ABC
ငါး၊ ပုဇွန်တွေ ရှားပါးနေတဲ့အတွက် ပြည်တွင်း ပြည်ပဈေးကွက်မှာ ရေထွက်ပစ္စည်းတွေ ဈေးနှုန်းမြင့်တက်နေတယ်လို့ သိရပါတယ်။
မိုးရာသီအတွင်း ငါးဖမ်းစက်လှေတွေ အ ထွက် နည်း နေတာကြောင့် ဈေးကွက်အတွင်းမှာ ငါး၊ ပုဇွန်တွေ ရှားပါးတဲ့အတွက် ရေထွက် ပ စ္စည်း တွေ ဈေးနှုန်း မြင့်တက် နေတာ ဖြစ်ပါတယ်။
တစ်ဆက်တည်းမှာပဲ မြန်မာနိုင်ငံမှာ ငါးမွေးမြူရေး ကန်ပေါင်း ၄သိန်းခွဲ ကျော်ရှိပေမယ့် ငါးမွေးမြူရေးလုပ်ငန်းတွေ ၂ နှစ်ဆက်တိုက် အရှုံးပေါ်နေရတဲ့အတွက် ငါးမွေးမြူမှုတွေ လျော့ကျနေတာကလည်း ရေထွက်ပစ္စည်းတွေ ရှားပါးနေရခြင်းရဲ့ အကြောင်းတစ်ရပ် ဖြစ်တယ်လို့ မြန်မာနိုင်ငံ ငါးလုပ်ငန်း ဦးစီးဌာန အထွေတွေ အတွင်းရေးမှုး ဦးဝင်းကြိုင် က ပြောပါတယ်။
“ဆုံးရှုံးမှုတွေနဲ့ ရင်ဆိုင်ရတဲ့ အခါကျတော့ အရင်းအနှီးလည်းမရှိဘူး။ လုပ်ငန်းကလည်းမသေချာတဲ့ အခါကျတော့ တဖြည်းဖြည်းနဲ့ လုပ်ငန်းကထုတ်လုပ်မှုကျလာတယ်။ မွေးမြူတာတွေလျော့လာတဲ့ သဘောရှိတယ်။ ရှုံးတော့ မမွေးကြဘူး၊ မမွေးတာကြာတော့ ကုန်ပစ္စည်းကရှားသွားတယ်။ ရှားတော့ ရှိတဲ့ပစ္စည်းကဈေးကောင်းလာတဲ့ သဘောရှိတယ်။”
ဒီလိုရေထွက်ပစ္စည်းတွေ အထွက်နည်းပြီး ဈေးနှုန်းမြင့်တက်နေပေမယ့် ပြည်ပဈေးကွက် ကနေရေထွက်ပစ္စည်း မှာယူမှု မြင့်တက်နေကြောင်း ၊ ဈေးကွက်လိုအပ်ချက်အရ ပြည်ပပို့ကုန် ဈေးကွက်မှာ ရေငန်ငါးတွေ မှာယူသူများပြားပြီး၊ ပြည်တွင်းဈေးကွက်မှာရေချိုငါးတွေ စားသုံးသူများပြားတယ်လို့လည်း သိရပါတယ်။
လက်ရှိပြည်တွင်းပြည်ပ ဈေးကွက်မှာ အဆင့်သတ်မှတ်ချက် S2 အရွယ်အစားငါးတွေရဲ့ ဈေးနှုန်းက ၂၉၀၀ ရှိပြီး၊ S3 အရွယ်အစား ငါးတွေကတော့ ၃၂၀၀ အထိ ဈေးရရှိနေပြီး ၊ ဒီဈေးနှုန်းတွေဟာ မနှစ်က ငါးဈေးတွေနဲ့ ယှဉ်ကြည့်လျှင် တစ်ပိသာကို ၁၂၀၀ ကျပ်ခန့် ပိုဈေးတက်သွားတယ်လို့လည်း သိရပါတယ်။
မြန်မာနိုင်ငံကနေနှစ်စဉ် ရေထွက်ပစ္စည်း မက်ထရစ်တန် ၃သိန်း၇သောင်းကျော် ကိုနိုင်ငံခြားကို တင်ပို့ပေးလျက်ရှိပေမယ့် အိမ်နီးချင်းနိုင်ငံတွေရဲ့ ပြည်ပကိုတင်ပို့မှုနဲ့ နှိုင်းယှဉ်ကြည့်ရင် ၁၀% လျော့ နည်းနေသေးကြောင်း နိုင်ငံခြားကို ပိုမိုတင်ပို့နိုင်ဖို့ အရင်းအနှီး၊ နည်းပညာနဲ့ ဈေးကွက် ကောင်းကောင်းကိုရှာဖွေဖို့ အခက်အခဲတွေ ရှိနေကြောင်း ဦးဝင်းကြိုင်က ပြောပါတယ်။
ရေထွက်ပစ္စည်းတင်ပို့မှုကနေနိုင်ငံတော် ၀င်ငွေအဖြစ် ၂၀၁၂-၂၀၁၃ ဘဏ္ဍာရေးနှစ်အတွက် အမေရိကန်ဒေါ်လာသန်း၆၅၀ ကျော် ရရှိခဲပြီးအခုလာမယ့် ၂၀၁၃-၂၀၁၄ ဘဏ္ဍာရေးနှစ်အတွက် အမေရိကန်ဒေါ်လာသန်း ၇၀၀ ကျော် ရရှိဖို့ မျှော်မှန်းထားတယ်လို့ ဦးဝင်းကြိုင်က ပြောဆိုထားတဲ့ အကြောင်းကိုရေဒီယို သြစတြေးလျ သတင်းထောက် ဆုဝေ က သတင်းပေးပို့ထားပါတယ်။
No comments:
Post a Comment