တပ်သားလေးဦး ဖမ်းဆီးခံရမှု နေပြည်တော်သို့ တိုင်မည်ဟု ဗိုလ်မှူးကြီး တိုက်ဂါး ဆို

နန်းလွင်နှင်းပွင့် | ကြာသပတေးနေ့၊ ဇူလိုင်လ ၁၁ ရက် ၂၀၁၃

ကရင်အမျိုးသားအစည်းအရုံး/ ကရင်အမျိုးသား လွတ်မြောက်ရေးတပ် ငြိမ်းချမ်းရေးကောင်စီ (KNU/ KNLA PC)မှ တပ်သားလေးဦးကို ကျိုက်ထိုရဲစခန်းမှ ဖမ်းဆီးခဲ့ခြင်းအတွက် နေပြည်တော်မှ တာဝန်ရှိသူများ ကို တိုင်ကြားမည်ဟု KNU/KNLA PC မှ အထူးစစ်ဗျူဟာမှူး ဗိုလ်မှူးကြီးတိုက်ဂါးက မဇိ်္ဈမသို့ ပြောသည်။

တပ်သားလေးဦး ဖမ်းဆီးခံရခြင်းမှာ ဇွန်လအတွင်းက ကရင်ပြည်နယ် ကလိုထူးဘော စစ်ဌာနချုပ်တွင် ကျင်းပသည့် “တိုင်းရင်းသားပေါင်းစုံ သဘောထားအမြင်များ နှီးနှောဖလှယ်ပွဲ”သို့ လာရောက်သော ၈၈ မျိုးဆက်ကျောင်းသားများကို ရန်ကုန်သို့ လိုက်ပို့ရာမှအပြန် ဇွန် ၂၀ ရက်တွင် ကျိုက်ထိုရဲစခန်းမှ ဖမ်းဆီး ခဲ့ခြင်းဖြစ်သည်။ ဖမ်းဆီးရာတွင် လိုင်စင်မဲ့ without ကား မောင်းနှင်မှုကြောင့် ဖြစ်သည်။

ဗိုလ်မှူးကြီးတိုက်ဂါးက “တပ်သားတွေကို ဖမ်းတော့ စီးလာတဲ့ကားတွေကwithoutတွေဆိုပြီး ဖမ်းတယ်။ အရင်က ဒီလိုတစ်ခါမှ မဖြစ်ခဲ့ဖူးဘူး။ ကျွန်တော်တို့ အဖွဲ့တွေတင် မဟုတ်ပါဘူး။ အခြားအဖွဲ့တွေအကုန် လုံးလည်း without ကားတွေ စီးနေတာပဲ”ဟု ဆိုသည်။

အဆိုပါ တပ်သားလေးဦးကို ဖမ်းဆီးထားသည်မှာ တစ်လနီးပါး ရှိပြီဖြစ်ပြီး ထောင်ဒဏ် တစ်လစီနှင့် ငွေဒဏ်နှစ်သိန်းစီ ပြစ်ဒဏ်ချမှတ်မည်ဟု ကျိုက်ထိုရဲစခန်းဘက်မှ အကြောင်းကြားထားကြောင်းKNU/KNLA PC မှ ဗိုလ်ကြီးဇာနည်က ဆိုသည်။ ကားကို ဖမ်းဆီးသည်မှာ ပြဿနာမရှိသော်လည်း လူကိုပါ ဖမ်းဆီးသည့်အတွက်နေပြည်တော်သို့ တိုင်ကြားမည်ဖြစ်သည်ဟု ဗိုလ်မှူးကြီးတိုက်ဂါးက ဆိုသည်။

ကရင်ပြည်နယ်အတွင်း ဒေသများတွင် တိုင်းရင်းသား လက်နက်ကိုင်အဖွဲ့အစည်းများမှ ကားများ ဖြတ်သန်းသွားလာမည်ဖြစ်ပါက အစိုးရ နယ်ခြားစောင့်တပ်များအား ကြိုတင် အကြောင်းကြားထားရမည်ဟူ၍ စည်းကမ်းထုတ်ပြန်ထားပြီး ယခု ဖမ်းဆီးခံခဲ့ရသည့် ကားများသည် ဖြတ်သန်းမည်ကို ကြိုတင်အကြောင်း ကြားထားပြီး ဖြစ်သည်ဟုလည်း ဗိုလ်မှူးကြီးတိုက်ဂါးက ဆိုသည်။

တပ်သားများအား ထုတ်ပေးရန်နှင့် အမှုကိစ္စများ ဖြေရှင်းရန် လုပ်ဆောင်ရာတွင် စည်းကမ်းချက်များအရ သွားလာရန် အခက်အခဲဖြစ်နေသည်ဟုလည်း သိရပြီး ဗိုလ်ကြီးဇာနည်က “ဒီနယ်ထဲမှာ သူတို့ဘက်ကို လာမယ်ဆိုရင် ယူနီဖောင်းတွေ လက်နက်တွေ သယ်လာလို့ မရဘူးလေ။ အခုက အမှုကိစ္စ ဖြစ်တာဆိုတော့ ရာထူးရှိတဲ့သူက လိုက်ဖြေရှင်းပေးရမှာလေ။ အခုက ယူနီဖောင်းနဲ့လည်း လာလို့မရဘူးဆိုတော့ ကျွန်တော်တို့ဘက်က ကိုယ်စားလှယ်တစ်ယောက်ကို စခန်းကို လွှတ်ဖို့တော့ စီစဉ်ထားတယ်” ဟု ဆိုသည်။

ထိုကိစ္စနှင့် ပတ်သက်၍ ကျိုက်ထိုရဲစခန်းသို့ မဇ္ဈိမက ကြိုးစားဆက်သွယ် မေးမြန်းသော်လည်း ပြန်လည် ဖြေကြားပေးမှု မရခဲ့ပေ။