနဲ့ ပေးဆပ်သူတိုရဲ့ ဒဏ်ရာများ

ကျနော်တို့ မာနယ်ပလောကို ပြန်ရောက်ပြီး ၃၊ ၄ ရက်လောက်ကြာမှ “ဧည့်သည်တပ်တွေ ပြန်လို့ရပြီ” လို့ အမိန့်ထွက်လာပါတယ်။ ဒီအမိန့်ထွက် ပြီး နောက်တရက်မှာ ကိုမင်းဇော်သူနဲ့ ကျနော်တို့ တပ်ရင်း ၂၀၁ တပ်စု တခုလုံး နော်တကနေ မာနယ်ပုလောကို ပြန်ရောက်လာပါတယ်။ သူတို အဖွဲ့ ပြန်လာပြီး နောက်တရက်မှာတော့ ၁၀၂ က အဖွဲ့တွေလည်း မာနယ်ပလောဆီ ပြန်ရောက်လာပါတယ်။

၁၀၂ တပ်ရင်းမှူး ကိုဘစောထွန်းကို နော်တစစ်မြေပြင် မထွက်ခင် မာနယ်ပလောမှာတွေ့ရစဉ် (ဓါတ်ပုံ - Mariko)

သူတို့နဲ့အတူ ပါလာတဲ့သတင်းဆိုး တခုကတော့ ရှေ့ပိုင်းပိုင်းမှာ ကျနော်တင်ပြခဲ့ဖူးတဲ့ ချေဂွေဗားရားပုံ ဆံပင်ပိုင်ရှင် ၁၀၂ တပ်ရင်းမှူး ကိုဘ စော ထွန်း မိုင်းနင်းမိပြီး မဲဆောက်ဆေးရုံကို အရေးပေါ် တင် လိုက်ရကြောင်းနဲ့ ခြေထောက်တဖက် ဖြတ်ပစ်ရမယ့် အခြေနေ ရှိနေတယ် ဆိုတဲ့ သတင်းပါ။

နော်တ တိုက်ပွဲအတွင်း တပ်ရင်းမှူး ကိုဘစောထွန်းမှအပ တခြား ပြင်းပြင်းထန်ထန် ဒဏ်ရာရသူ မရှိပါဘူး။ ကျနော်တို့တပ်ရင်းက ရဲဘော်တွေ ထဲမှာတော့ လက်နက်ကြီးအစ မှန်သူ ၃ ဦးရှိခဲ့ပြီး စစ်ကြောင်း မှူး ကိုမင်းဇော်သူ၊ ကိုသန်းစိုး ခေါ် ရုပ်ပိနဲ့ ကိုနိုင်ဝင်းတို့ ဖြစ်ပါတယ်။ ကိုမင်း ဇော်သူနဲ့ ကိုသန်းစိုးတို့ဟာ လက်မောင်းနဲ့ ဗိုက်မှာထိပြီး ကိုနိုင်ဝင်းကတော့ မျက်လုံးထဲ လက်နက်ကြီးအစ သေးသေးလေး ၀င် သွား တယ်လို့ သိရပါ တယ်။ ကျနော် နော်တကို ရောက်သွားချိန်မှာ ကိုသန်းစိုးနဲ့ ကိုနိုင်ဝင်း ၂ ဦးစလုံး မဲဆောက်ဆေးရုံမှာ ရောက်နေတဲ့ အတွက် ကျနော်နဲ့မတွေ့လိုက်ရပါ။

