ရှမ်းပြည် မြောက်ပိုင်း နမ့်ခမ်း မြို့နယ်နှင့် ကွတ်ခိုင်မြို့နယ်အကြား စယ်နေ ကျေးရွာ အနီးတွင် အစိုးရ၏ ခြေမြန်တပ်ရင်း ခမရ (၅၀၁)နှင့် ခြေ လျင်တပ်ရင်း ခလရ (၁၄၄) ပူးပေါင်း စစ်ကြောင်းနှင့် အောက်တိုဘာလ (၂၇) ရက်နေ့က တိုက်ပွဲ ဖြစ်ပွားခဲ့သည်ဟု TNLA တပ်ဖွဲ့ ပြောခွင့်ရ သူ မိုင်ဖုန်းကျော်က အခုလို ပြောသည်။
“ကျနော်တို့ တပ်ပေါင်းစုက နယ်လှည့် စည်းရုံးရေး ဆင်းနေတဲ့ အချိန်မှာ အစိုးရ စစ်ကြောင်းက နောက်ကနေ လိုက်လာလို့ တိုက်ပွဲတွေ ဖြစ် ပွား ခဲ့တာပါ။ တိုက်ပွဲကတော့ (၅) နာရီခန့် ကြာသွားတယ်။ ကြိုကြားပေါ့။ ဒီတိုက်ပွဲမှာ အစိုး ရ ဖက်က (၃) ဦး သေပြီး (၈) ဦး ဒါဏ်ရာရ တယ်လို့ မိုင်းဝီးဆေးရုံမှာ တွေ့ကြတယ်လို့ မျက်မြင် ရွာသား တွေက ကျနော်တို့ကို ပြောပါ တယ်”
အစိုးရဖက်မှ ထိခိုက်ကျဆုံး ဒဏ်ရာရသည့်ကိစ္စ သီးခြား အတည်ပြုချက် မရသေးပါ။
တိုင်းရင်းသား တပ်ဖွဲ့များက ယင်းဒေသအတွင်း မူးယစ်ဆေးဝါး တိုက်ဖျက်ရေး လှုပ်ရှားမှုများ ပြုလုပ် နေစဉ် အစိုးရ စစ်ကြောင်းက နောက် ယောင်ခံ လိုက်လာ သဖြင့် ထိပ်တိုက် ရင်ဆိုင် ဖြစ်ပွား ခဲ့ခြင်းဖြစ်သည်ဟု မိုင်ဖုန်းကျော်က ပြောသည်။
မန်ဆန်၊ မန်တုံ၊ ကွတ်ခိုင်နှင့် နမ်းခမ်းမြို့နယ်များတွင် အစိုးရတပ်ရင်း (၁၀) ရင်း ထက်မနဲ လှုပ်ရှား နေပြီး ဗျူဟာမှူးများက မန်ဆန်၊ မန်တုံ နှင့် နမ်းခန်း (မိုင်းဝီ) ၌ လာရောက် ကွပ်ကဲနေကြောင်း သိရသည်။ ထို့အပြင် အစိုးရနှင့် ပန်ဆေး ပြည်သူ့စစ် ပူးပေါင်းတပ်ဖွဲနှင့် သာပန်း ကုန်း- ရှောက်ပန်းကုန်း ကျေးရွာ အနီး လွန်ခဲ့သည့် အောက်တိုဘာ ၂၅ ရက်နေ့က တိုက်ပွဲ ဖြစ်ပွား ခဲ့ သည့်နောက်အစိုးရဖက်မှစစ်ဆင်ရေးတိုးမြှင့် ဆောင်ရွက်လာကြောင်း ၎င်းက ဆက်ပြောသည်။
ယင်းဒေသသည် ရခိုင်ပြည်နယ်မှ တရုတ်ပြည် ယူနန်ပြည်နယ်သို့ သွယ်တန်းထားသည့် ရွှေသဘ၀ ဓါတ်ငွေ ပိုက်လိုင်း တည်ဆောက် သည့် လမ်းကြောင်းတွင် တည်ရှိပြီး ပန်းဆေး ပြည်သူ့စစ် တပ်ဖွဲ့ဝင်များ လှုပ်ရှားနေသလို ယင်းဒေသ မြောက်ဖက်တွင် ဘိန်းစိုက်ခင်း များ ရှိ ကြောင်း နှင့် ယမန်နေ့ တ်ုကပွဲ နောက်ပိုင်း အစိုးရတပ်များ အင်အား ပိုဖြည့်လာကြောင်း သိရသည်။
ကွတ်ခိုင်နှင့် နမ့်ခမ်း ဒေသတ၀ိုက်တွင် (KIA) တပ်မဟာ (၄) တပ်ဖွဲ့ဝင်များ လှုပ်ရှားနေသလို ဆက် စပ်ဒေသများနိုက် TNLA တပ်ဖွဲ့ဝင်များ နှင့် SSPP/ SSA တပ်ဖွဲ့များ လှုပ်ရှားနေကြောင်း သိရသည်။ တအာင်းပလောင် လွတ်မြောက်ရေး တပ်မတော်တွင် တပ်ရင်း (၄) ရင်းရှိပြီး (၁၁၂) ကွတ်ခိုင်ဒေသ၊ (၂၅၆) နမ့်ဆန် ဒေသ၊ (၃၆၇) မန်တုံဒေသနှင့်(၄၇၈) နမ့်ခမ်း ဒေသများ တွင် လှုပ်ရှားကြောင်း မိုင်ဖုန်းကျော်က ပြောသည်။
No comments:
Post a Comment