ဒီကြေငြာချက်ဟာ မြန်မာအစိုးရနဲ့ ကချင် လက်နက်ကိုင် အဖွဲ့အစည်းတွေ အကြား ပြီးခဲ့တဲ့ တနင်္လာနေ့ သဘောတူညီချက်အရ ပဋိပက္ခကို အဆုံးသတ်ဖို့ အတွက် သဘောတူညီချက် ရပြီးတဲ့နောက်မှာ ထွက်ရှိ လာတာဖြစ်ပါတယ်။
အဲ့ဒါ့အပြင် ကုလသမဂ္ဂအထူးကိုယ်စားလှယ် ဗီဂျေးနမ်ဘီးယား ကချင်ဒေသကို သွားရောက်လည်ပတ်ပြီးနောက် ထွက်ပေါ်လာတာလည်း ဖြစ်ပါတယ်။
လူသားချင်းစာနာထောက်ထားရေး အကူအညီပေးတဲ့အဖွဲ့ကို ကချင်ပြည်နယ်ကို ဝင်ခွင့်ပြုလိုက်ပြီလို့ သမ္မတပြောရေးဆိုခွင့်ရှိသူ ဦးရဲထွဒဋ်က တရားဝင်အတည်ပြုပြောကြားလိုက်ပါတယ်။
ဒီလိုအကူအညီ သွားပေးတဲ့နေရာမှာ ဘယ်သူတွေက ဒီအဖွဲ့ထဲမှာ ပါမလဲ၊ ဘယ်လိုဆောင်ရွက်မလဲ၊ လုံခြုံရေးအတွက် ဘယ်သူက ဘယ်လို တာဝန်ယူမလဲ ဆိုတာကိုတော့ ခုလောလောဆယ်မှာ ဆွေးနွေးနေဆဲဘဲ ဖြစ်ပါတယ်။
လွန်ခဲ့တဲ့ဒီဇင်ဘာလ နှစ်ဖက်တိုက်ပွဲဖြစ်ပွားချိန်ကစပြီး - ပထမဆုံးအကြိမ်အဖြစ် အကူအညီပေးနိုင်တာဟာ အင်မတန်ထူးခြားတိုးတက်တဲ့ပြောင်းလဲမှုတစ်ခု ဖြစ်တယ်လို့ ကုလသမဂ္ဂ ပြောရေးဆိုခွင့်ရှိသူ ကိုအေးဝင်းက ပြောပါတယ်။
ကုလသမဂ္ဂအနေနဲ့ ကချင်ပြည်နယ်ကိုအကူအညီပေးခဲ့တာဟာ ဂျူလိုင်လနောက်ဆုံးဘဲဖြစ် ပါတယ်။
No comments:
Post a Comment