IMF ရဲ့ အကြီးအကဲဖြစ်သူ Christine Lagarde က ရန်ကုန် စီးပွားရေးတက္ကသိုလ်မှာ စနေနေ့က ပြောသွားတာ ဖြစ်ပါတယ်။
မြန်မာနိုင်ငံ စုစုပေါင်း လူဦးရေရဲ့ လေးပုံ သုံးပုံဟာ လျှပ်စစ်မီးကို မရကြသေးသလို လူဦးရေ တစ် ရာခိုင်နှုန်းသာ အင်တာနက်အသုံးပြုနိုင်တဲ့ အခြေအနေမှာ ရှိနေဆဲပဲလို့ ဆိုပါတယ်။
အဲဒါ့အပြင် စုစုပေါင်း လူဦးရေရဲ့ ၂၆% ဟာ ဆင်းရဲမွဲတေမှု အောက်မှာ ရောက်ရှိနေဆဲဖြစ်တဲ့အတွက် ဆင်းရဲမွဲတေမှုကို လျော့ချဖို့ အရေးကြီးပြီး မြန်မာစီးပွားရေးဟာလည်း အားလုံးပါဝင်တဲ့ စီးပွားရေးနဲ့ ရေရှည်တည်တံ့မှု ရှိမယ့် စီးပွားရေးမျိုးဆီကို ဦးတည်သင့်တယ်လို့ ပြောသွားခဲ့ပါတယ်။
ရေရှည်တည်တံ့တဲ့ စီးပွားရေးတည်ဆောက်ရမှာဖြစ်တဲ့အတွက် ဘဏ်လုပ်ငန်းနဲ့ ငွေကြေးလုပ်ငန်းကို အလျင်စလို လွတ်လပ်စွာ လုပ်ကိုင်ခွင့်ပေးလိုက်တာမျိုး မလုပ်ဖို့လည်း သတိပေးလိုက်ပါတယ်။
မြန်မာနိုင်ငံအနေနဲ့ စိုက်ပျိုးရေးကို အခြေခံထားတဲ့နိုင်ငံဖြစ်တဲ့အတွက် စိုက်ပျိုးရေးကဏ္ဍမှာ ဖွံ့ဖြိုးရေးတွေ လုပ်နိုင်ရင် စိုက်ပျိုးရေးအပေါ် မှီခိုနေကြတဲ့ လယ်သမားတွေနဲ့ သူတို့ရဲ့ မိသားစုဝင်တွေပါ ပြေလည်သွားမယ်လို့ဆိုပါတယ်။
အဲဒါ့အပြင် အစိုးရအနေနဲ့ ကျန်းမာရေးနဲ့ ပညာရေးတွေမှာ ၂% တောင် အသုံးမပြုထားတဲ့အတွက် အဲဒီကဏ္ဍတွေအတွက် ပိုမိုသုံးစွဲဖို့ သင့်တယ်လို့လည်း IMF ရဲ့ အကြီးအကဲက တိုက်တွန်းလိုက်ပါတယ်။
IMF အနေနဲ့ မြန်မာနိုင်ငံမှာ အမှုထမ်းတွေ တိုးချဲ့ပြီး ကူညီထောက်ပံ့မှုတွေ ပိုလုပ်သွားမယ်လို့လည်း ပြောခဲ့ပါတယ်။
IMF အကြီးအကဲရဲ့ မြန်မာနိုင်ငံခရီးစဉ်အတွင်း အစိုးရ အရာရှိကြီးတွေအပါအဝင် ဒေါ်အောင်ဆန်းစုကြည်နဲ့လည်း တွေ့ဆုံခဲ့ပါတယ်။
No comments:
Post a Comment