ABC
မြန်မာနိုင်ငံအနေနဲ့ ဦးစားပေးလုပ်ငန်းများ ဆောင်ရွက်သွားနိုင်ဖို့အတွက် ကမ္ဘာ့ဘဏ်က အမေရိကန်ဒေါ်လာ ၁၆၅ သန်းကို အတိုးမယူဘဲ ထုတ်ချေးသွားမယ်လို့ ကမ္ဘာ့ ဘဏ်လုပ်ငန်းစုရဲ့ IFC အလုပ်အမှုဆောင် ဒုတိယ ဥက္ကဌနဲ့ စီအီးအို မစ္စတာဂျင်ယောင်ချိုင်း က ရန်ကုန်မြို့မှာ မနေ့က ကျင်းပတဲ့သတင်းစာ ရှင်းလင်းပွဲမှာ ပြောကြားသွားပါတယ်။
မြန်မာနိုင်ငံကို သုံးရက်ကြာ လာရောက်ခဲ့တဲ့ မစ္စတာချိုင်းနဲ့အဖွဲ့ဟာ သမ္မတဦးသိန်းစိန်၊ ဒေါ်အောင်ဆန်း စုကြည်နဲ့ လွှတ်တော်ဥက္ကဌများ၊ ပုဂ္ဂ လိကစီးပွားရေး ကဏ္ဍမှ ကိုယ်စားလှယ်များနဲ့ တွေ့ဆုံခဲ့ပါတယ်။
အဲဒီလိုတွေ့ဆုံရာမှာ မြန်မာနိုင်ငံက ပြည်သူများ လျှပ်စစ်မီးရရှိရေး၊ ဆက်သွယ်ရေး ဖွံ့ဖြိုးတိုးတက်ရေးနဲ့ ဘဏ္ဍာရေး ကိစ္စရပ်တွေမှာ ကူညီ သွားဖို့ ဆွေးနွေးခဲ့ ကြတယ်လို့ မစ္စတာ ချိုင်းက ပြောပါတယ်။
ကမ္ဘာ့ဘဏ်အနေနဲ့ မြန်မာနိုင်ငံက လူ ၁၀ သန်း လျှပ်စစ်မီး ရရှိဖို့ လာမယ့် ၁၂ လအတွင်း မဂ္ဂါဝပ် ၃၀၀ ထပ်မံရရှိအောင် ကူညီသွားမှာ ဖြစ် တယ်လို့ ဆိုပါတယ်။မြန်မာနိုင်ငံမှာ လူ ၄ ဦးမှာ ၁ ဦးသာ လျပ်စစ်မီးရ ရှိတယ်လို့ ကမ္ဘာ့ဘဏ်ရဲ့ သတင်းထုတ်ပြန်ချက်ထဲမှာ ဖေါ်ပြထား ပါ တယ်။
ဆက်သွယ်ရေးကဏ္ဍမှာလည်း မြန်မာနိုင်ငံက ရည်မှန်းထားတဲ့အတိုင်း ၂၀၁၆ခုနှစ်မှာ လူဦးရေ စုစုပေါင်းရဲ့ ၈၀ရာခိုင်နှုန်း မိုဘိုင်းဖုန်း ရရှိနိုင်ဖို့အတွက်လည်း ကူညီ ဆောင်ရွယ်သွားမယ်လို့ မစ္စတာ ချိုင်းက ပြော ပါ တယ်။
နောက်ပြီး မြန်မာနိုင်ငံမှာ အသေးစားချေးငွေထုတ်ပေးနိုင်ဖို့အတွက် မြန်မာနိုင်ငံနဲ့ ဆက်သွယ်ဆောင်ရွက်မယ့် ကမ္ဘောဒီးယား အခြေစိုက် ACLEDA ဘဏ်မှာလည်း အမေရိကန် ဒေါ်လာ နှစ်သန်း မတည်ပေး ထားပြီ ဖြစ်တယ်လို့ IFC ရဲ့ ဒုတိယ ဥက္ကဌ မစ္စကာရင် ဖင်ကယ်စတန်က အဲဒီသတင်းစာရှင်းလင်းပွဲမှာပဲ ပြောကြားခဲ့ပါတယ်။
