ဖေဖော်ဝါရီ ၆ရက် နေ့စွဲနဲ့ ထုတ်ပြန်ခဲ့တာဖြစ်ပြီး ဒီကော်မတီထဲမှာ ဥက္ကဌအဖြစ် နိုင်ငံတော်သမ္မတရုံး ၀န်ကြီး ဦးစိုးသိန်း ကဆောင် ရွက် ပြီး အစိုးရ၀န်ကြီးဌာနက ကိုယ်စားလှယ်တွေ၊ အရပ်ဖက်လူမှုရေး အဖွဲ့ အစည်းက ကိုယ်စား လှယ်တွေ၊ နိုင်ငံရေးပါတီက ကိုယ်စားလှယ်တွေနဲ့ ပါဝင်ဖွဲ့စည်း သွားမယ်လို့ ဆိုပါတယ်။
ဒီလိုကော်မတီဖွဲ့ပြီး စီစစ်ဆောင်ရွက်တဲ့နေရာမှာ အဓိပ္ပါယ်ဖွင့်ဆိုမှုတွေ တိမ်းစောင်းမှု မရှိအောင်ဆောင်ရွက်ဖို့လိုတယ်လို့ ၈၈မျိုးဆက်ကျောင်း သားခေါင်းဆောင် ကိုပြုံးချိုက ပြောပါတယ်။
ကျနော်တို့က အနီးစပ်ဆုံးနဲ့ အသေချာဆုံးစာရင်းတွေကို ပြုစုနိုင်ဖို့လိုသလို အဓိပ္ပါယ်ဖွင့် ဆိုမှုတွေ မှာလည်း တိမ်းစောင်းမှုတွေမရှိအောင် ဆောင်ရွက်ကြဖို့လိုပါတယ်၊ ကိုင်တွယ်တဲ့နေရာမှာ အင်မ တန်သတိ ထားပြီးတော့ ဆုံး ဖြတ်နိုင်ဖို့လည်းလိုသလို အပြန်အလှန်ညှိနှိုင်းပြီး ကောင်းမွန်တဲ့ရ လဒ် တွေ ဖော်ဆောင်ဖို့က သဘောထားကြီးကြီး နဲ့ တည်ဆောက်နိုင်ဖို့လိုတယ်။
ဒါအပြင်အစိုးရအဆက်ဆက်က မြန်မာနိုင်ငံမှာ နိုင်ငံရေးအကျဉ်းသား မရှိဘူးလို့ အမြဲပြောဆိုခဲ့ပေမဲ့ အခုအခါ အစိုးရအနေနဲ့ နိုင်ငံရေးအကျဉ်း သား ဆိုတဲ့စကားလုံးကို စတင်အသိအမှတ်ပြု သုံးနှုံး လာတာနဲ့ ပတ်သက်ပြီး ၈၈ကျောင်း သားခေါင်းဆောင်ကိုပြုံးချိုက အခုလိုဆက် ပြော ပါတယ်။
အစိုးရအဖွဲ့တွေကနေပြီးတော့ နိုင်ငံရေးအကျဉ်းသားဆိုတဲ့ သုံးစွဲမှုကို စတင်အသုံးပြုလာတာနဲ့အမျှ နိုင်ငံရေးဖြစ်စဉ်မှာနိုင်ငံရေးအကျဉ်းသား ဟောင်းတွေ ပါဝင်ခွင့် ရေရှည်အမျိုးသားပြန် လည်သင့်မြတ် ရေး အတွက် ပူးပေါင်းဆောင်ရွက်နိုင်မယ်ဆိုလို့ရှိရင် အခွင့်အလမ်းကောင်းတွေ ပိုမိုရလာမယ်လို့ ကျနော်တို့က ယုံကြည်တယ်။
မြန်မာ့နိုင်ငံရေးအပြောင်းအလဲကာလမှာ နိုင်ငံရေးနဲ့ပတ်သက်လို့ ဖမ်းဆီးထားတဲ့လူတွေကို ပြန်လွတ် ပေးဖို့ လိုသလို နိုင်ငံရေးအကျဉ်းသား ဟောင်းတွေရဲ့ ဘ၀ရှင်သန်မှုနဲ့ ဂုဏ်သိက္ခာ ရှိရှိဖြတ်သန်းနိုင်ရေးကို လည်း အ လေးထားဆောင်ရွက်ပေးဖို့ လိုအပ်တယ်လို့ ပြောပါတယ်။
၈၈ မျိုးဆက်ကျောင်းသားတွေပြုစုထားတဲ့ စာရင်းတွေအရ အကျဉ်းထောင်တွေထဲမှာ နိုင်ငံရေး အကျဉ်း သား ၂၀၀ ကျော် ကျန်ရှိနေပြီးတခြား နိုင်ငံရေးအဖွဲ့အစည်းတွေက ပြုစုထားတဲ့ နိုင်ငံရေး အကျဉ်း သား တွေရဲ့ စာရင်းတွေနဲ့ ကိုက်ညီမှုရှိမရှိလည်း စီစစ်ဆောင်ရွက် သွားမှာဖြစ် တယ်လို့ပြောကြောင်း ရေဒီယိုသြစတြေးလျသတင်းထောက် မြတ်မိုးက သတင်းပေးပို့ခဲ့ပါတယ်။
No comments:
Post a Comment