မွန်ပြည် နယ်၊ ပေါင်မြို့နယ်၊ ဇင်းကျိုက် ရွာ၌ ဒီဇင်ဘာ ၂၅ ရက်နေ့ ည ၁၁ နာရီ ကျော်တွင် မီးလောင်မှု တခုဖြစ်ပွားရာ အိမ်ခြေ တရာကျော် ပျက်စီးသွားကြောင်း ဒေသခံ များက ပြောသည်။ ဇင်းကျိုက် ရွာ၏ မီးရထား လမ်းတဘက် တချက်ရှိ အရှေ့ ဘက်ချမ်းနှင့် အနောက် ဘက်ချမ်း ရပ်ကွက်မှ အိမ်ခြေများ လောင် ကျွမ်း သွားကြောင်း သိရသည်။“ဝါယာရှော့ခ် (shock) ဖြစ်ရာကနေ လောင်တယ်လို့တော့ ပြောနေကြတာပဲ၊ ရထားလမ်းဘေးက အိမ်ခြေ ၁၂၁ လုံးလောက် မီးထဲ အကုန်ပါ သွားတယ်” ဟု ဇင်းကျိုက် ဒေသခံ နိုင်ဖေသန်းက ပြောသည်။
လျှပ်စစ် ဝါယာကြိုး ရှော့ခ်ဖြစ် ရာမှ စတင် လောင်ကျွမ်း သည်ဟု ပြောဆို နေကြ တာရှိသလို ပေါ့ဆမီးကြောင့် လောင်ကျွမ်း သွားသည် ဟုလည်း ဒေသခံများ အမျိုးမျိုး ပြောဆိုနေကြသည်။
မီးလောင် မှုဖြစ်ပွား သည့်နေ ရာသို့ အနီးရှိ သထုံမြို့နှင့် ပေါင်မြို့မှ မီးသတ်ကားများ အချိန်မီ လာရောက်မငြိမ်းသတ်နိုင်ကြောင်း ဒေသခံ တဦးက ပြောသည်။
မွန်ပြည်နယ် ဝန်ကြီး ဒေါက်တာမင်းနွယ်စိုးလည်း ထိုမီးလောင်ထားသည့်နေရာသို့ ရောက်ရှိသွားပြီး အကူအညီပေးရန်အတွက် မီးဘေး သင့်ထားသူများစာရင်းကို လိုက်လံကောက်ခံနေကြောင်းလည်း သိရသည်။
“လေပြင်းတွေကလည်းတိုက်နေတော့ အချိန်အနည်းငယ်အတွင်းမှာပဲ မီးက တခါတည်းကူးစက်သွားတာပဲ” ဟု မွန်ဒေသ လူမှု ဖွံဖြိုးရေး ကွန်ယက် Mon State Development Networking(MSDN) မှ ကိုမင်းမင်းနွယ်က ပြောသည်။
ဇင်းကျိုက်ရွာသည် ရန်ကုန်-မော်လမြိုင် ကားလမ်းမကြီးပေါ်တွင်တည်ရှိပြီး ဇင်းကျိုက်တောင်ရေတံခွန်မှ အမှတ် (၂) လျှပ်စစ် စွမ်းအား ဝန်ကြီးဌာန၏ရေအားလျှပ်စစ်စီမံကိန်းဖြင့် မီတာအလုံး ၅ဝဝဝ ကို မီးပေးဝေနေသည်။
ယခုအခါ ဇင်းကျိုက်တောင်ရေတံခွန်ကို ခရီးသွားများပိုမိုစိတ်ဝင်စားလာကြပြီး မွန်ပြည်နယ်တွင်ဧည့်သည်ခရီးသွားများဖြင့် စည်ကား လျှက်ရှိသည်။
No comments:
Post a Comment