တရုတ်ဘုံကျောင်းတွေမှာတော့ ဘုရားဝတ်ပြုသူတွေ များပြားပြီး ဘုရားပတ်ဝန်းကျင် တဝိုက်မှာတော့ မီးရှူးမီးပန်းတွေ၊ ပူဖောင်းတွေ နဲ့ ဒီ နှစ် ဟာ မြွှေ နှစ် ဖြစ်တဲ့ အ တွက် မြွှေ ရုပ် တွေ ကို ရောင်းချ နေကြ တယ် လို့လည်း သိရပါတယ်။
အများစုကတော့ မိဘနှစ်ပါးနဲ့ အဖိုး၊ အဖွား တွေအပေါ် ကောင်းမှု ကုသိုလ်ပြုကြပြီး လုပ်ငန်းတွေ အောင်မြင်ကြဖို့လည်း ဆုတောင်းခဲ့ကြတယ် လို့ အေဖက်ဖ်ပီ သတင်းဌာနကို ပြောပြကြပါတယ်။
၁၉၂၉၊ ၁၉၄၁၊ ၁၉၅၃၊ ၁၉၆၅၊ ၁၉၇၇၊ ၁၉၈၉၊ ၂၀၀၁ ခုနှစ်နဲ့ ၂၀၁၃ ခုနှစ်မှာ မွေးဖွားသူတွေဟာ မြွှေနှစ်မှာ မွေးဖွားသူများ ဖြစ်ကြပါတယ်။
သြစတြေးလျနိုင်ငံ မဲလ်ဘုန်းမြို့မှာလည်း တရုတ်နှစ်သစ်ကူးအခါသမယပွဲကို အကြီးအကျယ်ကျင်းပကြပါတယ်။
တရုတ်လူမျိုးတွေရဲ့ ပြတိုက်ကနေ သရုပ်ပြ နဂါးကြီး ထွက်လာရာလမ်းတလျောက်မှာ စောင့်ကြည့်အားပေးသူတွေ များပြားခဲ့ပြီး အဲဒီလမ်းတ လျောက်ကို အာဏာပိုင်တွေက ပိတ်ချပေးခဲ့ပါတယ်။
နဂါးကို ထိမိသူတိုင်း ကံကောင်းတယ်လို့ ယုံကြည်ကြတဲ့ အတွက်လည်း အလုအယက် ထိမိအောင် ကြိုးစားခဲ့ကြပြီး တခြားလူမျိုးတွေကတော့ ကမ္ဘာ့အရှည်ဆုံးနဂါးတွေထဲမှာ ပါဝင်တဲ့ မဲလ်ဘုန်းမြို့က နဂါးကပွဲနဲ့ ခြင်္သေ့ အစရှိတဲ့ ကပွဲတွေကို အားပေးကြည့်ရှုခဲ့ကြပါတယ်။
No comments:
Post a Comment