အစိုးရရဲ့ အစီရင်ခံစာတစ်ခုအရ ၂ဝ၁၁ ခုနှစ် ဧပြီလကနေ ၂ဝ၁၂ ခုနှစ် ဒီဇင်ဘာလ အတွင်း အစိုးရဝန်ထမ်းပေါင်း ၁၆,၉၅၂ ယောက်ကိုအပြစ် ပေးခဲ့တာဖြစ်ပြီး အဲဒီအထဲမှာ ရဲအမှုထမ်းတွေ အတော်များများ ပါဝင်တယ်လို့ ဖော်ပြထားကြောင်း အေဖက်ဖ်ပီသတင်းက ဆိုပါတယ်။
ဘာတွေလုပ်ခဲ့လို အပြစ်ပေးတယ်ဆိုတဲ့ အသေးစိတ် အချက်တွေမပါဝင်ပဲ အပြစ်ပေးမှုတွေကတော့ ထောင်ဒဏ်ချမှတ်တာတွေ၊အလုပ်ထုတ် ပစ်တာတွေ၊ ရာထူးလျော့ချတာတွေ၊ သတိပေးစာ ပို့ထားတာတွေနဲ့ လစာလျော့ချတာတွေ လုပ်ခဲ့တယ်ဆိုတာကို အစီရင်ခံစာမှာ တွေ့ခဲ့ရ တယ်လို့ ဆိုပါတယ်။
ဝန်ထမ်းအယောက်ပေါင်း ၃၈ဝ ကို ထောင်ချပြီး ၄၉ဝဝ ကိုတော့ အလုပ်က ထုတ်ပစ်ကြောင်း၊ အယောက် ၈၀ ကိုတော့ အလွဲသုံးစားလုပ်ထား တဲ့ ငွေတွေ ပြန်ပေးဖို့ တောင်းထားပြီး ရဲအမှုထမ်း ၆၈၉ ယောက် ကို အပြစ်ပေးထားတယ်လို့လည်း ဆိုပါတယ်။
သမ္မတဦးသိန်းစိန် ဦးဆောင်တဲ့ အစိုးရဟာ ဇန်နဝါရီလတုန်းကပဲ ဆက်သွယ်ရေးဝန်ကြီးဌာနကို စစ်ဆေးခဲ့ပြီး ဝန်ကြီးဦးသိန်းထွန်းကို ရာထူး က ထုတ်ခွင့်ပြုလိုက်ပါတယ်။ ဒါပေမယ့် နောက်ပိုင်းမှာ လာဘ်ပေး လာဘ် ယူမှုတွေနဲ့ အမိန့်နာမခံမှုမရှိဒါကြောင့်ဖယ်ရှားခံရတာဆိုတဲ့သတင်း တွေလည်း ထွက်ပေါ်လာပါတယ်။ ဆယ်သွယ်ရေးဝန်ကြီးအပြင် သာသနာရေးရာဝန်ကြီးလည်း ရာထူးက နှုတ်ထွက်ခဲ့ပြီး ဝန်ကြီးအ သစ်တွေ ကို ခန့်ထားပြီး ဖြစ်ပါတယ်။
No comments:
Post a Comment