အဆိုပါအမှုပေါင်း နှစ်ထောင်ကျော်တွင် မူးယစ်ဆေးဝါးအမျိုးအစားပေါင်း ၄၀ နီးပါးရှိကြောင်း နိုဝင် ဘာလ ၂၈ ရက်က တောင်ကြီးမြို့ ရဲစခန်းတွင် ပြုလုပ်သော သျှမ်းပြည်နယ်ရဲတပ်ဖွဲ့၏လုံခြုံရေးနှင့် တရားဥပဒေ စိုးမိုးရေး လုပ်ငန်းများဆောင်ရွက်မှု အခြေအနေရှင်းလင်းပွဲတွင် ရဲမှူးကြီးဝင်းထွန်းက ပြောဆိုပါသည်။
“ ၂၀၀၉ မှုရှိပါတယ်။ ဘိန်းဖြူနဲ့ ယာဘ အများဆုံးပါ။ ဘိန်းချက်စခန်းတွေလည်း ဝင်ရောက်ဖမ်းဆီးနိုင်ခဲ့ ပါတယ်။ သျှမ်းပြည်တောင်ပိုင်းနဲ့မြောက်ပိုင်းမှာအများဆုံးဖမ်းဆီးရမိပါတယ်။ မူးယစ်ဆေးဝါးကြောင့် ဆက်စပ်တဲ့ အမှု ကြီးတွေက လူသတ်မှု မုဒိန်းမှုတွေဖြစ်ပါတယ် ”
အဆိုပါသတင်းစာရှင်းလင်းပွဲတွင် ရဲဘက်ဆိုင်ရာနှင့် သတင်းသမားတချို့ စုစုပေါင်း ၃၀ ခန့် တက် ရောက်ခဲ့ပါသည်။
သျှမ်းပြည်မူးယစ်ဆေးဝါးစောင့်ကြည့်ရေးအဖွဲ့ SDW ခေါင်းဆောင် စဝ်ခွန်းဆိုင် က - မြန်မာအစိုးရသည် မူးယစ်ဆေးဝါးကိစ္စ အားနိုင်ငံရေးလက်နက်သဖွယ် အသုံးပြုနေကြောင်း၊ မူးယစ်ဆေးဝါးနှိမ်နှင်းရာတွင် လည်း ထုတ်လုပ်သူ၊ ပင်မသက်ဆိုင်သူအား ဖမ်းဆီးခြင်းမပြုဘဲ လွှတ်ထားကြောင်း၊ အရင်းအဖျား အသေးအမွှား လက်ကားရောင်းဝယ်စားသူများသာဖမ်းဆီးကြောင်း၊ မူးယစ်ဆေးဝါးကိစ္စ အမြတ်ထုတ် နေသရွေ့ ဘယ်တော့ အခါမှ မူးယစ်ဆေးဝါးနှိမ်နင်းနိုင်မည်မဟုတ်ကြောင်း ပြောသည်။
၂၀၁၄ ခုနှစ်အတွင်း ဘိန်းဖျက်ဆီးမှုအခြေအနေမှာ တောင်ကီးခရိုင်၊ လွိုင်လင်ခရိုင် ၊ ကျိုင်းတုံခရိုင် တို့ တွင် ဘိန်းခင်း ဧကပေါင်း( ၉၈၃၇.၇၅) ဖျက်ဆီးခဲ့ပြီး ယင်းတို့အနက် တောင်ကြီးခရိုင်ရှိ ဟိုပုံး၊ ပင်လောင်း၊ ဆီဆိုင်တို့တွင် ဘိန်းခင်းဖျက်ဆီးမှု ဧကအများဆုံးတိုက်ဖျက်ခဲ့သည်ဟု မြန်မာ့ ရဲတပ်ဖွဲ့က ထုတ်ပြန်သော်လည်း အစိုးရအနေဖြင့် လက်တွေ့ ဘိန်းအစားထိုးသီးနှံ နှင့် ဈေးကွက်များ ဖန်တီး ပေးခြင်း၊ ဘိန်းစိုက်တောင်သူများ၏ လူနေမှုဘဝ ပြုပြင်ပေးခြင်း မရှိပေ။
No comments:
Post a Comment