ဒီဆောင်းပါးရေးရင်းနဲ့ ကိုနိုင်ဝင်းကို လိုက်ဆက်သွယ်ကြည့်တော့ သြစတေလျနိုင်ငံကို ရောက်နေတာကိုတွေ့ရပြီး သူလက်နက်ကြီးအစ မှန် တဲ့နေ့ဟာ ၁၉၉၂ ဧပြီလ ၂၄ ရက်နေ့ဖြစ်တယ်။ အခုချိန်ထိ မျက် လုံး ထဲမှာ အဲဒီလက်နက်ကြီးအစ ရှိနေဆဲ၊ ပြန်လည်ခွဲထုတ်ဖို့ ခက်နေဆဲ ဖြစ် ကြောင်း၊ အေးတဲ့အခါ ဒါမှမဟုတ် သိပ်ပူတဲ့အခါ ခေါင်းမူးတဲ့ဝေဒနာကို ပြင်းပြင်းထန်ထန် ခံစားရတဲ့အပြင် သူရဲ့ဘယ်ဘက် မျက်လုံးဟာ သိပ်မ မြင်ရဘူး ဖြစ်နေတယ်လို့ ပြောပြခဲ့ပါတယ်။ တခါ အခု ဂျာမနီနိုင်ငံကို ရောက်နေပြီဖြစ်တဲ့ ၁၀၂ တပ်ရင်းမှူး ကိုဘစောထွန်းကိုလည်း ၂၀၀၅ ခုနှစ်က ကျင်းပတဲ့ ဘာလင်မြို့ မြန်မာသံရုံးရှေ့ ဆန္ဒပြပွဲအတွင်း ကျနော်ထပ်မံတွေ့ဆုံခွင့် ရခဲ့ပါတယ်။ မိုင်းနင်းမိတဲ့ ဘယ်ဘက် ခြေ ထောက်က မဖြတ်လိုက်ရပေမယ့် အရိုးဆစ်တခုကို ထုတ်လိုက်ရတဲ့အတွက် ဘယ်ခြေက ညာခြေထက် ၂ လက်မ လောက် နိမ့်နေပြီး ဂျိုင်း ဒေါင့် ၂ ဖက်ကို အားပြုသွားနေရတဲ့သူပုံက နော်တစစ်မြေပြင်မှာ ကျနော်တွေ့စဉ်ကပုံနဲ မတူတော့ပါဘူး။

သူရဲ့သူပုန်သင်္ကေတ ချေဂွေဗားရားပုံ ဆံပင်ရှည်တွေကို မြတ်မြတ်နိုးနိုး ဆက်ထားနေဆဲဖြစ်ပေမယ့် တောထဲမှာတုန်းကလို ဒီတိုင်း ချမထား တော့ဘဲ နောက်မှာ စည်းထားတာကို တွေ့ရပြီး လူလည်း အ တော်ပိန်သွားတယ်လို့ ထင်ပါတယ်။

“ဘာတတ်နိုင်မလဲဗျာ။ တော်လှန်ရေးရဲ့ အသီးအပွင့်တွေပေါ့။ ခြေထောက်မဖြတ်လိုက်ရတာကိုပဲ ကံကောင်းတယ်လို့ မှတ်ရမှာ” ဆိုပြီး မချိပြုံး ပြုံးကာ ကျ နော့်ကို လက်ဆွဲနှုတ်ဆက်ပါတယ်။ ဆန္ဒပြပွဲပြီးတော့ ကျနော်လည်း သတင်းအချိန်မီပို့ဖို့ ပြင်ရင်းနဲ့ သူနဲ့ အသေချာ စကား မပြော ဖြစ်လိုက် ပါဘူး။

အခု ဒီဆောင်းပါးရေးတော့မှပဲ သူ့ကို အွန်လိုင်းကနေ ဆက်သွယ်ပြီး နော်တက ဒဏ်ရာတွေအကြောင်း အသေအချာ မေးမြန်းကြည့် ဖြစ်ခဲ့ ပါတယ်။ တဆက်တည်းမှာပဲ သူ့လို ဒဏ်ရာရသွားတဲ့ “ရဲဘော်သူငယ်ချင်းတွေ” ဘယ်လောက်များ ရှိနေလေမလဲ၊ အခု ဒီလူတွေ ဘယ်ရောက် ပြီး ဘ၀ကို ဘယ်လိုရုန်းကန် ရင်ဆိုင်နေကြသလဲဆိုပြီး ဟိုနိုင်ငံ၊ ဒီနိုင်ငံက ရဲဘော်ဟောင်းတွေကို အွန်လိုင်းကနေ ကျနော် လိုက်မေးမိပါ တယ်။

