ရန်ကုန်တိုင်း မင်္ဂလာ တောင်ညွှန့်မြို့ နယ် ကူးတို့ဆိပ် ရပ်ကွက်ဘေး မေတ္တာမွန် ၀င်းအတွင်းရှိ ပစ္စည်း ဂိုဒေါင်ရုံ တချို့တွင် ယနေ့ နံနက် ၂ နာရီ ၀န်းကျင်မှ စတင်ကာ မီးလောင်မှု နှင့်ပေါက်ကွဲ မှုများ ဖြစ်ပွား သောကြောင့် သေဆုံးသူ ၁၇ ဦး ရှိ၍ ဒဏ်ရာ ရသူ ၈၁ ဦးရှိပြီး သေဆုံးသူ အရေအတွက် ထပ်မံ တိုးနိုင်ဖွယ် ရှိကြောင်း သက်ဆိုင်ရာ တာဝန် ရှိသူ များက ပြောသည်။
လျှပ်စစ်ပစ္စည်းများသိုလှောင်သော ဂိုဒေါင်အမှတ် ၈၀ နှင့် ပရဆေးများသိုလှောင်သော ဂိုဒေါင်အမှတ် ၇၉ တွင် မီးလောင်မှုစတင်ဖြစ် ပွားခဲ့ကြောင်း၊ မီးလောင်မှုဖြစ်ပွားပြီး ၁၀ မိနစ်ခန့်တွင် ပေါက်ကွဲမှုများ စတင်ဖြစ်ပေါ်ခဲ့ကြောင်း၊ ပေါက်ကွဲမှုကြောင့် မီးသတ် တပ်ဖွဲ့ဝင် ၅ ဦး၊ အရပ်သား အမျိုးသား ၇ ဦး၊ အမျိုးသမီး ၅ ဦး စုစုပေါင်း ၁၇ ဦး ပွဲချင်းပြီး သေဆုံးခဲ့သည်ဟု ဆိုသည်။
ဒဏ်ရာ ရရှိသူများမှာ မီးသတ်တပ်ဖွဲ့ဝင် ၃၃ ဦး၊ အရပ်သား ၄၈ ဦး စုစုပေါင်း ၈၁ ဦးရှိပြီး အလွန်စိုးရိမ်ရသော အခြေအနေ ရှိသည့် လူနာများပါဝင်ကြောင်း၊ ထို့ကြောင့် သေဆုံးသူအရေအတွက် တိုးနိုင်ကြောင်း ဒေသခံများနှင့် ရန်ကုန်တိုင်း မီးသတ်တပ်ဖွဲ့ တာဝန် ရှိသူများက ပြောဆိုကြသည်။
“အခု မီးလောင် မှုကို စစ်လိုက်တော့ ဂိုဒေါင် အမှတ် ၇၉ မှာ ယမ်းစိမ်း၊ ကန့်၊ ဇ၀က်သာ လိုမျိုး ပရဆေးတွေ ပိဿာ ထောင်နဲ့ ချီလှောင် ထား တယ်။ အဲဒါကြောင့် မီးလောင်သွား တဲ့အချိန်မှာ ပေါက်ကွဲ မှုကြီးဖြစ် သွားတာ။ မီးလောင်မှု ဘယ်လို စဖြစ်တယ် ဆိုတာ ကတော့ ၀ါ ယာရှော့လား၊ ပေါ့ဆ မီးလား ဆိုတာကို ခုံရုံးဖွဲ့စစ်ဆေးမယ်။ ပိုင်ရှင်တွေကို ဖမ်းဆီး ထားတယ်”ဟု ရန်ကုန်တိုင်း မီးသတ် တပ်ဖွဲ့ဝင် တဦးက ပြောသည်။
ပေါက်ကွဲမှုကြောင့် အနက် ၁၂ ပေခန့်ရှိသော မြေကျင်းကြီးတခု ဖြစ်ပေါ်သွားခဲ့ပြီး ယနေ့နံနက်ပိုင်းအထိ တငွေ့ငွေ့လောင်ကျွမ်းနေ ဆဲဖြစ်သည်ဟု သိရသည်။
“မီးကတော့ ပစ္စည်းတွေလှောင်ထားတာဆိုတော့ လှိုက်ပြီးလောင်နေတယ်၊ စိုးရိမ်ရတဲ့အနေအထားတော့ မဟုတ်တော့ဘူး၊ မီးညွှန့်ကျိုးသွားပါပြီ၊ သေသွားတဲ့သူတွေက ပေါက်ကွဲမှုကြောင့် လွင့်သွားတဲ့ ကွန်ကရစ်တုံးတွေမှန်ပြီး သေကုန်ကြတာ၊ အလောင်းတွေကို စိစစ်နေတယ်”ဟု မြန်မာနိုင်ငံရဲတပ်ဖွဲ့မှ ဒုတိယ ရဲမှူးကြီး တဦးက ပြောဆိုသည်။
မီးလောင် မှုကြောင့် ဂိုဒေါင် ၁၆ လုံး၊ အိမ်ခြေ ၂၂၆ လုံး ပျက်စီး သွားခဲ့ပြီး မိသား စုပေါင်း ၂၁၆ စု လူဦးရေ စုစုပေါင်း ၁၀၃၈ ဦး အိုးမဲ့ အိမ်မဲ့ ဖြစ်ခဲ့ကာ ဆုံးရှုံးမှုတန်ဖိုး ကျပ် သိန်းတထောင် ကျော်သာ ရှိသည်ဟု မီးသတ် ဦးစီး ဌာနက သတင်း ထုတ်ပြန်သည်။
No comments:
Post a Comment