သျှမ်းပြည် (မြောက်ပိုင်း) နမ္မတူနှင့် မိုးမိတ်မြို့နယ် တစ်ဝိုက်မှ သစ်များကို နမ့်ခမ်းမြို့နယ်မှ တဆင့် ဖြတ်သန်း၍ တရုတ် နယ်စပ်သို့ တရားမ ဝင် သယ်ယူနေရာ အဆိုပါသစ်မှောင်ခိုသမားများထံမှ အာဏာပိုင် များ ၀င်ငွေရနေသော်လည်း ဒေသခံ များ အတွက် အကျိုးမရှိဟု နမ့်ခမ်းမြို့နယ် မုံးဝီးရွာ ဒေသခံများက ဆိုသည် ။
နေ့စဉ် သစ်ကားအစီးရေ ၂၀ ခန့် နမ့်ခမ်းမြို့နယ် မုံးဝီးကျေးရွာလမ်းအတိုင်း ဖြတ်သန်း၍ တရုတ်နယ်စပ် နောင်တောင်းမြို့ သို့ သယ်ယူနေရာ သစ်ကားတစ်စီးလျှင် ကျပ်ငွေ ၁၀ သိန်းခန့် အုပ်ချုပ်ရေးအာဏာ ပိုင်များက ကောက်ခံနေကြောင်း ဒေသ ခံများကဆိုသည်။
အဆိုပါ ၀င်ငွေများကို အာဏာပိုင်အဆင့်ဆင့်က အချိုးကျ ခွဲဝေယူကြပြီး သစ်ကားများ ဖြတ်သန်းသွားလာမှုကြောင့် ပျက်စီးသွားသောလမ်း များကိုမူ ပြုပြင်ပေးခြင်း မရှိကြောင်း မုံးဝီးရွာခံတစ်ဦးက သျှမ်းသံ တော်ဆင့်သို့ ပြောသည် ။
“သစ်တွေက မုံးဝီးကိုဖြတ်ပြီး နမ့်ခမ်းဘက်ကို တက်သွားတာ။ မုံးဝီးမှာဆိုရင် သစ်ကားတစ်စီးကို ၁၀ သိန်းကောက်တယ်။ တစ်ရက်ကိုအနည်း ဆုံး အစီး ၂၀ လောက်ဖြတ် တယ်။ အုပ်ချုပ်ရေးအာဏာပိုင်တွေက သူတို့ကိုယ်ပိုင်ငွေဖြစ်သွား တာပေါ့နော်။ သစ်ကားဖြတ်လို့ ပျက်သွားတဲ့ လမ်း တွေကျတော့ မပြင်ပေးဘူး။ ဒေသခံတွေအတွက်ကတော့ ဘာမှ အကျိုး မရှိဘူး ” ဟု သူက ဆိုသည် ။
၎င်းသစ်မှောင်ခိုကားများထံမှ ငွေတောင်းယူနေသည် ဆိုသည့် အပေါ် နမ့်ခမ်းမြို့နယ် အုပ်ချုပ်ရေးအာဏာပိုင်နှင့် နီးစပ်သူ တစ်ဦးက ယခုလို တုန့်ပြန် ပြောဆိုသည် ။
“သစ်ကားတွေဖြတ်နေတာတွေတော့ ရှိပါတယ်။ ဒါပေမဲ့ အုပ်ချုပ်ရေးအာဏာပိုင်တွေ ငွေတောင်းတယ်တာ မရှိဘူး။ လမ်းတွေပျက်လို့ မပြင် ဘူးဆိုတာလည်း ဒီလမ်းတွေ က နိုင်ငံတော်က ဖေါက်ထားတဲ့လမ်းတွေမဟုတ်ဘူးလေ။ သစ်မှောင်ခို သမားတွေ သူ့ဟာသူ ဖေါက်ထားတဲ့ လမ်း တွေပဲ ။ ဒေသခံတွေကမှ ပိုတောင်အကျိုးရှိသေးတယ်။ လမ်းမှာဈေး ရောင်းကြ တယ်ဗျာ။ သစ်ကယ်ရီသယ်ကြတယ်ဗျာ ။ အဲလိုတော့ရှိပါတယ်” ဟု အဆိုပါ နီးစပ်သူက ဆိုသည် ။
နှစ်စဉ် ပွင့်လင်းရာသီရောက်တိုင်း ကချင်ပြည်နယ် ၊ စစ်ကိုင်းတိုင်း ၊ မန္တလေးတိုင်းနှင့် သျှမ်းပြည် (မြောက်ပိုင်း) အတွင်းမှ သစ်မာများတရုတ် နယ်စပ်ဘက် တရားမဝင်သယ်ယူလေ့ရှိကြောင်း သိရသည် ။
No comments:
Post a Comment