ကျနော်တို့ ၂၀၁ တပ်ရင်း တခုတည်းမှာတင် ၁၉၈၈ ကနေ ၁၉၉၇ အထိ ၁၀ နှစ်တာ ကာလအတွင်း တိုက်ပွဲမှာကျဆုံးသူ ၆၀ ကျော်၊ ဖျားနာ သေဆုံးသူ ၁၀ ဦးကျော်၊ ပျောက်ဆုံး သူ ၁၀ ဦးနီးပါးနဲ့ ထိခိုက် ဒဏ်ရာရသူ ၃၀ ဦးခန့်ရှိတာကို တွေ့ရပါတယ်။ ဒဏ်ရာအပြင်းအထန် ရသွား သူတွေထဲမှာ ခြေတောက်တဖက်စီ ဖြတ်လိုက်ရတဲ့ ကိုဘသန်း၊ ကိုမဲဒူး၊ ကိုလှဌေး၊ ကိုကျော်နိုင်နဲ့ ကိုစိုးနိုင်တို့ကို ကျနော် အမှတ်ရနေပီး အားလုံး အမေရိကန်မှာ ရောက်နေတယ်လို့ကြားရပေမယ့် သူတို့ရဲ့ဘ၀ အဆင်ပြေမပြေတော့ အတိအကျ မသိရသေးပါဘူး။

ABSDF ဗဟို (http://www.absdf.com) က ထုတ်ပြန်ထားတဲ့ စာရင်းအရဆိုရင် နှစ် ၂၀ ကာလအတွင်း ထိခိုက်ဒဏ်ရာရ၊ သေဆုံး၊ ကျဆုံး ဦးရေ ၁၀၂၄ ဦး ရှိပြီး အဲဒီထဲမှာ ထိခိုက်ဒဏ်ရာရသူ ၃၉၉ ဦး။ သေဆုံး ၂၇၃ ဦး၊ ကျဆုံး ၃၅၃ ဦးလို့ ဖော်ပြထားတာ တွေ့ရပါတယ်။ ဒါတောင် စာရင်းက အပြည့်အစုံ မဟုတ်သေးဘဲ လက်လှမ်းမိသလောက် စုစည်းထားပုံသာ ဖြစ်ပုံရပါတယ်။ နှစ် ၂၀ ကျော် သာ သက် တမ်း ရှိသေးတဲ့ ABSDF မှာတောင် ထိခိုက်ကျဆုံးဦးရေ ၁၀၀၀ ကျော် နေပြီဆိုရင် နှစ် ၆၀ ကျော်တိုက်နေတဲ့ တိုင်းရင်းသားလက်နက်ကိုင် အဖွဲ့တွေမှာဆိုရင် ဘယ်လောက်များရှိနေပြီလဲ။

တိုင်းရင်းသားလက်နက်ကိုင်အဖွဲ့ နှစ်ဒါဇင်ကျော်ရဲ့ ထိခိုက်ဒဏ်ရာစာရင်းကို ချုပ်လိုက်မယ်ဆိုရင် သောင်းဂဏန်းကျော်ပြီး သိန်းဂဏန်းတောင် ရှိနေလေမလား။ ဒီကိန်းဂဏန်းတွေကို သိချင်လို့ သူပုန်အဖွဲ့ပေါင်းစုံရဲ့ ၀က်ဆိုက်တွေကို လိုက်လှန်ရှာဖွေခဲ့ပေမဲ့ ABSDF လိုမျိုး စာရင်း ထုတ် ပြန်ထားတာ မတွေ့ရသေးပါဘူး။ တခါ သူပုန်တပ်ပေါင်းစုကြီးဖြစ်တဲ့ DAB တို့၊ NCUB တို့ရဲ့ ၀က်ဘ်ဆိုဒ်ထဲမှာလည်း အဲဒီ လို စာရင်း ဇယား မျိုး ကို မတွေ့ရသေးပါဘူး။

တိုက်ပွဲအတွင်း ခြေထောက်ဒဏ်ရာရ သွားကြတဲ့ ABSDF ရဲဘော်တွေထဲက ၂၀၁ တပ်ရင်းမှ ရဲဘော် ကိုကျော်နိုင်နဲ့ ရဲဘော် ကိုလှဌေးတို့ရဲ့ ပုံတွေဖြစ်ပါတယ်

