Saturday, December 15, 2012

တအာင်း (ပလောင်) ဒေသ၌ တိုက်ပွဲ ဆက်နေဆဲ

ရွှေဟင်္သာ

တအာင်းအမျိုးသား လွတ်မြောက်ရေး တပ်မတော် TNLA ၏ တပ်ရင်း (၁၁၂) တပ်ဖွဲ့နှင့် နမ့်ဖက်ကာအခြေစိုက် ခလရ ၁၂၃၊ ကွတ်ခိုင်အ ခြေ စိုက် ခမရ ၂၄၁ ပူးပေါင်းတပ်ဖွဲ့တို့သည် ရှမ်းပြည်မြောက်ပိုင်း ကွတ်ခိုင်မြို့နယ်ရှိ ဘိန်းစိုက်ခင်း တနေ ရာအနီးတွင် ယမာန်နေ့ ညနေ (၅) နာ ရီအချိန်ခန့်၌ တနာရီကြာ တိုက်ပွဲဖြစ်ခဲ့သည်ဟု TNLA ပြောခွင့်ရသူ ဗိုလ်မှူးတာ ဘုန်းကျော် ကပြောသည်။

“အစိုးရတပ်ဖွဲ့တွေက ကျနော်တို့ တပ်ဖွဲ့ကို လာတိုက်တော့မယ်ဆိုတဲ့ သတင်းရရှိတာနဲ့ သူတို့တက် လာနိုင်တဲ့ လမ်းတွေကို ကျနော်တို့က မိုင်းထောင်ထားလိုက်တယ်လေ။ ခန့်မှန်းထားတဲ့ အတိုင်းပါဘဲ သူတို့တတ် လာတယ်။ ထောင် ထားတဲ့မိုင်းကိုလည်းသူတို့နင်းမိတော့ပေါက် ကွဲတယ်။ အဲဒီနေရာမှာဘဲ တနာရီကျော်ကြာ တိုက်ပွဲဖြစ်ခဲ့တယ်။ ပြီးတော့ သူတို့ဆုတ်ရ တယ်လေ။” ဟု ဆိုသည်။

တိုက်ပွဲ၌ အစိုးရဖက်မှ (၂) ဦးကျဆုံးပြီး (၃) ဦးဒဏ်ရာ အပြင်းအထန် ရရှိခဲ့သည်ဟု မျက်မြင်များ၏ ပြောပြချက်အရ သိရကြောင်း ဆို သည်။

နမ့်ခမ်းမြို့နယ်ရှိ သာပန်းကုန်း၊ ရှောက်ပန်းကုန်း၊ လွယ်လွန်၊ လွယ်ရှောင်နှင်း ဆီပန်း တောတောင်တ ဝိုက်တွင်အစိုးရတပ် ဖွဲ့နှင့် ပြည်သူ့စစ် များ အားပေးသော ဘိန်းစိုက်ခင်းနေရာများ ဖြစ်ပါသည်။ ယင်းဘိန်းစိုက်ခင်း များသည် အစိုးရတပ်ဖွဲ့ထံ အခွန်ဆောင်ထားသည့် စိုက် ကွက် များဖြစ်သည်ဟု ပလောင်တို့က ဆိုပါသည်။ ယ္ခုနှစ် စိုက်ပျိုးမှုသည် ယခင်နှစ်ကထက် ပိုမိုစိုက် ပျိုး ထားသည်ဟု ဆိုသည်။

ဤဒေသ၌KIA တပ်မဟာ (၄) မှ တပ်ရင်း (၈) တပ်ဖွဲ့နှင့် TNLA တပ်ရင်း (၁၁၂) တို့ ပူးပေါင်းစစ်ဆင်နေသော နေရာဖြစ်သည်။ အစိုးရ ဖက်မှ ခလရ ၁၃၀၊ ခမရ ၅၀၁ တပ်ဖွဲ့များ လှုပ်ရှားနေသည့်အတွက် ဒီဇင်ဘာလ (၁၁) ရက်နေ့တွင် ရှမ်း မြောက်ပိုင်း နမ့်ခမ်းမြို့နယ်၌ တိုက်ပွဲ ဖြစ် ပွားခဲ့ပြီး အစိုးရတပ်ဖက်မှ ဆုတ်ပေးခဲ့ရပါသည်။ ဒီဇင်ဘာလ (၁၃) ရက်နေ့တွင် လည်း တိုက်ပွဲဖြစ်ပွားသည့်နေရာသို့အင် အားဖြည့်ရန် တက် လာသော အစိုးရတပ်ဖွဲ့များကို တအာင်းတပ်ဖွဲ့က ဆီးကြို တိုက်ခိုက်ခဲ့သေးသည်။


ယင်းဒေသအား အစိုးရတပ်ရင်း (၁၆) ရင်းဖြင့် ပြီးခဲ့သည့် သြဂုတ်လအကုန်ပိုင်း၌ စတင် စစ်ဆင်ခဲ့ခြင်း ဖြစ်သည်။ ထိုအချိန်၌ တအာင်း နှင့် က ချင်တပ်ဖွဲ့တို့သည် မူးရစ်ဆေးဝါးနှိမ်နှင်းရေး အစီအစဉ်အရ လှုပ်ရှားခဲ့ သည်။ ဤဒေသသည် အစိုးရတပ်ဖွဲ့များ ထိန်းချုပ်သော ဘိန်းခင်း များရှိသလို တရုတ်ပြည်သို့ ခိုးထုတ်သော သစ်လုပ်ငန်းများရှိသည်။

အလားတူတရုတ်ပြည်သို့ တင်ပို့သော Gass ပိုက်လိုင်းဖြတ်သန်းရာ လမ်းကြောင်းဖြစ်နေသဖြင့် လုံခြုံရေး ယူရန် လှုပ်ရှား နေခြင်း ဖြစ် သည် ဟု အစိုးရတပ်က ၀ါဒဖြန့်ထားသည်။

No comments: