ABC
ညီညွတ်သောတိုင်းရင်းသား လူမျိုးများ ဖက်ဒရယ်ကောင်စီ(UNFC) နည်းပညာအထောက်အကူပြုအဖွဲ့ (Techni cal team)နဲ့ ပြည်ထာင်စုငြိမ်းချမ်းရေးဖော်ဆောင်ရေး လုပ်ငန်းကော်မတီရဲ့ နည်းပညာအထောက် အ ကူပြုအဖွဲ့ (Technical team) တို့ ဇူလှိုင်လ ၁၃ရက်နေ့မှာ ထိုင်းမြန်မာနယ်စပ်ဒေသမှာ တွေ့ဆုံဖို့ရှိတယ်လို့ သိရပါတယ်။
ဒီတွေ့ဆုံပွဲကို အစိုးရ ကိုယ်စားလှယ် အဖြစ် မြန်မာ့ငြိမ်းချမ်းရေး စင်တာက အထူးအကြံပေး ဦးလှမောင်ရွှေဦး ဆောင်တဲ့ အဖွဲ့ဝင်၇ဦးနဲ့ UNFC က နည်းပညာအထောက် အကူပြုအဖွဲ့ခေါင်းဆောင် ပဒိုမန်းမန်း ဦးဆောင်တဲ့ UNFC အဖွဲ့ဝင်တွေ တက်ရောက်မှာဖြစ်ပါတယ်။
ဒီဆွေးနွေးပွဲဟာ နိုင်ငံရေးဆွေးနွေးမှုပုံစံကို ဘယ်လိုသွားမလဲဆိုတဲ့ အကြိုညှိနှိုင်းတဲ့ တွေ့ဆုံမှုဖြစ်တယ်လို့ UNFC နည်းပညာအထောက် အကူပြုအဖွဲ့ခေါင်းဆောင် ပဒိုမန်းမန်းက အခုလိုပြောပါတယ်။
နိုင်ငံရေးဆွေးနွေးပွဲအစုအဖွဲ့နဲ့တော့ မတွေ့သေးဘူး၊ Technical team အထောက်အကူပြုအဖွဲ့ကနေပဲ အရင်စ ဆွေးနွေးမှာဖြစ်တယ်၊ နိုင်ငံရေးဆွေးနွေးမှုပုံစံကို ဘယ်လိုသွားမလဲဆိုတာကို ကျနော်တို့က အကြိုညှိနှိုင်းတဲ့ ဆွေးနွေးမှုမျိုးပါပဲ၊ ဆွေးနွေးပွဲ့ရဲ့ နိုင်ငံရေးဂျင်တာ အသေးစိတ်ဆွေးနွေးဖို့တော့ အထောက်အကူပြုအသင်းက နေပြီးတော့ ညှိနှိုင်းလို့ရပြီဆိုလို့ရှိရင် နောက်တဆင့် နိုင်ငံရေးဆွေးနွေးပွဲအဆင့် ပထမအဆင့်ကို စမှာဖြစ်တယ်။
နိုင်ငံရေး မူဘောင်တွေကိစ္စကိုလည်း ဆွေးနွေးသွားဖို့ရှိတယ်လို့ ပဒိုမန်းမန်းက အခုလို ဆက်ပြောပါတယ်။
တကယ်လို့ နိုင်ငံရေးဆွေးနွေးပွဲ ရောက်တဲ့အခါ ဘာတွေကို ဆွေးနွေးမလဲ ဆိုတဲ့ဟာတွေပေါ့နော် နိုင်ငံ ရေးမူဘောင်တွေပေါ့၊ နောက်နိုင်ငံရေးဆွေးနွေးတဲ့ အချိန်မှာ ကျနော်တို့ ကြားနေပေါ့နော် ကြားခံညှိနှိုင်း ဆွေး နွေးတဲ့အဖွဲ့အစည်းတွေ၊ ပုဂ္ဂိုလ်တွေ သို့တည်းမဟုတ် observer ဆိုတဲ့ အဲဒီကိစ္စတွေကိုလည်း ကျနော်တို့ ဆွေးနွေးမယ်၊ နောက်တချက်ကတော့ ကျန်ခဲ့တဲ့အပိုင်းတွေဖြစ်တဲ့ လက်ရှိအပစ်အခတ်ရပ်စဲရေးရဲ့ အနေအ ထားကိုလည်း ကျနော်တို့ ဆွေးနွေးမယ်၊ နောက်တခါ နိုင်ငံတကာအကူအညီပေးမှု၊ လူမှုရေးအကူအညီပေးမှု၊ လူ သားချင်းစာနာတဲ့ အကူအညီပေးမှုလုပ်ငန်းတွေနဲ့ ကိစ္စတွေလည်း ကျနော်တို့ ထည့်သွင်းဆွေးနွေးသွားမှာ ဖြစ်တယ်။
ဒီဆွေးနွေးပွဲကရရှိလာတဲ့ အချက်အလက်တွေကို နှစ်ဘက်အဖွဲ့ တွေ ကို ပြန်လည်တင်ပြပြီး နောက်ထပ်နိုင်ငံရေးအရဆက်ပြီး တွေ့ဆုံဆွေးနွေးနိုင်မယ့် ရက်ကိုလည်း သတ်မှတ်သွားမယ်လို့ ပြောပါတယ်။
ငြိမ်းချမ်းရေးလုပ်ငန်းစဉ်မှာ အဓိကအားဖြင့် အပစ်အခတ်ရပ်စဲရေးအဆင့်နဲ့ နိုင်ငံရေးဆွေးနွေးမှု အဆင့်တွေဖြစ်ပြီး တနိုင်ငံလုံး အပစ်အခတ်ရပ်စဲရေး အဆင့်ကို ဖော်ဆောင်တဲ့နေရာမှာ နိုင်ငံရေးအရ တွေ့ဆုံဆွေးနွေးရေးလည်း ဖော်ဆောင်ဖို့ လိုအပ်တဲ့အတွက် ဒီအဆင့်တွေကို အဆက်အစပ်ရှိရှိ ဆောင်ရွက်သွားဖို့လိုတယ်လို့ ပဒိုမန်းမန်း က ပြောတဲ့အကြောင်း ရေဒီယိုသြစတြေးလျ သတင်းထောက် မြတ်မိုးက သတင်းပေးပို့ခဲ့ပါတယ်။
No comments:
Post a Comment