မြန်မာ စစ်တပ် ကိုလည်း professional စစ်တပ် ဖြစ်တာကို မြင်လို တဲ့ အ ကြောင်း နီပေါ နိုင်ငံ ကို ရောက်နေ တဲ့ ဒေါ်အောင်ဆန်း စုကြည်က ပြောပါတယ်။
စစ်မှန်တဲ့ ဒီမိုရေစီ ရွေးကောက်ပွဲ တွေမှာ ဝင်ပါ လိုကြောင်း ဒေါ်အောင်ဆန်း စုကြည်က ပြောဆိုခဲ့ပြီး လွတ်လပ်တဲ့ ရွေးကောက်ပွဲ သာမဟုတ်ပဲ တရားမျှတတဲ့ ရွေးကောက်ပွဲ ဖြစ်စေ လိုကြောင်းလည်း ပြောပါတယ်။
ဒါပေမဲ့ ဒေါ်အောင်ဆန်း စုကြည်လို နိုင်ငံခြားသား မိသားစုဝင် ရှိတဲ့ ပုဂ္ဂိုလ်ကို ပုဒ်မ ၅၉ (စ) အရ သမ္မတ ဖြစ်ခွင့်မပေး ထားသလို အဲဒီ ပုဒ်မကို မပြင်ဖို့ လွှတ်တော်က ဆုံးဖြတ် လိုက်တဲ့အတွက် ၂၀၁၅ ခုနှစ် ရွေးကောက်ပွဲကျရင် ဒေါ်အောင်ဆန်း စုကြည်အနေနဲ့ သမ္မတလောင်းအဖြစ် အရွေးခံခွင့် ရှိမှာ မဟုတ်ပါဘူး။
ဒေါ်အောင်ဆန်း စုကြည်ဟာ ပြီးခဲ့တဲ့ သောကြာနေ့ ကတည်းက နီပေါနိုင်ငံကို ရောက်ရှိနေ တာဖြစ်ပြီး နီပေါခရီးစဉ်အတွင်း နီပေါသမ္မတနဲ့ တွေ့ဆုံခဲ့သလို နီပေါ ပါလီမန်နဲ့ နီပေါနိုင်ငံက အထင်ကရ ဘုရားကို လည်ပတ်တဲ့အပြင် နီပေါနိုင်ငံရဲ့ ဂုဏ်အရှိဆုံး ငြိမ်းချမ်းရေး ဆုကိုလည်း လက်ခံရရှိခဲ့ပါတယ်။
No comments:
Post a Comment