တပြည်လုံးအပစ်ရပ်ရေးအတွက် နိုင်ငံရေးဆွေးနွေးမှုဖြစ်ပေါ်ရန် UNFC လုပ်ဆောင်လို

နှောင်းလှိုင်

အပစ် ခတ်ရပ် စဲရေး အတွက် တဖွဲ့ချင်း ခွဲ၍ တွေ့ဆုံခြင်း သည် တပြည်လုံး အတိုင်းအတာ ဆောင်သည့် အပစ်ခတ် ရပ်စဲရေးကို မဦးတည် နိုင်သကဲ့သို့ ယင်းလုပ်ရပ်သည် စုစည်း နေသော တိုင်းရင်းသား လက်နက်ကိုင် တဖွဲ့ချင်း စီတို့ကို ခွဲလိုသည့် ပရိယာယ်ဖြစ် သည်ဟု တိုင်းရင်းသား လက်နက် ကိုင်များ ပေါင်းစည်း ထားသည့် အဖွဲ့က ထုတ်ဖေါ် ပြောကြားသည်။

အစိုးရနှင့် တိုင်းရင်းသား တို့အကြား စစ်မှန်ပြီး ခိုင်မာ စိတ်ချ ရသည့် နိုင်ငံရေး တွေ့ဆုံ ဆွေးနွေး မှုများ ဖြစ်ပေါ် လာရေး အတွက် လက်နက်ကိုင် တိုင်းရင်းသား အဖွဲ့ အစည်း များဖြင့် ဖွဲ့စည်း ထားသည့် ညီညွတ်သော တိုင်းရင်းသား လူမျိုးများ ဖက်ဒရယ် ကောင်စီ UNFC အဖွဲ့ဝင်များ အားလုံး ပြီးခဲ့သည့် နိုဝင်ဘာလ ၂၇၊ ၂၈ ရက်နေ့က ထိုင်း- မြန်မာ နယ်စပ် တနေရာတွင် တွေ့ဆုံ ဆွေးနွေး ပြီးနောက် ယခုလို ထုတ်ဖေါ်ပြောဆိုခြင်း ဖြစ်သည်။

“အစိုးရရဲ့ ဆွေးနွေးမှု အနေအထား ကတော့ စိတ်ချ နိုင်တဲ့ အနေ အထား မရှိသေးဘူး။ ပရိယာယ် သုံးပြီးတော့ ကိုယ့်ကို ခွဲလို့ ရအောင် အဲဒါကြံစည် နေတဲ့ သဘောမျိုး ဖြစ်နေတယ်။ နိုင်ငံရေး အရ တကယ် ဆွေးနွေးဖို့ အခြေ အနေကို ဦးတည်တာ သိပ်မခိုင် မာဘူး ဆိုတဲ့ သဘောမျိုးကိုတော့ တွေ့ရတယ်” ဟု UNFC မှ ပြောရေးဆိုခွင့်ရှိသူ နိုင်ဟံသာက ကန္တာရ၀တီတိုင်း(မ်)ကို ပြောပါသည်။

အစိုးရအနေဖြင့် တိုင်းရင်းသားလက်နက်ကိုင်များအား တဖွဲ့ချင်းဆီခွဲပြီး တွေ့ဆုံသွားမည်ဆိုပါက လက်နက်ကိုင်အဖွဲ့ဝင်များအနေဖြင့် UNFC မှချမှတ်ထားသည့် တပြည်လုံးအတိုင်းအတာဆောင်သည့် ပစ်ခတ်ရပ်စဲရေးဖြစ်ပေါ်လာရန် ဆိုသည့်မူကို ကိုင်စွဲပြီး တွေ့ဆုံဆွေးနွေးသွားမည်ဆိုသည့် သဘောတူညီမှုကို တွေ့ဆုံဆွေးနွေးပွဲတွင် ဆုံးဖြတ်ချက်ချနိုင်ခဲ့သည်ဟုဆိုသည်။

“အစိုးရက UNFC နဲ့ မတွေ့ဘူး။ တဖွဲ့ချင်းကိုပဲ တွေ့မယ်ဆိုရင်တော့ ကျနော်တို့ တဖွဲ့ချင်းပဲတွေ့မယ်။ ဒါပေမယ့် တွေ့ထားတဲ့ အခြေအနေကို တင်ပြတယ်။ နောက်ပြီးတော့မှ အထွေထွေ ရပ်တည်နိုင်ဖို့ အဲဒါကို ညှိနှိုင်းကြတယ်။ အဲဒီပွဲမှာလည်း တွေ့ထားတဲ့ အဖွဲ့တွေ အားလုံးက တပြည်လုံး ပစ်ခတ်ရပ်စဲရေး ဖြစ်ဖို့အတွက်ကို ဆုံးဖြတ်ပေးတဲ့ခါကျတော့ UNFC အနေနဲ့ပဲ ဆုံးဖြတ်ပေးရမယ်” ဟု နိုင်ဟံသာက ပြောသည်။

