ဗိုလ်မှူးကြီး အောင်လွင်သည် အပစ်အခတ်ရပ်စဲထားသော လက်နက်ကိုင်အဖွဲ့များ၊ မြို့နယ်ရှိ အစိုးရဌာနဆိုင် ရာများ၊ လူမှုအဖွဲ့အစည်းအသီးသီးမှ တာဝန်ရှိသူများကို ယမန်နေ့က ဘုရားသုံးဆူမြို့နယ်ရုံး၌ တွေ့ဆုံခဲ့ရာတွင် KNU ဘုရားသုံးမြို့ဆက်ဆံ ရေးရုံးတာဝန်ခံ စောဆာမူထောက ထိုသို့ တောင်းဆိုခဲ့ခြင်း ဖြစ်သည်။
“အခု ရုံးစိုက်တဲ့မြေနေရာက နည်းနည်းကျဉ်းတယ်။ ပေ ၆၀-၈၀ ပဲ ရှိတယ်။ ဒါ ကြောင့် လက်ရှိ မြေအကျယ် အ၀န်းထက် နောက်ထပ် တစ်ဆလောက်ထပ်ပြီး မြေနေ ရာ ပေးဖို့ တောင်းဆိုထားတာပါ”ဟု စောဆာ မူထောက ကေအိုင်စီသို့ ပြောသည်။
ဆက်လက်၍ စောဆာမူထောက ယင်းတောင်းဆိုမှုအပေါ် တွေ့ဆုံဆွေးနွေးပွဲတွင် ပါဝင်သည့် နယ်စပ်ရေးရာ ဒုဝန်ကြီး ဦးဇင်ယော်မှ အသိအ မှတ်ပြု လက်ခံရေး မှတ်ထားပြီး ရှေ့ဆက်၍ ညှိနှိုင်းဆောင်ရွက် ပေးမည်ဟု ပြောကြားခဲ့ကြောင်း ပြောဆိုသည်။
ထို့အပြင် တွေ့ဆုံပွဲတွင် ဗိုလ်မှူးကြီး အောင်လွင်က တိုင်းရင်းသားလက်နက်ကိုင်အဖွဲ့များအနေဖြင့် ၎င်းတို့ဒေသ ဖွံ့ဖြိုးတိုးတက်ရေးအတွက် ခိုင် မာသောရေရှည်တည်တံ့သော ငြိမ်းချမ်းရေးဖော်ဆောင်နိုင်ရန်နှင့် နယ်မြေတည် ငြိမ်အေးချမ်းအောင်အားလုံးဝိုင်းဝန်းလုပ်ဆောင်ကြရန် လို အပ် ကြောင်း တိုက်တွန်းပြောကြားခဲ့သည်ဟု စောဆာမူထောက ဖြည့်စွက်ပြောသည်။
ထိုသို့ တွေ့ဆုံရာတွင် အစိုးရဘက်မှ ၀န်ကြီးဗိုလ်မှူးကြီးအောင်လွင်က ဦးဆောင်၍ နယ်စပ်ရေးရာ ဒုဝန်ကြီး ဦးဇင်ယော်၊ ပြည်နယ်အစိုးရ၀န် ကြီး ဦးမျိုးအောင်ဌေး၊ ကြာအင်း ဆိပ်ကြီးမြို့နယ် ရဲမှူးဦးအေးကျော်နှင့် အစိုးရ ဌာနဆိုင်ရာများပါဝင်ပြီး တိုင်းရင်းသားလက်နက်ကိုင်အဖွဲ့များ ဘက်တွင် KNU ဘုရားသုံးမြို့ ဆက်ဆံရေးရုံး တာဝန်ခံ စောဆာမူထောအပါအ၀င် ဟောင်သရော က ရင်ငြိမ်ချမ်းရေးအဖွဲ့၊ မွန်ပြည်သစ်ပါ တီ စသည်တို့မှ တာဝန်ရှိပုဂ္ဂိုလ် စုစုပေါင်း ၁၀၀ ကျော် တက်ရောက်ခဲ့ကြသည်ဟု သိရသည်။
တဆက်တည်းမှာပင် ဘုရားသုံးဆူမြို့သည် လောင်းကစားဝိုင်းများပြားသော နယ်စပ်မြို့ဖြစ်သည့်အလျှောက် ဗိုလ်မှူးကြီး ဦးအောင်လွင်တို့အဖွဲ့ သွားရောက်ခဲ့သည့် နှစ်ရက်တာ အတောအတွင်းတွင် ခဏငြိမ် သက်သွားသော်လည်းယမန်နေ့က၎င်းအစိုးရအကြီးအကဲများပြန်လည် ထွက် ခွါပြီးနောက် လောင်းကစားဝိုင်းများမှာ ပုံမှန်အတိုင်းပင် ပြန်လည်ဖြစ်ပွားလျှက်ရှိသည် ဟု မြို့ခံတစ်ဦးက ကေအိုင်စီသို့ ပြောသည်။
ဗိုလ်မှူးကြီးအောင်လွင်သည် ယခုလ ဖေဖော်ဝါရီ ၂ ရက်နေ့၌လည်း မြ၀တီမြို့တွင် KNU၊ DKBA၊ KNU/KNLA တို့မှ တာဝန်ရှိသူအချို့ကို တွေ့ဆုံခဲ့သေးသည်။
No comments:
Post a Comment