ဆောင်း နှောင်းရာသီရဲ့ မွန်းတည့်နေက လွန်စွာ ပူပြင်းလို့ နေတယ်။ လယ်ကွင်းရိုး ပြတ်တွေကြားက မြေကြီး တွေကတော့ နေရဲ့ အပူရှိန်ကို မခံရပ်နိုင်လို့ ပက်ကြား အက်လျက်ရှိတယ်။ပက်ကြားအက် မြေသားတွေထဲက စိမ့်ညို့ညို့ စပါးပင်တွေ ခေါင်းထောင်ပြီး ထလာကြသလို၊ အငွေ့တွေ ထောင်းထောင်း ထအောင် ပူနေတဲ့ကြားမှာ လယ်ကွင်းထဲ ခမောက်တွေဆောင်း၊ ပုဆိုးတွေနဲ့ ခေါင်းပေါင်းပြီး တကုတ်ကုတ်နဲ့ လယ်အလုပ် လုပ်နေကြသူတွေ ရှိသလို၊ ခေါင်းအဆောင်းပင် မပါဘဲ အလုပ်လုပ်နေကြသူ တွေလည်းရှိတယ်။
အဲသည့် လယ်လုပ်သူတွေ အားလုံးရဲ့ မျှော်လင့်ချက်ကတော့ ဒီနှစ်အကြွေး အားလုံးကျေအောင် ဆပ်နိုင်ရေးပဲ ဖြစ်တယ်လို့ လယ်သမားကြီး ဦးမြင့်ဆောင်က ပြောပါတယ်။
ကမ္ဘာ့ဆန်ဈေးနှုန်းတွေ ကျဆင်းနေတာနဲ့အတူ ပြည်တွင်း စပါးဈေးတွေကလည်း စပါးတင်း တရာကို ကျပ် ၃ သိန်း နဲ့ အထက်မှ၂ သိန်းအောက်အထိ ကျဆင်းခဲ့တဲ့ အတွက် စပါးစိုက်တောင်သူ အားလုံးနီးပါး စိုက်စရိတ် မကြေဘဲ အရှုံးနဲ့ ရင်ဆိုင်ခဲ့ရကြောင်း လယ်သမားကြီး ဦးမြင့်ဆောင်က ဆိုပါတယ်။
“အခုတောင်သူတွေမှာ မိုးစပါးစိုက်တုန်းက ကြွေးတွေ မဆပ်နိုင်တဲ့အပြင်၊ နွေစပါးစိုက်ဖို့ အတွက်လည်း စိုက်စရိတ် မရှိတော့ စပါးပေးစနစ်နဲ့ အသစ်ထပ်ယူကြရတယ်၊ အဲဒါလည်း ဒီနွေစပါးပေါ်ရင် ထွက်သမျှစပါး အားလုံး ထိုး ပ်ရမယ့်သူတွေတောင် ရှိနေတယ်၊ လယ်သမားတွေ မကိုက်ပါဘူး၊ မိရိုးဖလာ လုပ်စားနေကြလို့သာ ကြွေးတင်ခံပြီး လုပ်နေကြတာပဲ၊ အခုဆို လယ်သမားတွေမှာ ကြွေးလည်ပင်း ခိုက်နေကြပြီ”လို့ သူက လယ်ကန်သင်းတွေ ပေါ်ကနေ ဖြတ်လျှောက်ရင်း ပြောပြခဲ့တယ်။
မြန်မာနိုင်ငံက စပါးစိုက်သူတွေ အနေနဲ့ စိုက်ပျိုးရာသီတခုပြီးတခု အဓိက ရင်ဆိုင်နေရတဲ့ စိန်ခေါ်မှုကြီး တခုကတော့ စိုက်စရိတ် ပြသာနာပဲဖြစ်ပြီး အဲဒီသံသရာထဲကနေ ကြွေးကင်းစွာနဲ့ လွတ်မြောက် လိုကြတာကလည်း ခေတ်အဆက်ဆက်က တောင်သူတွေရဲ့ မျှော်လင့်ချက်တွေပဲ ဖြစ်တယ်လို့ သူက လေးလေးနက်နက် ပြောပါတယ်။
