မြန်မာအဂတိလိုက်စားမှု တိုးတက်ပေမယ့် လိုက်စားမှုများတဲ့ နိုင်ငံထဲပါဆဲ

ABC

မြန်မာနိုင်ငံရဲ့ ​အဂတိလိုက်စားမှုအဆင့်မှာ ​တိုးတက်မှုရှိလာပေမယ့် ​အဂတိလိုက်စားမှု ​အများဆုံး ​ပြုလုပ်တဲ့ ​နိုင်ငံတွေထဲမှာ ​ပါဝင်နေဆဲဖြစ်ပါတယ်။

ဂျာမနီနိုင်ငံ ​အခြေစိုက် ​အစိုးရမဟုတ်တဲ့ ​အဖွဲ့အစည်းတစ်ခုကနေ ​ထုတ်ပြန်ထားတဲ့ ​အဂတိလိုက်စားမှုအဆင့် ​အရ ​မြန်မာနိုင်ငံဟာ ​ပြီးခဲ့တဲ့ ​နှစ်တုန်းက ​အောက်ဆုံးနား ​အဆင့် ​ဖြစ်တဲ့ ​၁၇၂ ​အဆင့် ​ရောက်ရှိခဲ့ရာကနေ ​ဒီနှစ်မှာ ​၁၅၇ ​အဆင့် ​ရောက်ရှိလာတာ ​ဖြစ်ပါတယ်။

နိုင်ငံပေါင်း ​၁၇၇ ​နိုင်ငံရဲ့ ​အဂတိလိုက်စားမှု ​အဆင့်ကို ​သတ်မှတ်တာဖြစ်ပြီး ​မြောက်ကိုးရီးယားနိုင်ငံက ​သုံးနှစ်ဆက်တိုက် ​အောက်ဆုံးအဆင့်မှာ ​ရောက်နေတာ ​ဖြစ်ပါတယ်။

မြောက်ကိုးရီးယားနိုင်ငံလိုပဲ ​အောက်ဆုံးအဆင့်မှာ ​ရောက်နေတဲ့ ​နိုင်ငံတွေထဲမှာ ​အာဖဂန်နစ္စတန်နဲ့ ​ဆိုမားလီးယားနိုင်ငံတို့ ​ဖြစ်ကြပါတယ်။

အာဂတိလိုက်စားမှု ​အနည်းဆုံးနိုင်ငံတွေထဲမှာ ​သြစတြေးလျနိုင်ငံက ​ကနေဒါနိုင်ငံနဲ့ ​အဆင့်တူပြီး ​ထိပ်တန်း ​၁၀ ​နိုင်ငံထဲ ​ပါဝင်ပြီးတော့ ​နယူးဇီလန်နိုင်ငံနဲ့ ​ဒိန်းမတ်နိုင်ငံတို့က ​ဒီနှစ်အတွက် ​ကမ္ဘာ့အဂတိလိုက်စားမှု ​အနည်းဆုံးနိုင်ငံတွေရဲ့ ​ထိပ်ဆုံးနေရာ ​ရရှိသွားပါတယ်။

ဂျပန်နဲ့ ​အမေရိကန်နိုင်ငံတို့က ​အဆင့် ​၁၈၊ ​၁၉ ​နေရာလိုက်နေပြီး ​တရုတ်နဲ့ ​ရုရှားနိုင်ငံတို့ကတော့ ​အဆင့် ​၈၀ ​နဲ့ ​၁၂၇ ​အဆင့်မှာ ​အသီးသီးရှိကြပါတယ်။

အဂတိလိုက်စားမှု ​အဆင့်တွေကို ​Transparency ​International ​အဖွဲ့က ​ထုတ်ပြန်တာဖြစ်ပြီး ​နိုင်ငံပေါင်း ​၁၇၇ ​နိုင်ငံက ​တရားရေးရာတွေ၊ ​နိုင်ငံရေးပါတီတွေရဲ့ ​လုပ်ရပ်တွေအပြင် ​အစိုးရဝန်ထမ်းတွေနဲ့ ​ရဲတွေရဲ့ ​ပြုမူမှုတွေအပေါ် ​မူတည်ပြီး ​အဆင့်သတ်မှတ်တာဖြစ်ပါတယ်။

အဂတိလိုက်စားမှုတွေကြောင့် ​မူးယစ်ဆေးဝါးတိုက်ဖျက်ရေးတွေ၊ ​ကမ္ဘာ့ရာသီဥတုပြောင်းလဲမှုတွေ၊ ​ဆင်းရဲမွဲတေမှု ​လျော့ချရေးတွေမှာ ​နှောင့်နှေးကြန့်ကြာမှုတွေ ​ဖြစ်စေတယ်လို့လည်း ​အဲဒီအဖွဲ့က ​ပြောပါတယ်။