ထိခိုက်ကျဆုံး စာရင်းဇယားတောင် မရှိဘူးဆိုရင် အဲဒီပေးဆပ်ခဲ့ရတဲ့ ရဲဘော်တွေအတွက် ဒီတပ် ပေါင်းစုတွေက ဘယ်လိုတာဝန်ယူ ဆောင် ရွက်ပေးနေသလဲ ဆိုတာကို ဆက်ပြီးမေးခွန်းထုတ်ဖို့ ခက်သွား ပါတယ်။ တပ်ပေါင်းစုက မဆောင်ရွက်သေးဘူးဆိုရင် သက်ဆိုင်ရာ သူပုန် အဖွဲ့တခုချင်းစီကရော ဒီရဲ ဘော်တွေအတွက် ဘာတွေများ ဆောင်ရွက်ပေးထားသလဲ။ နိုင်ငံတကာ NGO တွေ၊ ပြည်တွင်း NGO ကရော ဘာများ ကူညီပေးထားသလဲ။ ကျနော် လက်လှမ်းမီသလောက် လိုက်မေးမြန်းခဲ့ပေမယ့် အခုချိန်အထိတော့ သေချာတဲ့ စီမံကိန်းတခုခုနဲ့ ကူညီဆောင် ရွက်ပေးထားတာမျိုး မတွေ့ရ၊ မကြားရ သေးပါ ဘူး။

အခုဆိုရင် ABSDF အပါဝင် နယ်စပ်တကျောက သူပုန်တပ်တွေအားလုံးနီးပါး မြန်မာအစိုးရသစ်နဲ့ ဆွေးနွေးပွဲတွေလုပ်၊ စစ်ရပ်စဲရေး စာချုပ် တွေ ချုပ်ဆိုနေကြပါပြီ။ ဒါပေမယ့် နှစ်ဖက်တပ်တွေနေရာ ချထား ရေး၊ ဆက်သွယ်ရေးရုံးခန်း ဖွင့်လှစ်ရေး၊ စီးပွားရေးလုပ်ငန်း လုပ်ခွင့်ရရေး တွေကိုသာ ဦးစားပေး ဆွေးနွေးနေတာတွေ့ရပြီး ကျနော်ပြောနေတဲ့ “တော်လှန်ရေးရဲ့ အသီးအပွင့်” တွေ၊ တော်လှန်ရေးအတွက် အသက် ပေးသွားသူတွေ၊ ဒုက္ခိတ ဖြစ်သွားရ သူတွေရဲ့ဘ၀ ပြန်လည် ထူထောင်ရေး ကိစ္စ ကိုတော့ ဘယ်အဖွဲ့ကမှ ဆွေးနွေးတာ မကြားရ သေးပါ ဘူး။ အလားတူ နေပြည်တော်က ပါလီမန် ထဲမှာ ဖြစ်စေ၊ ပါလီမန် ပြင်ပ မီဒီယာ တွေမှာ ဖြစ်စေ တော်လှန်ရေး အတွက် ပေးဆပ်သွား သူတို့ရဲ့ ဘ၀ပြန်လည် ထူထောင်ရေးကိစ္စကို ဆွေးနွေးတာ၊ ပြောဆိုတာ အခုချိန်အထိ မကြားရသေးတဲ့အတွက် “ပေးဆပ်ခဲ့သော ရဲဘော် သူငယ် ချင်းများ” အပေါ် ခေါင်းဆောင်ပိုင်းတွေဘက်က တာဝန်မကျေသေးသလို ကျနော်စိတ်ထဲ ခံစားနေရပါတယ်။