လယ်ကွင်းတွေထဲက ၀ါးထရံကာ၊ ဓနိမိုးပြီး ခနော်ခနဲ့ ဆောက်ထားတဲ့ လယ်စောင့်တဲလေး တခုနား အရောက်မှာ “လူမွဲတွေက မနှေးခေတ်မီ၊ သူဌေးဖြစ်တော့မည် တို့နဂါးနီ”လို့ ဆိုနေတဲ့ နဂါးနီ သီးချင်းသံကို ပီပီသသကြီး ကြားနေရတယ်။
ဒီလိုပူးပြင်ခြောက်သွေ့တဲ့ နေ့လယ်ခင်းအချိန်မှာပင် လယ်သမားတွေဟာ လယ်စောင့်တဲတွေထဲမှာ တခဏမျှ အနားမယူနိုင်လောက်အောင် သူတို့ရဲ့ ပူပန်မှုတွေက သူတို့ကို စေခိုင်းနေကြခြင်းဖြစ်ပါတယ်။
တကယ်တော့ လယ်ယာလုပ်ငန်းခွင်ရဲ့ထုံးစံအရ လယ်သမားတွေဟာ မနက် ၆ နာရီ လောက်ကတည်းက လယ် ထဲဆင်းပြီး လယ်အလုပ်လုပ်ရင်း မနက်ခင်း ၁၀ နာရီခွဲ ၁၁ နာရီဆိုရင်ပဲ နားကြပြီ၊ နေကျသွားတဲ့ ညနေ ၃နာရီခွဲ ၄နာရီမှ ကွင်းထဲပြန်ဆင်းကြတာ အလေ့အထလို ဖြစ်နေပါပြီ။
“ပြီးခဲ့တဲ့ မိုးစပါးတုန်းက ခွက်ခွက်လန်အောင်ရှုံးလို့ စိုက်စရိတ်တောင်ပြန်မရကြဘူး၊ ဒီနှစ်တော့ ဘယ်လိုမှ ရှုံးလို့ မဖြစ်တော့ဘူးဆိုပြီး အရင်ထက်ကို နှစ်ဆသုံးဆလောက် ဂရုစိုက်ရတာပဲ၊ဒါတောင် လယ်ထဲမှာပိုးကျနေလို့ မနက် ကတည်းကဆေးဖြန်းထားရတယ်၊ ဆေးကလည်း သိပ်စိတ်မချရဘူး”လို့ အသက် ၄၀ ၀န်းကျင်ရှိ ကိုထွန်းရွှေ က စိတ်ပျက်လက်ပျက် လေသံမျိုးနဲ့ ပြောပါတယ်။
ကိုထွန်းရွှေရဲ့လယ်စောင့်တဲကလေးက ပူပြင်းလှတဲ့နေကွန်ယက်ထဲမှာတော့ ခေတ္တနားခိုစရာနေရာ လေးတခုပါပဲ၊ ဒါပေမယ့် တဲထဲတချီတချီဝင်တိုးတတ်တဲ့လေကလည်း လေနုအေးမဟုတ်ဘဲ၊ လေပူပူကြီးဖြစ်နေတယ်။
“စပါးဈေးကျလို့ဆိုပြီး ကျုပ်တို့ဆီမှာစပါးလာဝယ်တဲ့သူမရှိလို့ ကျုပ်တို့ရွာကလူတွေအားလုံး ဆန်ခွဲပြီး ပွဲရုံ အရောက် သွားရောင်းရတယ်၊ ဆန်တအိတ်မှ ကျပ် ၉၀၀၀ နှုန်းနဲ့ရောင်းခဲ့ရတယ်၊ အဲဒီငွေကလည်း ကြွေးဆပ် လို့တောင် မစုံစေ့ပါဘူး”လို့ ကိုထွန်းရွှေက ဆက်ပြောပါတယ်။
