“တောင်ကြီး မြို့မရပ်မှာ ဖွင့်တယ်။ တက်ရောက်တာ NLD ၊ တစည၊ ပအိုဝ်း၊ ဓနု၊ အင်း ပါတီစုံပါဘဲ။ လူမှုကွန်ယက်အဖွဲ့အစည်းလည်း တက်တယ်။ နေရာတောင် မလောက်ဘူး” ဟု SNLD အထွေထွေ အတွင်းရေးမှူး စိုင်းညွှန့်လွင် ခေါ် စိုင်းနွတ် က ပြောပါသည်။
တောင်ကြီးရုံးခွဲ ဖွင့်ပွဲအခမ်းအနားကို နံနက် ၉ နာရီ၌ ပြုလုပ်ကျင်းပခဲ့ကြောင်း၊ တက်ရောက်လာသူ များက ဂုဏ်ပြုစကား ပြောကြားခဲ့ကြကြောင်း သိရှိရပါသည်။
“SNLD အနေနဲ့တော့ သျှမ်းပြည်အတွက်၊ သျှမ်းတိုင်းရင်းသားအတွက်၊ သျှမ်းပြည်ရှိတိုင်းရင်းသား အားလုံးအတွက် ဒီမိုကရေစီ ပြည့်ပြည့်၀၀ ရရှိဖို့၊ တန်းတူညီတူ ဖြစ်ဖို့ ကြိုးစားနေပါတယ်လို့ သျှမ်း ပြည်နယ်နေ့မှာ သျှမ်းပြည်က ပြည်သူတွေကို ပြောကြားချင်ပါတယ်” လို့ စိုင်းနွတ် က ပြောပါသည်။
သျှမ်းတိုင်းရင်းသားများ ဒီမိုကရေစီ အဖွဲ့ချုပ် SNLD က သောကြာနေ့(8/2/2013)၌ ငြိမ်းချမ်းရေး အတွက် တိုင်းရင်းသားအဖွဲ့အစည်းများနှင့် တွေ့ဆုံမည်ဖြစ်ကြောင်း၊ စနေနေ့၌လည်း လဲချား၌ ရုံးခွဲ သွားရောက်ဖွင့်လှစ်မည်ဖြစ်ကြောင်း ဆိုပါသည်။
No comments:
Post a Comment