မာနယ်ပလောမှာ တလတာ

နော်တစစ်မျက်နှာကနေ ပြန်လာတဲ့ ကျနော်တို့ ၂၀၁ နဲ့ ၁၀၂ တပ်ရင်းက စစ်သည်တွေဟာ နယ်မြေခံတပ် မဟုတ်တဲ့အတွက် ရှေ့မှာကျ နော် တင်ပြခဲ့တဲ့ မာနယ်ပလောကွင်းပြင်ထဲရှိ အထူးစစ်သည်တော် ဘားတိုက်မှာ တည်းခွင့်ရပါတယ်။ သူပုန်တပ်ပေါင်းစုဌာနချုပ်ရဲ့ မြို့လယ်ဘား တိုက်မှာ တည်းရတယ် ဆိုလို့ သိပ်တော့ အထင် မကြီး လိုက်ပါနဲ့။ ကျနော်တို့ စခန်းက ဘားတိုက် တွေလို ၀ါးနဲ့ ဖြစ်သလို ဆောက်တာမျိုး မ ဟုတ်ဘဲ ကျွန်းသစ် တွေနဲ့ အခိုင်အမာ ဆောက်ထားတာကလွဲရင် ဘာအဆောင်ယောင်မှ မရှိပါ။ ဒီလိုပဲ ကြမ်းပြင်ပေါ် မိုးကာခင်းအိပ်သူအိပ်၊ စောင်ပါးပါးလေးကို ခင်းအိပ်သူအိပ်နဲ့ ရင်ကွဲ ဘားတိုက်ရဲ့ တဖက်တချက်မှာ ၁၀၂ နဲ့ ကျတို့တို့ ၂၀၁ က ရဲဘော် ၅၀ ကျော် နေရာ ယူလိုက် ပါ တယ်။ အဲဒီ ကာလ ၁၀၂ ကို တာဝန်ယူထားသူက တပ်မှူးကြီး မောင်ပိန်ဖြစ်ပြီး တပ်သားတွေထဲမှာတော့ ထူးထူး ခြားခြား အဆိုတော် ကို မွန်း အောင်လည်း ပါဝင်နေတာကို တွေ့ရပါတယ်။

၁၉၉၂ ၀န်းကျင်ကမြင်ရတဲ့ မာနယ်ပလော စစ်ရေးပြကွင်း၊ စစ်ရုံးချုပ်နဲ့ နော်ဒေးတောင်တန်း

နာမည်ကြီးအဆိုတော် ကိုမွန်းအောင်ဟာ အဲဒီကာလက မာနယ်ပလောအခြေစိုက် DVB တောတွင်း စတူဒီယိုမှာ တာဝန်ထမ်းနေသူ ဖြစ်ပါ တယ်။ အဲဒီအချိန်ဟာ အမျိုးသားညွန့်ပေါင်းအစိုးရရဲ့ DVB ရေဒီယို ပေါ်ကာစ အချိန်ဖြစ်ပြီး နေ့စဉ်အသံလွင့်မှုဆိုင်ရာ ကိစ္စအားလုံးကို မာနယ် ပုလောရှိ စင်ပြိုင်အစိုးရ ပြန်ကြားရေးဌာန၊ တပ်ပေါင်းစု ပြန်ကြားရေးဌာန၊ ABSDF ပြန်ကြားရေးဌာနတွေကနေ အဓိက ဆောင်ရွက် ပေးနေ တာလို့ သိရ ပါတယ်။ ဒါပေမယ့် ကျနော်တို့ ရဲဘော်တွေကတော့ DVB နဲ့ စတူဒီယိုအကြောင်း သိပ်မသိဘဲ ကိုမွန်းအောင် အကြောင်းပဲ သိပြီး သူနဲ့ တွေ့ရင် “သွေး မုန်တိုင်း”၊ “မိုင်းလုံးမိုး” အပါအ၀င် တော်လှန်ရေး သီချင်း တွေကို ဆိုပြဖို့ပဲ တချိန်လုံး တိုက်တွန်း နေတာကို ကျနော် အ မှတ်ရနေ ပါတယ်။

ဒီလိုနဲ့ မာနယ်ပလောရှိ ဧည့်သည်တော်ဘားတိုက်ရဲ့ ဟိုဖက်ခြမ်း၊ ဒီဖက်ခြမ်းမှာ ကျနော်တို့ တပ်ရင်း နှစ်ခုစခန်းချရင်း မင်းသမီးဒေသဆီပြန်ဖို့ ကြိုးစားခဲ့တာ တလနီးပါးအထိ ကြာမြင့်ခဲ့တယ်လို့ ထင်ပါတယ်။