ကြွေးတွေပိနေတဲ့ တောင်သူလယ်သမားတွေရဲ့ အိမ်သူတွေနဲ့ သားသမီးတွေဟာလည်းလယ်ယာလုပ်ငန်းတခု တည်းနဲ့အဆင်မပြေကြတော့တဲ့အတွက် ကြုံရာအလုပ်ကို ကြုံသလိုလုပ်ပါမှ ၀မ်းဝကြတဲ့အနေအထားဖြစ်နေပြီလို့ လယ်သမားကြီး ဦးမြင့်ဆောင်က ပြောပါတယ်။
“လယ်သမားတွေလယ်စိုက်ရုံနဲ့ ရပ်တည်လို့မရတော့ဘူး၊ ကြုံရာလုပ်စားနေရတာပဲ၊ ကျနော့် အမျိုးသမီးဆိုရင် အိမ်မှာ ကြက်တွေ၊ ဘဲတွေ၊ ၀က်တွေ မွေးထားတယ်၊ ဒီနှစ် စိုက်စရိတ်ကြွေးကို အဲဒီအကောင်တွေ ရောင်းပြီး ဆပ်ရတာပဲ၊ နို့မို့ဆိုရင် အိမ်ရောင်းဆပ်ရမယ့် ပုံရှိတယ်”လို့ သူက ဆိုပါတယ်။
လယ်သမားကိုထွန်းရွှေရဲ့မ်ိန်းမဆိုရင်လည်း ရန်ကုန် သိရီမင်္ဂလာဈေးမှာ ကုန်စိမ်းသွင်းတဲ့အလုပ်ကို လုပ်ပါ တယ်။ ခုနေခါမှာတော့ ဇနီးသည်ဆီက ရတဲ့ ကုန်စိမ်းအမြတ်ဟာ သူများကို အတိုးပေးရတဲ့ အတိုးငွေ ဖြစ်သွားပြီ လို့ ကိုထွန်းရွှေက ညည်းပြောပြောပါတယ်။
အခုလို နွေစပါးစိုက်ဖို့ စိုက်စရိတ်မရှိလို့ ကုန်သည်ဆီကနေ စပါးပေးစနစ်နဲ့ စပါး တင်း၂၀၀ အတွက် ငွေ ချေးရ ကြောင်းလည်း သူက ပြောပါတယ်။
“ကျနော်တို့ စပါးပေးယူရတာအရမ်းနစ်နာတယ်၊ အခုဆိုကျနော်က စပါး တင်း၂၀၀ အတွက် ငွေယူလိုက်တယ်၊ တကယ်လို့ ကျနော့်လယ်ကရာသီဥတု မကောင်းလို့ သူ့ကို စပါး တင်း၂၀၀ ပြည့် ပြန်မဆပ်နိုင်ဘူး၊ တင်း၁၅၀ ပဲ ဆပ်နိုင်တယ်ဆိုရင် အကြွေး တင်း ၅၀ ကျန်တယ်။ ဒါဆိုရင်နောက်နှစ်မှာ ဆတိုးနဲ့ တင်းတရာပြန်ပေးရတာပဲ၊ တချို့ဆိုရင် ဒီနှစ်လည်းစိုက်စရိတ်လိုလို့ နောက်ထပ် တင်း၂၀၀ ဖိုးယူလိုက်ရင် နောက်နှစ်ကျတော့ အရင်နှစ်က တင်း ၅၀ အတွက် တင်း ၁၀၀၊ ဒီနှစ်ဆပ်ရမယ့် တင်း၂၀၀ နဲ့ ထွက်သမျှစပါးအားလုံးထိုးပေးလိုက်ရတာတွေလည်း ရှိတယ်”လို့ သူကရှင်းပြပါတယ်။
စပါးပေးယူစနစ်ဆိုတာက လက်ရှိအပြင်မှာ စပါးဈေး ကျပ်၂၃၀၀၀၀ ပေါက်ဈေးပေါက်နေချိန်မှာ တောင်သူက စိုက်စရိတ်လိုတဲ့အတွက် ငွေရှင်ကုန်သည်က ကြိုပွိုင့်အနေနဲ့စပါးတင်း တရာဖိုးကို ငွေ၂ သိန်း ၀န်းကျင်လောက် နှင့် လက်ရှိပေါက်ဈေးထက် လျှော့တဲ့ဈေးနဲ့ ငွေထုတ်ပေးပါတယ်။ တောင်သူက စပါးပေါ်တာနှင့် စပါးတင်း ၁၀၀ ထိုးအပ်ပြီး အကြွေးပြန်ဆပ်ရတဲ့ စနစ်ကို ဆိုလိုခြင်းဖြစ်ပါတယ်။
