စ, ချိုကို
Microsoft ကုမ္ပဏီ၏ Asia Pacific ဆိုင်ရာ ဥက္ကဋ္ဌ Mr.Cesar Cermuda နှင့် မြန်မာနိုင်ငံကွန်ပျူတာ အသင်းချုပ် (MCF) တာဝန်ရှိသူတို့ ဇွန် ၁၃ ရက်က တွေ့ဆုံခဲ့စဉ် ပြည်တွင်းတွင် Microsoft Development Center တည်ထောင်ရေးအပြင် အခြားအချက်များကို ဆွေးနွေးခဲ့သည်ဟု အသင်းချုပ်အတွင်းရေးမှူး ဦးဇော်မင်းဦးက မဇ္ဈိမကို ပြောသည်။
Microsoft Development Center သည် ပြည်တွင်းတွင် Microsoft ၏ ထုတ်ကုန်များကို တွင်ကျယ်စွာ အသုံးပြုလာနိုင်ရန် နည်းပညာသင်တန်းများ ပို့ချခြင်းနှင့် ထုတ်ကုန်များ ပိုမိုသိရှိလာစေရန် ရည်ရွယ်၍ ဖွင့်လှစ်မည်ဖြစ်သည်။
ဦးဇော်မင်းဦးက“ Microsoft နှင့် မြန်မာနိုင်ငံကွန်ပျူတာအသင်းချုပ် တွေ့ဆုံရာမှာ အဓိကအချက်သုံးချက် ဆွေးနွေးခဲ့တယ်။ Microsoft Development Center ကို ပြည်တွင်းမှာ ဖွင့်လှစ်ဖို့နဲ့ Microsoft & JU Operating System တွေမှာ မြန်မာဘာသာစကား ထည့်သွင်းအသုံးပြုနိုင်ဖို့အတွက်လည်း ဆွေးနွေး ဖြစ်တယ်။ ဖွင့်လှစ်မယ့် အချိန်အတိအကျကိုတော့ မပြောနိုင်သေး ပါဘူး”ဟု ဆိုသည်။
ယင်းအပြင် Microsoft ထုတ်ကုန်များကို ပြည်တွင်းတွင် ဈေးနှုန်းသက်သာစွာဖြင့် တရားဝင် အသုံးပြုနိုင်ရန်အတွက်လည်း အကြံပြုဆွေးနွေးခဲ့သည်ဟုလည်း ၎င်းက ဆိုသည်။
Microsoft Operating System တွင် မြန်မာစာစနစ်ထည့်သွင်းအသုံးပြုရာ၌ Unicode မြန်မာစာစနစ်ကို ထည့်သွင်းအသုံးပြုမည်ဟုလည်း ဦးဇော်မင်းဦးကဆိုသည်။ ၎င်းက“အစိုးရကလည်း Unicode ကို တရားဝင် အသိအမှတ်ပြုထားပါတယ်”ဟု ဆိုသည်။
Microsoft အနေဖြင့် မြန်မာနိုင်ငံတွင် ၎င်းတို့၏ ထုတ်ကုန်များကို ပိုမိုဈေးကွက်ဝင်ရောက်နိုင်ရန် လုပ်ဆောင်နေခြင်းဖြစ်ပြီး Microsoft Asia Pacific ဆိုင်ရာ ဥက္ကဋ္ဌ လာရောက်သည့်ခရီးစဉ်အတွင်း Microsoft သင်ရိုးညွှန်းတန်းများကို သင်ကြားနိုင်ရန်အတွက် Myanmar Computer Company (MCC) limited နှင့် ပူးပေါင်းလုပ်ဆောင်ရန်အတွက် ဇွန် ၁၃ ရက်က သဘောတူစာချုပ်လက်မှတ်ရေးထိုးခဲ့သည်။ ယင်းအပြင် အစိုးရဌာန လေးခုခန့်နှင့် တွေ့ဆုံ၍ နည်းပညာ အကူအညီထောက်ပံ့ရေးကိစ္စရပ်များကို ဆွေးနွေးခဲ့သည်ဟုလည်း Mr. Cesar Cermuda ဇွန် ၁၃ ရက်က မဇ္ဈိမကို ပြောသည်။
၎င်းက “အစိုးရဌာနတွေနဲ့တွေ့ဆုံတဲ့အခါ နည်းပညာကူညီထောက်ပံ့ပေးရေးတွေကိုလည်း ဆွေးနွေးဖြစ်ခဲ့ပါတယ်။ Mobile Banking စနစ် နဲ့ e-Government အကောင်အထည်ဖော်ဆောင်ရေးအတွက်လည်း အစိုးရဌာန တာဝန်ရှိသူတွေနဲ့ အဓိက ဆွေးနွေးဖြစ်ခဲ့ပါတယ်”ဟု ပြောသည်။
ယင်းအပြင် MCC Group နှင့် ပူးပေါင်းဆောင်ရွက်ပြီး မြန်မာနိုင်ငံရှိ လူဦးရေတစ်သိန်းခန့်ကို သုံးနှစ်အတွင်း Microsoft ၏ Cloud Computing ၊ Cloud Services Apps Development စသည့် နည်းပညာများကို သင်ကြားပေးသွားနိုင်မည်ဟုလည်း MCC Group ၏ အမှုဆောင်အရာရှိချုပ် ဒေါ်ချောခင်ခင်က ပြောခဲ့သည်။
Microsoft၏ နည်းပညာသင်ရိုးများကို MCC Training Center များ၊ တက္ကသိုလ်ရှိကျောင်းသား ၊ ကျောင်းသူများ စိတ်ဝင်စားသူများကို သင်ကြားပေးနိုင်ရန် ရည်ရွယ်ထားပြီး အဆိုပါ Microsoft နည်းပညာသင်ရိုးအပေါ် အမေရိကန်ဒေါ်လာ ရှစ်သောင်းခန့် အကုန်အကျခံ ရင်းနှီးမြှုပ်နှံဆောင်ရွက်ခဲ့ခြင်းဖြစ်သည်ဟု Microsoft က ထုတ်ပြန်ကြေညာထားသည်။
No comments:
Post a Comment