မာနယ်ပလောရှိ အဖွဲ့ပေါင်းစုံကို ဆက်သွယ်ပြီး ကျနော်တို့ရဲဘော်တွေကို မင်းသမီးဒေသဆီ ပြန်ပို့ပေးဖို့ အကူညီတောင်းပေမယ့် ဗဟိုမှာတာဝန်မရှိဘဲ တပ်မဟာ ၄ မှာပဲတာဝန်ရှိသလိုလို၊ ဟိုလိုလို ဒီလိုလိုနဲ့ အဖွဲ့အားလုံးက ခေါင်းရှောင်နေကြပါတယ်။ ဒီလိုနဲ့ မာနယ်ပုလောနဲ့ သိပ်မဝေးတဲ့ ကိုမိုးသီးဇွန်တို့ ဗဟိုဆီ ခဏခဏသွားပြီး ကျနော်တို့တပ်ရင်းဆီ ကြေးနန်းနဲ့ဆက်သွယ်ရပါတယ်။ တပ်ရင်းနဲ့ တပ်မဟာ ၄ ဘက်ကလည်း ဘာမှကူညီနိုင်တဲ့ အခြေအနေမရှိပါ။ ရဲဘော်တွေကလည်း တပ်ရင်းကို အမြန်ဆုံးပြန်ချင်နေကြပါပြီ။ ဒီတော့ ရဲဘော်တွေ စိတ်ဓာတ်မကျ အောင် ဆိုပြီး မာနယ်ပလောတခွင် လေ့လာရေး လုပ် ကြ ရပါ တယ်။

မာနယ်ပလောမြောက်ဘက် ကွန်မန်ဒိုကုန်းပေါ်ရှိ ကိုမိုးသီးဇွန်တို့ဗဟို၊ လောကွားလူကုန်းပေါ်ရှိ ကိုနိုင်အောင်တို့ ဗဟိုရုံးခွဲ (ကိုနိုင်အောင်တို့ ဗ ဟိုရုံးကတော့ သံလွင်မြစ်ဘေး ဒါးဂွင်မှာ အခြေစိုက်ထား) တွေ ဆီ သွားလည်ပါတယ်။ နောက်တခါ မာနယ်ပလောတောင်ဖက်ရှိ ဒေါ်အောင် ဆန်း စုကြည် လမ်းဝန်းကျင်က NLD-LA ရုံး၊ လူ့ဘောင်သစ်ပါတီရုံး၊ ရဟန်းပျိုသမဂ္ဂရုံး၊ နောက် မာနယ်ပလော မြို့ပြင်ကို အ ထုတ်ခံထား ရ တဲ့ အဖွဲ့လို့ နောက်ပြောင် ခေါ်ဆိုခြင်း ခံရတဲ့ ထီးတ ခီးသွား ကားလမ်းပေါ်က NCGUB ရုံးတွေ ရှိရာဆီ တပ်စု အလိုက် ကျနော်တို့ သွားလည် ကြပါ တယ်။

NCGUB ရုံးကအပြန်မှာ “ဒေါ်အောင်ဆန်းစုကြည်လမ်း” အနီးရှိ ကဗျာဆရာ ပန်းခက်ရဲ့ ထူးရာစိုး လက်ဖက်ရည်ဆိုင်ကို ၀င်ပြီး အားပေးခဲ့သေး တာကို အမှတ် ရနေပါတယ်။ နောက်တခါ ကချင်ကုန်းဆီ တက်ပြီး ဗိုလ်ချုပ်ဇော်မိုင် အပါအ၀င် ကချင်ကိုယ်စားလှယ်တွေနဲ့လည်း စကားပြော ဖြစ်ခဲ့ပါသေးတယ်။ ဆိုလိုတာကတော့ အချိန်တွေ ဒီတိုင်းပိုနေတဲ့အတွက် မာ နယ်ပလောရှိ ရှိသမျှရုံးခန်းတိုင်းကို သွားရောက် လေ့လာခဲ့ တဲ့ သဘောမျိုးဖြစ်နေပါတယ်။ နောက်တခါ ကျနော်တို့ ဘားတိုက်ဘေးက မာနယ်ပလော အစည်းဝေးခန်းမမှာ မကြာခဏ ကျင်းပလေ့ ရှိတဲ့ နိုင် ငံရေး အခမ်းအနားတွေ၊ ဟောပြောပွဲတွေ၊ ၀ါးတီးပွဲတွေကိုလည်း ကျနော်တို့တပ်စု မပျက်မကွက် အားပေး ခဲ့ပါ တယ်။

