“ ဦးအောင်မင်းကတော့ပြောတယ်။ တိုင်းရင်းသားတွေနဲ့ဆွေးနွေးတဲ့အခါမှာ သူက ယူဖို့မဟုတ်ပါဘူးတဲ့။ ပေးဖို့သက်သက်ပါ ဘဲတဲ့။ သတင်း ထောက်တွေရဲ့အမေးကိုသူက အဲလိုပြန်ပြန်ဖြေတယ်။ တကယ်တော့ သူပြောသလို သူပေးလိုက်တာတွေ ကျနော်တို့ တိုင်းရင်းသားဘက်က ဘာမှမရသေးပါဘူး။ ကျနော်တို့ကိုဘဲကြည့် - ဌာနချုပ်တည်ဖို့ ဟိုမိန်း နဲ့ မိုင်းတော့ မိုင်းထား ပေး မယ်။ မူးယစ်ဆေးဝါး ပူပေါင်းတိုက်ဖျက် ရေးလုပ်မယ် ဆိုတဲ့ကိစ္စတွေ ဘာမှ အကောင်အထည်မဖော်နိုင် သေးဘူး” ဟု သျှမ်းပြည်ပြန်လည်ထူထောင်ရေး ကောင်စီမှ အရာရှိတဦး ကပြောသည်။
ယမန်နေ့ က တရုတ်နိုင်ငံ ရွှေလီမြို့ ( သျှမ်းပြည်မြောက်ပိုင်း မူစယ်မြို့ တဘက်ခြမ်း) ကျင်းချိန့်ဟော်တယ်၌ ကချင်လွတ် မြောက် ရေး တပ် မတော်နှင့် အစိုးရ၏ ငြိမ်းချမ်းရေးကိုယ်စားလှယ်တို့ တွေ့ဆုံဆွေး နွေးကြရာ ကရင်နှင့် သျှမ်း တိုင်းရင်း သားခေါင်းဆောင် အချို့လည်းပါဝင် ခဲ့ သည်။
၎င်းတို့သည် အလွတ်သဘော တွေ့ဆုံဆွေးနွေးခဲ့ပြီး ညနေပိုင်းတွင်မူ အပစ်ရပ်ရေးအတွက် စစ်ရှိန်လျှော့ချရေး ကို ပဏာမ အဆင့် နီးပါးဆွေး နွေးနိုင်ခဲ့ကြသော်လည်း မရှိမဖြစ် Humanitarian Assistance လူသားချင်း စာနာထောက်ထားမှုနှင့် ဆိုင်သော ကူညီထောက်ပံ့မှု၊ အပစ်ရပ် ရေး ဆိုင်ရာ စောင့်ကြည့်မှု Ceasefire Monitoring တို့မပါဝင်သဖြင့် ယခုဆွေးနွေးပွဲအပေါ် အားရမှုမရှိကြောင်း သက်သေအဖြစ် လိုက်ပါ တက်ရောက်သည့် ပုဂ္ဂိုလ်တဦးကပြောသည်။
ယမန်နေ့ကဆွေးနွေးပွဲအပြီး အချက် ၅ ချက်ပါသော ပူးတွဲကြေငြာချက် ကိုပါထုတ်ပြန်ကြေငြာခဲ့သည်။ အဆိုပါကြေငြာချက် တွင် KIO နှင့် UNFC တို့ ဖေဖော်ဝါရီလမကုန်မီ တွေ့ဆုံညှိနှိုင်းမည်ဖြစ်ပြီး အစိုးရနှင့် KIO ကြားနိုင်ငံရေးဆွေးနွေးပွဲများ ဆက်လက်ကျင်းပသွားရန်သ ဘော တူသည်ဟု ပါရှိပါသည်။
ယခုဖြစ်မြောက်သွားသောဆွေးနွေးမှုမှာ အမေရိကန်နှင့်တရုတ်အစိုးရတို့၏ ဖိအားပေးကြောင့်ဖြစ်သည်ဟုလည်း ဆိုပါသည်။
၎င်းဆွေးနွေးပွဲနှင့်ပတ်သက်၍ သျှမ်းပြည်တပ်မတော်ခေါင်းဆောင် ဒု- ဗိုလ်ချုပ်ကြီးယွက်စစ်က - (၁) ခေါင်းထုပြီးနောက် ပြန်ချော့သည့်သ ဘော မဖြစ်စေလိုကြောင်း၊ (၂) ငြိမ်းချမ်းရေးတည်ဆောက်ရာတွင် လူထုတရပ်လုံးပါဝင်ခွင့်ရအောင်နှစ်ဦး နှစ်ဘက်စလုံးမှ လမ်းဖွင့်ပေး စေ လိုကြောင်း၊ (၃) တချို့တဝက်နှင့်အပစ်ရပ်၍ ကျန်တချို့တဝက်တို့အား ထိုးစစ်ဆင်နေခြင်း မဖြစ်စေ လိုကြောင်းသျှမ်းသံတော်ဆင့်အား ပြော ပြသည်။
စစ်ပြေးဒုက္ခသည်များရင်ဆိုင်နေရသော စစ်ဘေးမှာ အိမ်သားအချင်းချင်း ခိုက်ရန်ဖြစ်ပွါးမှုကြောင့်ဖြစ်လာသော စစ်ပွဲဖြစ်နေ သဖြင့် ယခုငြိမ်း ချမ်းရေး ကြိုးစားတည်ဆောက်နေသူများအားလုံးအဖို့ မောင်ရင်းနှ မရင်းစိတ်ထား၍ ဖြေရှင်းမှသာ ငြိမ်းချမ်း နိုင်မည်ဟု ယုံကြည်ကြောင်း စဝ်ယွက်စစ်ကပြောပါသည်။
No comments:
Post a Comment