တောင်သူများအနေနဲ့အစိုးရကနေထုတ်ချေးပေးတဲ့ တဧက ကျပ် ၈၀၀၀ နှုန်းနဲ့စိုက်စရိတ်ဟာလည်း အမှန် တကယ်ကုန်ကျတဲ့စိုက်စရိတ်နဲ့ကွာခြားလွန်းလို့ တောင်သူတွေဟာ စပါးစိုက်စရိတ်အတွက်အပြင်ကနေ အတိုးကြီးကြီးနဲ့ ထုတ်ချေးကြရတာဖြစ်ပါတယ်။
အများစုကတော့ စပါးပေးစနစ်နဲ့ ငွေယူကြပြီး၊ ထွက်လာတဲ့စပါးကို ကြွေးဆပ်ပိုတဲ့စပါးကိုမှ ထုတ်ရောင်းရတဲ့ အတွက် စပါးကိုဈေးကောင်းရချိန်ထိ မထားနိုင်ဘဲ၊ တောင်သူမှာ နောက်ရာသီ စိုက်စရိတ်ပြန်မရဘဲ စိုက်စရိတ် လိုနေတဲ့ သံသရာထဲမှာလည်နေရခြင်းဖြစ်တာကို တွေ့မြင်ရပါတယ်။
စိုက်ပျိုးစရိတ်ကုန်ကျစရိတ်ဟာလည်း တနှစ်ထက်တနှစ်တက်လာကြောင်း၊၂၀၀၇ ခုနှစ် နွေစပါးစိုက်ရာသီမှာ တဧက ကျပ် ၁ သိန်း ၃ သောင်းဝန်းကျင်ရှိခဲ့ပြီး ၂၀၀၈ ခုနှစ် မိုးစပါးစိုက်ပျိုးတုန်းက တဧက စိုက်စရိတ်မှာ ကျပ်၂ သိန်းထိ ကုန်ကျခဲ့ကြောင်း၊ အခု ၂၀၀၉ ခုနှစ်တွင်းမှာတော့ ဒီဇယ်ဈေးနဲ့ မြေသြဇာဈေးနှုန်းအနည်းငယ် ကျ ဆင်း ခဲ့ပေမယ့် တခြားလယ်လုပ်သားများရဲ့လုပ်အားခများနဲ့ ခြားစရိတ်တို့မှာ ကျဆင်းခြင်းမရှိတဲ့အပြင် စပါးဈေး ကျနေ သည့်အတွက် အရင်နှစ်တွေကထက် ပိုခက်ခဲလာကြောင်း၊ မရှိဆင်းရဲသား လယ်ဧကအနည်းငယ်သာ ပိုင်သူများ မှာပိုဆိုးကြောင်း ရန်ကုန်တိုင်း တိုက်ကြီးမြို့နယ်မှ တောင်သူတွေက ဆိုပါတယ်။
ဒါက လယ်သမားတွေရဲ့ စားစရိတ်ကို ထည့်မတွက် ထားပါဘူး၊ ပြီးတော့ မိုးများလို့ ၊ ရေကြီးလို့ ပျက်စီးသွားတဲ့ အခါ ပြန်ပြီးစိုက်ရတဲ့ စရိတ်တွေ မပါသေးဘူး၊ ကျနော်တို့ ဒေသက မြစ်နဲ့နီးတော့ မြစ်ရေကြီးရင်ပြန်စိုက် ရတာ တွေလည်းရှိတယ်”လို့ ဦးမြင့်ဆောင်က ဆိုပါတယ်။၎င်းတုိ့ဒေသမှာ မှော်ဘီဆန်းတို့၊ ဇီယာတို့၊ မနောသုခ၊ မနောထွန်း၊ ဆင်းသွယ်လတ်တို့ စိုက်ပျိုးကြပြီး