ဒီလိုနဲ့တနေ့မှာတော့ တပ်ပေါင်းစုဥက္ကဋ္ဌလည်းဖြစ်၊ KNU ဥက္ကဋ္ဌလည်းဖြစ်တဲ့ ဗိုလ်ချုပ်ကြီးမြနဲ့ ကျနော် တွေ့ခွင့်ရခဲ့ပါတယ်။ ၁၉၈၉ ခရီးစဉ်တွေ ကတည်းက ဗိုလ်ချုပ်မြကို မာနယ်ပလောနဲ့ သူနေတဲ့ ဟွေး ဘောလူရွာဆီ အသွား လှေဆိပ်မှာ အနီးကပ်မြင်ခဲ့ဖူးပေမယ့် တခါမှ လူချင်းတွေ့ စကားမပြောဖူးခဲ့ပါဘူး။ အခုတော့ မာနယ်ပလောမှာသောင်တင်နေတုန်း ပင်လယ်ပြင်စစ်ကြောင်းကိစ္စ သွားပြောကြည့်ဦးမှ ဆိုပြီး ကျနော်နဲ့ ဦးဟန်လင်းတို့ အရဲစွန့်လာခဲ့တာပါ။

သူကိုတော့ NCG ၀န်ကြီးတွေလို ဒီတိုင်းတက်တွေ့လို့မရ။ လက်နက်ကိုင်လုံခြုံရေးအဖွဲ့ကို အရင် သတင်းပို့ရပါတယ်။ နာရီ ၀က်လောက်စောင့် ပြီးမှ တွေ့ခွင့် ရပါတယ်။ ဗိုလ်ချုပ်မြပုံကိုတော့ အတော်များများ သိပြီးဖြစ်တဲ့အတွက် အထူးညွန်းပြစရာ လိုမယ်မထင်ပါ။ ပျောက်ကျား ယူနီ ဖေါင်းဝတ်ထားတဲ့ ၀၀ဖိုင့်ဖိုင့် သူပုန် ဗိုလ်ချုပ်ကြီးကို အနီးကပ်တွေ့စဉ် “အောင်ထွန်းလေး” လို့ ကျောင်းသားတွေပေးထားတဲ့ အမည် ၀ှက်ကို သွားသတိ ရမိ ပါတယ်။

“အောင်ထွန်းလေး” ဆိုတာကို ဒီနေ့ အသက် ၂၀ တန်းလူငယ်တွေ သိဖို့မလွယ်တော့ပေမယ့် ကျနော်တို့ တောခိုကာစ ၁၉၈၈ ၀န်းကျင်က တော့ နာမည် အ ကျော်ကြားဆုံး ၀၀ကစ်ကစ် ချစ်စရာ အကောင်းဆုံး ကလေးသရုပ်ဆောင်တဦး ဖြစ်ပါတယ်။ “၀ါလဲဂေး အဖူး” ဆိုပြီးကျ နော် ကသတိဆွဲ အလေးပြု မိတ် ဆက်တော့ “ခင်ဗျားတို့က ဘာကိစ္စတွေ့ချင်တာလဲ” ဆိုပြီး သူက တည့်တည့် မေးပါ တယ်။ “ပင်လယ်ပြင် စစ်ကြောင်း ကိစ္စပါ အဖူး။ လက်ရှိဆင်းနေတဲ့ ပင်လယ်ပြင်စစ်ကြောင်းထဲမှာ ကျနော်တို့တပ်တွေကိုလဲ ထည့်ချင်လို့ပါ အဖူး” လို့ စရုံပဲ ရှိပါ သေးတယ်။ ‘“ခင်ဗျားတို့ ကျောင်းသားတွေကလည်း အဖွဲ့များလိုက်တာ” ဆိုပြီး ပြောထည့်လိုက်ပါတယ်။ ပြီးတော့ “ခင်ဗျားတို့ကိစ္စ ဗိုလ်စိုး စိုးနဲ့ ပြောကြည့် ပါလား” လို့ အကြံပေးပြီး ကျနော်တို့နဲ့ ဆက်ပြောစရာစကား သူမှာမရှိတော့သလိုနဲ့ သူ့အလုပ်သူ ဆက်လုပ်ဖို့ ပြင်နေ ပါတယ်။ ဦးဟန်လင်းနဲ့ ကျနော်လည်း ဘာဆက်ပြောရမှန်း မသိတော့တာနဲ့ ဒီတိုင်းပြန်လာခဲ့ရပါတယ်။