ပြီးခဲ့သည့် နိုဝင်ဘာလ ၁၈၊ ၁၉ရက်နေ့တွင် မြန်မာအစိုးရမှ ရထားပို့ဆောင်ရေး ၀န်ကြီး ဦးအောင်မင်း ဦးဆောင်သည့် ကိုယ်စားလှယ်အဖွဲ့မှ KNPP အပါအ၀င် တခြားသော UNFC လက်နက်ကိုင် တိုင်းရင်းသားအဖွဲ့များနှင့် တဖွဲ့ချင်းစီကို ထိုင်းနိုင်ငံတွင် တွေ့ဆုံခဲ့သည်။

တပြည်လုံးအတိုင်းအတာဆောင်သည့် အပစ်ခတ်ရပ်စဲရေး ဖြစ်ပေါ်လာနိုင်ရေးအတွက် တိုင်းရင်းသားလက်နက်ကိုင် အဖွဲ့အစည်းများ ပေါင်းစည်းထားသည့် UNFC နှင့် တွေ့ဆုံခြင်းမှာ အလုပ်မဖြစ်နိုင်ကြောင်း နိုင်ငံတော် သမ္မတ ဦးသိန်းစိန်က ပြောပါသည်။

“ဓလေ့ထုံးစံတွေက မတူကြဘူး။ သူတို့ရဲ့ လိုရာဆန္ဒတွေကလည်း မတူကြဘူး။ ဒါကို ထိုင်ဆွေးနွေးရင်တော့ ဟိုတုန်းက ဆွေးနွေးခဲ့တယ်။ ဘယ်လိုမှ ဆွေးနွေးလို့မရဘူး။ တယောက်တပေါက်နဲ့ ဖြစ်တယ်” ဟု ဦးသိန်းစိန်က ပြောသည်။

UNFC ၏ ဆွေးနွေးပွဲမှ ဆုံးဖြတ်ချက်အရ - အဖွဲ့ဝင်များအားလုံး ဆုံးဖြတ်ချက်ချခဲ့သည့်မူအတိုင်း ရပ်တည်သွားမည်ဟု ဆိုသည်။

UNFC မှ ဒုဥက္ကဌနေရာနှင့် တွဲဖက် အတွင်းရေးမှူးနေရာကိုလည်း နှစ်ဦးစီ ပြန်လည် ဖွဲ့စည်းလိုက်ပြီး ယခုလက်ရှိ UNFC ၏ ဒုဥက္ကဌမှာ ကရင်နီအမျိုးသားတိုးတက်ရေးပါတီ KNPP မှ ခွန်းအေဘယ်တွိ နှင့် ကရင်အမျိုးသားအစည်းအရုံး KNU မှ ဒေးဗစ်တာကပေါ်တို့ဖြစ်ပြီး တွဲဖက်အတွင်းရေးမှူးမှာ KNU မှ စောဒေါလေးမူနှင့် ပအိုးဝ်အမျိုးသား လွတ်မြောက်ရေးအဖွဲ့ PLO မှ ဗိုလ်မှူးကြီး ခွန်ဥက္ကာတို့ ဖြစ်သည်။

ယခင်က ဖွဲ့စည်းထားခဲ့သည့် အမာခံအဖွဲ့နှင့် အဆက်စပ်အဖွဲ့များကိုလည်း ဆက်လက်မထားရှိတော့ပဲ အားလုံး တန်းတူ အဖွဲ့ဝင်များအဖြစ် သဘောတူကြသည်။

“ကျနော်တို့ အဆက်အစပ်အဖွဲ့မရှိတော့ဘူး။ အားလုံး အဖွဲ့ကြီး အဖွဲ့ငယ် မပြောတော့ဘူး။ အားလုံး တန်းတူပဲ အဖွဲ့ဝင်ဖြစ်တယ်” ဟု UNFC ၏ ဒုဥက္ကဌ ခွန်းအေဘယ်တွိက ပြောသည်။

UNFC တွင် ကရင်နီအမျိုးသား တိုးတက်ရေးပါတီ KNPP၊ ချင်း အမျိုးသား တပ်ဦး CNF၊ ကချင် လွတ်မြောက်ရေး အဖွဲ့ချုပ်KIO၊ ကရင် အမျိုးသား အစည်းအရုံး KNU၊ မွန်ပြည်သစ် ပါတီ NMSP၊ သျှမ်းပြည် တိုးတက်ရေး ပါတီ/ သျှမ်းပြည် တပ်မတော် SSPP/SSA ၊ ပလောင်ပြည်နယ် လွတ်မြောက်ရေး တပ်ဦး PSLF၊ လားဟူ ဒီမို ကရက်တစ် သမဂ္ဂ LDU၊ ညီညွတ်သော ရခိုင် အမျိုးသား ပါတီ NUPA၊ (၀) အမျိုးသား အဖွဲ့ချုပ် WNO၊ ပအိုးဝ် အမျိုးသား လွတ်မြောက်ရေး အဖွဲ့ PNLO နှင့် ကချင် အမျိုးသား အဖွဲ့ KNO တို့ ပါဝင်ကြသည်။