ဝှိုက်ကတ်ဖြင့် မဲပေးခွင့်ပြုခြင်းကို ဆန္ဒမပြကြရန် အစိုးရ တားမြစ်ထား

မင်းမင်း

ကျောင်းသား သပိတ်စစ် ကြောင်းများ ရှိနေခြင်း၊ တက္ကသိုလ်ဝင် စာမေးပွဲဖြေဆိုရန် အချိန်နီး ကပ်နေခြင်း တို့ကြောင့် ယာယီ သက်သေခံ လက်မှတ်(White Card)ကိုင်ဆောင်သူများအား မဲပေးခွင့်ပြုမှုအပေါ် ဆန္ဒထုတ်ဖော်မှုမပြုကြရန် အစိုးရက တားမြစ်ခဲ့သည် ဟုကန့်ကွက်ဆန္ဒပြ မည့်ဦးဆောင် သူများ ကပြောသည်။

ဆန္ဒမပြကြရန် အစိုးရဘက်မှ သာသနာရေး ဝန်ကြီး ဦးစိုးဝင်း၊ နိုင်ငံတော် သမ္မတရုံး ဒု- ဝန်ကြီး ဦးကျော်ကျော်ဝင်း၊ အမျိုးသား မှတ်ပုံ တင်ရေး ဦးစီး ဌာနညွှန် ကြားရေး မှူးချုပ် ဦးမောင်မောင်သန်းတို့ ဦးဆောင် ပြီးဖေဖော်ဝါရီ ၅ ရက်က ရန်ကုန်မြို့ အင်းစိန်ရွာ မကျောင်း တိုက်တွင် ဆန္ဒ ထုတ်ဖော် မည့်သံဃာများနှင့် လူပုဂ္ဂိုလ် တို့ထံ လာရောက်ပြောဆို ခဲ့ခြင်းဖြစ်သည်။

၂ဝဝ၈ ဖွဲ့စည်းပုံ အခြေခံဥပဒေကိုပြင် ဆင်သည့် ဥပဒေကြမ်း အတည်ပြုရေး ပြည်လုံးကျွတ် ဆန္ဒခံယူပွဲ ဥပဒေကြမ်းတွင် White Card ကိုင်ဆောင် သူများကို မဲပေးခွင့်ပြုရန် သမ္မတ၏ သဘောထားအတိုင်း ပြည်ထောင်စု လွှတ်တော်က အတည်ပြုမှု ကို ကန့်ကွက် ဆန္ဒပြရန် သံဃာများနှင့် လူပုဂ္ဂိုလ် အချို့ ဦးဆောင် ဖွဲ့စည်းထားသည့် ယာယီသက်သေ ခံလက်မှတ် မဲပေးခွင့်ပယ် ဖျက်ရေးကော်မတီ(WCC) ကစီစဉ် ထားခြင်းဖြစ်သည်။

ဦးဆောင် ဆန္ဒပြမည့် မကွေးကျောင်း တိုက်ဆရာတော် ဦးပါမောက္ခက''သူတို့ (အစိုးရ) ဘက်ကတော့ ဆန္ဒမပြ ဖို့ပြောတယ်။ သာသနာရေး ဝန်ကြီး ကလည်း ၂ဝဝ၈ ဖွဲ့စည်း ပုံအခြေခံ ဥပဒေမှာလည်း White Card ကိုင်ထားတဲ့ သူတွေကို မဲပေး ခွင့်ရှိတဲ့ သဘော မျိုးထောက်ပြ သွားတာ ရှိတယ်''ဟု မိန့်သည်။

