KNU ကိုယ်စားလှယ်အဖွဲ့သည် သမ္မတဦးသိန်းစိန်၊ ကာချုပ်တို့နှင့် တွေ့ဆုံရာတွင် လက်မှတ်မရေးထိုးနိုင်သေးသည့် အပစ်ရပ်ရေးကိစ္စ၊ ငြိမ်းချမ်းရေး ကိစ္စများကို အဓိက ဆွေးနွေးခဲ့ကြကြောင်း သိရှိရသည်။
“သမ္မတနဲ့ ဆွေးနွေးတဲ့ အဓိက အချက်တွေကတော့ အပစ်ခတ်ရပ်စဲရေးကို မြန်မြန် လက်မှတ်ရေးထိုးနိုင်ဖို့နဲ့ Political Dialogue ကို ဒီနှစ်မကုန်ခင်မှာ ဆောင်ရွက်နိုင်ဖို့ဆိုတာကို ၂ ဖက်စလုံးကတော့ ဆန္ဒရှိတယ်။ သဘောတူတယ်” ဟု မြန်မာ့ငြိမ်းချမ်းရေးစင်တာမှ ဦးလှမောင်ရွှေက ပြောသည်။
သမ္မတဦးသိန်းစိန်က KNU ကိုယ်စားလှယ်အဖွဲ့ကို နေပြည်တော်ရှိ သမ္မတ လယ်တောအိမ်တွင် လက်ခံတွေ့ဆုံခဲ့ပြီး အပစ် အခတ်ရပ်စဲရေး မူကြမ်းစာချုပ် ချုပ်ဆိုနိုင်ရေး ၊ ၂၀၁၄ ခုနှစ်အတွင်း နိုင်ငံရေး ဆွေးနွေးပွဲများ ပြုလုပ်နိုင်ရေး တို့နှင့် ပတ်သက်၍ အမြင်သဘောထားများ ဖလှယ်ခဲ့ကြကြောင်း၊ အလားတူ ကာကွယ်ရေးဦးစီးချုပ် မင်းအောင်လှိုင် နှင့်လည်း တနာရီကျော်ကြာ တွေ့ဆုံခဲ့ကြောင်း သိရှိရသည်။
KNU ကိုယ်စားလှယ်အဖွဲ့သည် ပြည်ထောင်စုလွှတ်တော်နာယက သူရဦရွှေမန်းနှင့်လည်း ဇွန်လ ၅ ရက်နေ့တွင် တွေ့ဆုံ မည်ဖြစ်သည်။
KNU နှင့် သမ္မတ တွေ့ဆုံမှုသည် ၅ ကြိမ်မြောက် တွေ့ဆုံမှု ဖြစ်ပြီး တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့်တွေ့ဆုံမှုမှာ ၆ ကြိမ်မြောက် တွေ့ဆုံမှု ဖြစ်သည်။
No comments:
Post a Comment