ဗိုလ်မှူးစိုးစိုးဟာ (ထိုင်းနိုင်ငံနဲ့ ဆက်ဆံရေးတာဝန်အပြင်) အဲဒီကာလက ဘုတ်ပြင်းမြို့နယ်နဲ့ ထိုင်းနိုင်ငံ ချွမ်ဖုံခရိုင်ကြားက ရွာဟေလူစခန်း အ ခြေစိုက် KNU တပ်ရင်း ၁၂ ရဲ့ တပ်ရင်းမှူးဖြစ်ပြီး ပင်လယ်ပြင် လှုပ်ရှားမှုကို တာဝန်ယူထားသူဖြစ်ပါတယ်။ ဒီလိုနဲ့ ဗိုလ်မှူးစိုးစိုးကို ကျနော်တို့ ဘားတိုက်ဘေးက နိုင်ငံခြားသား ဧည့်ရိပ်သာဆီလာတုန်း သွားရောက်ဆွေးနွေးပေမယ့် တိကျတဲ့အဖြေ မရခဲ့ပါဘူး။

နောက်တခါ ပင်လယ်ပြင်ကိစ္စ ဆွေးမယ်လို့ကြားရတဲ့ DAB အစည်းဝေးတခုကို တက်နိုင်ဖို့ ကျနော် ထပ်ကြိုးစားခဲ့ပါသေးတယ်။ ဒီတခါ အ စည်း ဝေးကျင်းပတဲ့နေရာက ရှေ့ပိုင်းမှာ ကျနော်တင်ပြခဲ့တဲ့ ကော် သူးလေအစိုးရ အိမ်ဖြူတော်ရဲ့ အောက်ထပ်မှာပါ။ ကျနော်ကို စပွန်ဆာ ပေးပြီးခေါ်သွားသူက ကိုမိုးသီးဇွန်။ တကယ်က ဒီအစည်းဝေးဟာ ကျနော့်လို တပ်ရင်းအဆင့်ဥက္ကဋ္ဌတဦးနဲ့ ဘာမှမဆိုင်တဲ့ အပေါ်ထပ် အ ဆောက်ဦကလူတွေရဲ့ တပ်ပေါင်းစု ဗဟို ကော်မီတီ အစည်း ဝေးသာ ဖြစ်ပါတယ်။ အစည်းဝေးတောင် မစရသေးဘူး၊ ကျနော်ကို ဘယ်သူ ဖိတ်ထားတာလဲ၊ အပြင်လူကို ဗဟိုကော်မီတီအစည်းအဝေး ဖိတ်ခွင့် ရှိသလားဆိုပြီး တပ်ပေါင်းစုခေါင်းဆောင်တချို့ ငြင်းနေ ကြပါ တယ်။ နောက်ဆုံးမှာတော့ လေ့လာသူအဖြစ် တက်ခွင့်ပေးမယ်။ ပင်လယ်ပြင်ကိစ္စမှအပ တခြားကိစ္စတွေမှာ ဆွေးနွေးခွင့် မရှိဘူး ဆိုပြီး သဘော တူချက် ရခဲ့ပါတယ်။

ဒါပေမယ့် ကျနော် ဆက်မတက်ဖြစ်တော့ပဲ ပြန်ထွက်လာခဲ့ပါတယ်။ မာနယ်ပလောမှာ ဆွေးနွေးနေလို့ ပင်လယ်ပြင်ကိစ္စလည်း ပါခွင့်ရဖွယ်မရှိ၊ ငါတို့တပ်တွေကို ပြန်ပို့ပေးမဲ့သူလည်း ပေါ်လာဖွယ်မရှိဘူး၊ မင်းသမီးဒေသဆီ ပြန်ပြီး တပ်မဟာ ၄ မှူးနဲ့ ဆွေးနွေးတာကမှ အလုပ်ဖြစ်ဦးမယ်လို့ ဆုံးဖြတ်ပြီး မာနယ် ပလောကနေ မင်းသမီးစခန်းဆီ ကျနော်တဦးတည်း ပြန်လာခဲ့ပါတယ်။