တဧက ထွက်နှုန်းဟာ အများဆုံး တင်း ၅၅ နှုန်းထက် မပိုကြောင်း၊ တချို့ အကွက်များဆိုရင် တင်း ၃၀ ၀န်းကျင်သာရရှိ တယ်လို့ သိရပါတယ်။ ပြီးခဲ့တဲ့ မိုးစပါးတုန်းက ၁ တင်းကို ငွေ ကျပ်၂ ထောင်ဈေးနဲ့ ရောင်းခဲ့ရတဲ့အတွက် တဧက ကို ငွေကျပ် ၁ သိန်း ၀န်းကျင်ပဲ ပြန်ရပြီ့း ၁ ဧကကို ငွေ ကျပ် ၁ သိန်းလောက် ရှုံးကြကြောင်း လယ်သမား တွေ က ပြောပြကြပါတယ်။
ပြီးခဲ့တဲ့ မိုးစပါးတုန်းက ခွက်ခွက်လန်အောင် ရှုံးလိုက်ကြတဲ့အတွက် ဒီနှစ်နွေစပါးကို မစိုက်တော့ပါဘူးလို့ သူ့လို ဆုံးဖြတ်ကြသူတွေလည်း ရှိတယ်လို့ ကိုထွန်းရွှေက ပြောပြပါတယ်။ သူတောင်မှ လယ် ၁၀ ဧကမှာ ၅ ဧကပဲ စပါး စိုက်ပြီး ကျန်တာကို သခွားနဲ့ ချဉ်ပေါင်စိုက်ဖို့ စိတ်ကူးခဲ့ပါသေးတယ်။ တောင်သူအများစုကတော့ ဒီနှစ်စပါးကုို လျှော့စိုက်လာကြတာ တွေ့ရပါတယ်။ အရင်နှစ်က ၁၀ ဧက စိုက်တဲ့သူက အခု ၅ ဧက၊ အရင် ဧက၂၀ စိုက်တဲ့ သူတွေက အခု ၁၀ ဧက အဲဒီလို ထက်ဝက်လောက် လျှော့ပြီး စိုက်လာကြပါတယ်။
မိုးစပါးစိုက်တုန်းက အစိုးရဆီကနေ ၁ ဧက ကျပ် ၈၀၀၀ နှုန်းနဲ့ ချေးထားတဲ့သူတွေ ဒီနှစ်ဆန်း ဇန်န၀ါရီ လထဲမှာ အပြီးဆပ်ရမှာ မဆပ်နိုင်တဲ့သူကများတယ်လို့ လယ်သူမကြီး ဒေါ်ခင်ဦးက ပြောပြပါတယ်။
“မိုးစပါးတုန်းက စိုက်ဘဏ်က ၁ ဧကကို ၈၀၀၀ နှုန်းနဲ့ ချေးပေးတယ်၊ အတိုးက ၁ ကျပ် ခွဲ နှုန်း၊ လယ်သမားတွေ မှာ ဒီနှစ်က ထွက်နှုန်းလည်းမကောင်း ဈေးကလည်း ကျဆိုတော့ စိုက်စရိတ်မကျေဘူး၊ ဒါကို အစိုးရက၂ လ ပိုင်း မှာ အကုန်အပြီးဆပ်ခိုင်းထားတယ်၊ အမှန်တော့ ပုံမှန်အတိုင်းဆို ၁ လပိုင်းမှ ဆပ်ရမယ်၊ မဆပ်နိုင်တဲ့သူက များ လို့ ဆပ်ရက်က ၂ လပိုင်းထိ ရွှေ့ပေးတယ်၊ အဲဒီလို ရက်ရွေ့ပေးရတဲ့သူတွေကို နောက်ကျကြေးအနေနဲ့လူကို ဒဏ်ရိုက်တယ်၊ ငွေဒဏ်ရိုက်တယ်၊ အတိုး ၁ ဆကို ဒဏ်ငွေအဖြစ် ပြန်ပေးရတယ်”လို့ သူမက ပြောပြပါတယ်။
