ABC
အိန္ဒိယနိုင်ငံ ဗီဟားပြည်နယ်ရှိ ဗုဒ္ဓဂါယာမြို့ ဘုရားဝိုင်း ဗုံးပေါက်ကွဲမှုနဲ့ ပတ်သက်ပြီး လူတစ်ယောက်ကို ဖမ်းဆီးထိန်းသိမ်းလိုက်ပြီး လုံခြုံရေးအတွက် ထားရှိတဲ့ CCTV ဗီဒီယိုတွေကိုလည်း ပြန်လည်ကြည့်ရှု စစ်ဆေးနေပြီလို့ သိရပါတယ်။
လုံခြုံရေး CCTV ဗီဒီယိုတွေအရ လူနှစ်ယောက်က ဗုံးတွေ လိုက် ထောင် နေ တာမျိုး တွေ့ရတယ် လို့လည်း သိရပါတယ်။
ဗုဒ္ဓဂါယာရှိ ကမ္ဘာ့ရှေးဟောင် အမွေအနှစ်တစ်ခုဖြစ်တဲ့ မဟာဗောဓိဘုရားမှာ ဖြစ်ပွားခဲ့တဲ့ ဗုံးပေါက်ကွဲမှုကြောင့် ဗုဒ္ဓဘုန်းတော်ကြီး နှစ်ပါး ဒဏ်ရာရခဲ့ပါတယ်။
အစောပိုင်းတုန်းကတော့ ဗုံး ၉ လုံးပေါက်ကွဲတယ်လို့ အိန္ဒိယရဲတွေက ပြောခဲ့ပေမယ့် မနေ့တုန်းကတော့ အသေးစား ဗုံး ၁၀ လုံးပေါက်ကွဲပြီး မပေါက်ကွဲသေးတဲ့ ဗုံး သုံးလုံးကိုလည်း တွေ့ရှိခဲ့တယ်လို့ ပြောပါတယ်။
CCTV ထဲမှာ မြင်ရတဲ့ လူနှစ်ယောက်ဟာ ဘယ်သူဘယ်ဝါဖြစ်တယ်ဆိုတာကို ရဲတွေက အသဲအသန်စုံစမ်းမှုတွေလုပ်နေတယ်လို့လည်း အိန္ဒိနိုင်ငံ အစိုးရက ပြောပါတယ်။
ဒီဗုံးပေါက်မှုနဲ့ ပတ်သက်ပြီး ဒေသခံတစ်ဦးဖြစ်သူ Vinod Mistri ကို ရဲတွေက ထိန်းသိမ်းလိုက်ပြီး စစ်ဆေးမေးမြန်းမှုတွေ လုပ်နေတယ်လို့ အေအက်ဖ်ပီ သတင်းအရ သိရပါတယ်။
အိန္ဒိယနိုင်ငံမှာ ဗုဒ္ဓဘာသာဝင်တွေ တိုက်ခိုက်ခံရလေ့ မရှိပေမယ့် မကြာသေးခင်ကပဲ မြန်မာနိုင်ငံနဲ့ သီရိလင်္ကာနိုင်ငံမှာ မွတ်စလင်တွေ ဖိနှိပ်ခံရမှုတွေ ဖြစ်ပေါ်ပြီးနောက် တင်းမာမှုတွေ ရှိနေသလို၊ ဘင်္ဂလားဒေ့ရ်ှနိုင်ငံမှာ ဗုဒ္ဓဘာသာဝင်တွေ နှိမ်နင်းခံရမှုတွေ ဖြစ်ပေါ်ပြီးနောက် အာရှဒေသတွင်းမှာ တင်းမာမှုတွေ ရှိနေပါတယ်။
ဒီလိုအခြေအနေတွေကြောင့် မြန်မာနိုင်ငံက ရွှေတိဂုံဘုရားမှာ လုံခြုံရေး ပိုချထားလိုက်သလို သီရိလင်္ကာနိုင်ငံမှာလည်း ဗုဒ္ဓဘာသာဝင်တွေ အထွတ်အမြတ်ထားရာ မဟာဗောဓိ ညောင်ပင်တည်ရှိပြီး နာမည်ကြီးတဲ့ ဘုရားရင်ပြင်တစ်ခုလုံးမှာလည်း လုံခြုံရေးတွေ တိုးချဲ့ ချထားပြီလို့ သိရပါတယ်။
အိန္ဒိယနိုင်ငံ ဗုဒ္ဓဂါယာရှိ မဟာဗောဓိ ဘုရားဝိုင်းအတွင်းမှာ ပေရှစ်ဆယ် မြင့်တဲ့ ဗုဒ္ဓဆင်းတုတော်နဲ့ ဂေါတမမြတ်စွာဘုရား တရားကျင့်ရင်း တရားတော်ပေါက်ခဲ့တဲ့ နေရာလို့ ယုံကြည်ကြတဲ့ ဗောဓိညောင်ပင်ကြီးလည်း ရှိတဲ့အပြင် ဘုရားဝိုင်းအတွင်းမှာ ကမ္ဘာအရပ်ရပ်က ဗုဒ္ဓဘုန်းတော်ကြီးတွေ နေထိုင်သတင်းသုံးနိုင်အောင် ထားပေးတဲ့ အဆောင်တွေ အတော်များများလည်း ရှိကြောင်း သိရပါတယ်။
ဗုဒ္ဓဂါယာမြို့ မဟာဗောဓိ ဘုရားမှာ ဖြစ်ခဲ့တဲ့ တိုက်ခိုက်မှုမျိုး ထပ်မဖြစ်အောင် နိုင်ငံတချို့က ဗုဒ္ဓသံဃာတော်တွေ ဆန္ဒပြ ဝတ်ပြု ဆုတောင်းမှုတွေ ပြုလုပ်ခဲ့ကြတယ်လို့လည်း သိရပါတယ်။
No comments:
Post a Comment