သျှမ်းပြည် (မြောက်ပိုင်း) မူစယ် ခရိုင် ကွတ်ခိုင်မြို့နယ် မုံးရ ကျေးရွာ အုပ်စု ခေးရာပါ အနီးတွင် အစိုးရစစ် တပ်နှင့် ဖေါင်းဆိုင် ပြည်သူ့ စစ်ပူးပေါင်း စစ်ကြောင်း အား ကချင် လွတ်လပ်ရေး တပ်မတော် KIA မှ ယခုလ ၁၈ ရက် နံနက် ၉ နာရီ ခွဲခန့်တွင် ခြုံခို တိုက်ခိုက် ခဲ့ရာ အစိုးရ စစ်သည် ၇ ဦး ကျ၍ ၄ ဦး ဒဏ်ရာ ရရှိကြောင်း သိရသည် ။အစိုးရ ပူးပေါင်း စစ်ကြောင်း မုံးရရွာမှ မုံးကိုး မြို့နယ် ခွဲသို့ ချီတက် လာစဉ် လမ်း၌ ခြုံခို တိုက်ခိုက် ခဲ့ခြင်း ဖြစ်ပြီး KIA ဘက်မှ ထိခိုက် ကျဆုံးမှု မရှိကြောင်း KIA နှင့် နီးစပ်သည့် သတင်း ရပ်ကွက်မှ သျှမ်းသံတော်ဆင့် သို့ ပြောသည် ။
“ဖြစ်တဲ့ နေရာက ခေးရာပါ ၊ လွတ်ကေ လို့လည်း ခေါ်တယ်။ ချောင်းပြီးမှ ချတာဆိုတော့ KIA ဘက်က ထိခိုက် ကျဆုံးတာ မရှိပါဘူး။ ဗမာ စစ်တပ်က ၇ ယောက် သေတယ်။ ဒဏ်ရာ ရတဲ့ ၄ ယောက်ကို မုံးကိုး ကိုခေါ်သွား တယ် ” ဟု သူက ဆိုသည်။
အဆိုပါ ဒေသသည် KIA တပ်မဟာ (၄) တပ်ဖွဲ့များ အခြေစိုက် လှုပ်ရှားရာနေရာဖြစ်ပြီး ယခုအခါ အစိုးရစစ် ကြောင်း များ အင်အားတိုးချဲ့ထားကြောင်း သိရသည်။
ထို့အပြင် ယခုလ ၁၄ ရက်နေ့ကလည်း ကချင်ပြည်နယ် ဝိုင်းမော်မြို့နယ် နမ်ဆန်ယန်ကျေးရွာအနီး၌ မပခ လက် အောက်ခံ ခလရ ၂၉ ၊ ၃၇ ၊ ခမရ ၄၃၈ ပူးပေါင်းစစ်ကြောင်းနှင့် KIAတပ်ဖွဲ့တို့ တိုက်ပွဲဖြစ် ပွားခဲ့ရာ ဒုရင်းမှူး အပါ အဝင် အစိုးရတပ်မှ ၆ ဦးခန့် ကျဆုံးပြီး ၃၀ ကျော် ဒဏ်ရာရရှိခဲ့ကြောင်း KIA အသိုင်းအဝိုင်းက ဆိုသည်။
၎င်းတိုက်ပွဲ၌ အစိုးရစစ်တပ်သုံး MG42 စက်လတ် ၊ မော်တာ ၊ လက်နက်ငယ်များ ၊ ကျောပိုးအိပ် ၆ လုံးနှင့် ကျည်ဆံ ၁၀၀၀ ကျော်အား KIA ဘက်မှ သိမ်းဆည်းရမိကြောင်း သိရသည်။
No comments:
Post a Comment