ကမ္ဘာ့ဘဏ်ဟာ ၂၀၁၂ ခုနှစ် သြဂုတ်လမှာ မြန်မာနိုင်ငံ ရုံးခွဲကို ဖွင့်လှစ်ခဲ့ပြီး မြန်မာနိုင်ငံက ပြုပြင် ပြောင်းလဲရေး တွေကို အားပေးတဲ့ အနေနဲ့ ဒေါ်လာ သန်း ၈၀ ကို လူထုအခြေပြု ဖွံ့ဖြိုးရေးလုပ်ငန်းတွေအ တွက် ပေးအပ်သွား မယ်လို့ ၂၀၁၂ခုနှစ် နိုဝင်ဘာလက ကြေညာခဲ့ပါတယ်။ လွန်ခဲ့တဲ့ ဇန်န၀ါရီလ ၂၇ ရက်နေ့ကလည်း မြန်မာနိုင်ငံကို အမေရိကန် ဒေါ်လာ သန်း ၄၄၀ထုတ်ချေးသွားမယ်လို့ကြေညာခဲ့တယ်လို့လည်း သိရပါတယ်။
တဆက်တည်းမှာပဲ နိုင်ငံတကာ ငွေကြေးရံပုံငွေအသင်း IMF ကလည်း မြန်မာနိုင်ငံကို လက်ရှိအခြေအနေထက် ပိုပြီး ကူညီထောက်ပံ့နိူင် အောင် ပေါ်လစီတွေ တိုးတက်အောင် လုပ်ဆောင်နေတယ်လို့ သိရပါတယ်။
IMF အသင်းဝင်တွေရဲ့ ပုံမှန် မြန်မာခရီးစဉ်အပြီးမှာ ပြောသွားခဲ့တာဖြစ်ပြီး မြန်မာနိုင်ငံ အစိုးရအပြင် လူမှုအဖွဲ့အစည်းတွေနဲ့ မြန်မာတိုးတက် ရေးကို ကူညီပေးနေတဲ့ အဖွဲ့အစည်းတွေနဲ့ IMF တို့ရဲ့ ဆက်ဆံရေး တိုးမြင့်ဖို့အတွက် မြန်မာနိုင်ငံကို လာရောက်လည်ပတ်တာ ဖြစ်ပါတယ်။
မြန်မာနိုင်ငံမှာ လွန်ခဲ့တဲ့ နှစ်နှစ်အတွင်း စီးပွားရေးအပြောင်းအလဲတွေ၊ ငွေကြေးလဲလှယ်မှုစနစ်အပြောင်းအလဲတွေ လုပ်ခဲ့ပြီး အဲဒီလို လုပ် ဆောင်မှုအတွက် အကျိုးတွေ ခံစားနေရပြီလို့တောင် IMF ရဲ့ အကြီးအ ကဲ Anoop Singh က ပြောပါတယ်။
ဒါပေမယ့် ဒိထက်မက ပေါ်လစီ ပြုပြင်ပြောင်းလဲမှုတွေ လုပ်ရမယ့်အကြောင်း IMF အနေနဲ့ ဝန်ထမ်းအရည်အသွေးမြင့်မားရေးတွေမှာ ပိုမို ကူ ညီသွားမယ်လို့လည်း ပြောပါတယ်။
အဲ့ဒါ့အပြင် မြန်မာနိုင်ငံမှာ နိုင်ငံတကာ ငွေကြေးရံပုံငွေအသင်း IMF ရဲ့ ကိုယ်စားလှယ်ရုံးကို ဖွင့်လှစ်ဖို့လည်း ရည်မှန်းထားတယ်လို့ သိရပါ တယ်။
No comments:
Post a Comment