ထို့နောက် ဆန္ဒမပြရန် လာရောက်တား မြစ်သည့် အစိုးရအဖွဲ့နှင့် ဦးဆောင်ဆန္ဒပြ မည့်သံဃာတော် များနှင့်အချေအ တင်ဆွေးနွေးခဲ့ကြ ပြီးဖေဖော်ဝါရီလ ၁ဝ ရက်ထိ White Card ကိုင်ဆောင် သူများအား မဲပေး ခွင့်ပြုမှုကို ပယ်ဖျက်ခြင်း မရှိပါက ရန်ကုန်တိုင်း အစိုးရ ရုံးရှေ့တွင် တစ်ပတ် ကြာ ဆန္ဒပြ သွားမည်ဟု သံဃာတော် များကဆုံးဖြတ် ခဲ့သည်။

အစိုးရဘက် ကလည်း သမ္မတ ထံပြန်လည် တင်ပြပြီး ၁ဝရက်နေ့တွင် တစ်စုံတစ်ရာ အကြောင်းပြန်သွား မည်ဟု ကတိပြု ခဲ့ကြောင်းဦးဆောင် ဆန္ဒထုတ်ဖော် မည့် ဆရာတော် တစ်ပါးဖြစ်သောမောင်းတီး ဆရာတော် ကမိန့်သည်။

မောင်းတီး ဆရာတော်က''ခင်ဗျားတို့ ဘက်က တိကျသေချာတဲ့ အဖြေမျိုးပေးမယ် ဆိုရင် ကျုပ်တို့ဘက်က ဆက်ပြီးတော့ ဆန္ဒမပြဘူး ဆိုပြီးတော့ ၁ဝရက်နေ့ အထိစောင့် ဆိုင်းပါမယ် လို့ရွှေ့ဆိုင်း လိုက်ပါတယ်။ ၁ဝ ရက်နေ့မှာ သူတို့ဘက်က ဝှိုက်ကတ်နဲ့ ပတ်သက်လို့ တိကျသေချာရေရာတဲ့ အဖြေမျိုး မပေးနိုင်ခဲ့ဘူး ဆိုရင်တော့ ဦးပဉ္ဇင်းတို့ WCC ကော်မတီ အနေနဲ့ ရှေ့ဆက်ပြီးတော့ သွားကြမှာပဲ''ဟု မိန့်ကြားသည်။

WCC ကော်မတီသည် White Card ကိုင်ဆောင် သူများအား မဲပေးခွင့်ပြုမှုကို ကန့်ကွက်သည့် သဘောထားကြေညာချက် တစ်စောင်ကို လည်းဖေဖော်ဝါရီ ၆ ရက်က ထုတ်ပြန် ခဲ့သေးသည်။

အဆိုပါ ထုတ်ပြန် ချက်တွင် White Card ကိုင်ဆောင် သူများကို ၂ဝဝ၈ ဖွဲ့စည်းပုံ အခြေခံ ဥပဒေပြင် ဆင်ရေး ကိစ္စတွင် သာမ ကနောင် လာ မည့်မည် သည့်ရွေးကောက်ပွဲတွင်မဆို ဆန္ဒမဲပေးခွင့်မပြုရန်ဆောင်ရွက် သွားမည်ဟုဆိုကာ ပယ်ဖျက်ပေးခြင်းမရှိ ပါကနိုင်ငံတဝန်း ကန့်ကွက်လှုပ်ရှား မှုများလုပ်ဆောင် သွားမည် ဟုဆိုသည်။

WCC ၏ ဦးစီးကော် မတီဝင် ဦးချစ်ကိုကို ကလည်း''သမ္မတကြီးက ဖွဲ့စည်းပုံ အခြေခံ ဥပဒေ မှာပါတဲ့ အတိုင်း ဝှိုက်ကတ်ကိုင်ဆောင် တဲ့သူတွေကို မဲပေးခွင့်ပြု တယ်ဆိုလို့ရှိရင် ကျွန်တော်တို့ကလည်းဖွဲ့စည်းပုံ အခြေခံဥပဒေမှာပါတဲ့အတိုင်း ဆန္ဒဖော် ထုတ်ခွင့်ရှိပါတယ်။ ကျွန်တော်တို့ဥပဒေ အတိုင်းလုပ်တာပါ'' ဟုပြော သည်။