တခြား လယ်သမားတွေကတော့ အစိုးရရဲ့စိုက်စရိတ်ကြွေးဆပ်ဖို့ အိမ်မှာမွေးထားတဲ့ ၀က်၊ကြက်၊ ဘဲ ရှိသမျှ တိရစ္ဆာန်တွေအားလုံး ရောင်းချပြီးဆပ် အိမ်မွေးတိရစ္ဆာန်မရှိတဲ့ သူတွေကတော့ လယ်ယာမှာ ခိုင်းနေတဲ့နွား ကိုပင်ရောင်းပြီး ဆပ်ကြရကြောင်း လယ်သမားကြီး ဦးမြင့်ဆောင်က ပြောပါတယ်။
“တောင်သူတွေမှာ ထွက်နှုန်းကောင်းတဲ့ မျိုးတွေမရှိဘူး၊ သူတို့သုံးနေတဲ့မျိုးတွေက စပါးပေါ်တဲ့အခါ မျိုးစပါး အနေ နဲ့အလွယ်ဖယ်ထားတာတွေကို သုံးနေကြရတာ၊ ဒီထဲမှာ အဖျင်းပါမပါ၊ မျိုးသန့်မသန့်လည်း စစ်ဆေးမှုတွေ မရှိဘူး ဆိုတော့ သူတို့ အထွက်နှုန်းက ကျသထက် ကျလာဖို့ပဲ ရှိတယ်၊ လယ်သမားတွေကို မျိုးကောင်းမျိုးသန့် ဖြန့်ဝေ ပေးဖို့လည်း လိုအပ်နေပြီ်”လို့ လယ်ယာစိုက်ပျိုးရေး ၀န်ကြီးဌာမှ၊ အငြိမ်းစား အရာရှိ ကြီးတဦးက အကြံပြု ပြောဆို ပါတယ်။
မျိုးမကောင်းခြင်း၊ ရာသီဥတုဖောက်ပြန်ခြင်း၊ အရည်အသွေးမြင့် မြေသြဇာများ မသုံးစွဲနိုင်ခြင်း၊ စပါးပင်များ ပိုးကျ ခြင်းစတဲ့ အခက်အခဲတွေနဲ့ရင်ဆိုင်နေရတဲ့ တောင်သူတွေဟာ စပါးဈေးတွေကျလာတဲ့အခါမှာ နာလန်ထူရခက် လောက်အောင်ကို အထိနာသွားပြီ ဖြစ်ကြောင်း အဆိုပါ အငြိမ်းစားအရာရှိက သုံးသပ်ပြောဆိုပါတယ်။
မြန်မာနိုင်ငံဟာ စိုက်ပျိုးရေးကို အဓိက ထားပြီး စိုက်ပျိုးထုတ်လုပ်တဲ့ နိုင်ငံဖြစ်တဲ့အတွက် စပါးစိုက်တောင်သူ လယ်သမားဦးရေမှာလည်း နိုင်ငံလူဦးရေရဲ့ ၇၀ ရာခိုင်နှုန်း ၀န်းကျင်အထိ ရှိကြောင်း လယ်ယာစိုက်ပျိုးရေး ၀န်ကြီးဌာနမှ ထုတ်ပြန်ချက်အရ သိရပါတယ်။
“တောင်သူလယ်သမားတွေ တိုးတက်လာခြင်းဟာ တိုင်းပြည်တိုးတက်လာခြင်းလို့ ပြောလို့ရပါတယ်၊ တောင် သူ တွေ တိုးတက်ဖို့ဆိုတာ သူတို့တွေခုထက်ပိုပြီး ကုန်ထုတ်နိုင်ဖို့လိုအပ်ပါတယ်၊ တောင်သူတွေကို ကုန်ထုတ် လုပ်မှု အတွက် အစိုးရအနေနဲ့ အဘက်ဘက်က အပြည့်အ၀ကူညီပံ့ပိုးပေးဖို့လိုပါတယ်”လို့ စီးပွားရေးပညာရှင် တဦးက သုံးသပ်ပြောဆိုပါတယ်။
No comments:
Post a Comment