Narinjara News
မြန်မာ- ဘင်္ဂလာဒေခ်ျ့ နယ်စပ် တလျောက် ခြံစည်းရိုး ကာမည့် အစီအစဉ်ကို မြန်မာ ဘက်မှ စီစဉ်နေရာ များမကြာမှီက အိန္ဒိယ-မြန်မာ- ဘင်္ဂလာ သုံးနိုင်ငံ နယ်စပ်သို့ စစ်သား ၂၀၀ ခန့် ရောက်ရှိလာခဲ့သည်။
ရောက်ရှိ်လာသော စစ်သားများမှာ ခမရ ၂၈၉ နှင့် ၃၅၅ မှ ဖြစ်ပြီး ထိုအထဲတွင် ဗျူဟာမှူး တဦးနှင့် ပလက်ဝမြို့နယ် ဥက္ကဌ ဦး ကျော်ဇေ ယျလည်း ပါဝင်သည်ဟု ဒေသအတွင်း သီတင်း သုံးသော ဆရာတော် တပါးက ပြောသည်။
ဆရာတော်မှ ဆက်ပြီး “ သူတို့ အခု လက်ပံဝ ကျေးရွာကနေပီး မင်းချောင်း တလျောက် စစ်ဆေးနေပါတယ်။ အဲဒီမှာ အထိုင်လုပ်ပီး ကွန်ကရစ်တိုင်တွေကို ပြုလုပ်သွားမယ်လို့ သိရပါတယ်။ ကျေးရွာသားတွေ တချို့ကိုတော့ ဆန် ရိက္ခာတွေ ထမ်းခိုင်းတာမှ အပ ခြံစည်းရိုးကာတဲ့ အလုပ်တွေမှာတော့ မခိုင်းသေးပါဘူး။ ” ဟု ပြောသည်။
မြန်မာ နအဖ စစ်အစိုးရမှ ဘင်္ဂလာဒေခ်ျ့ နိုင်ငံနှင့် ဆက်စပ်နေသော ကီလိုမီတာ ၂၀၀ အရှည်ရှိသည့် နယ်နမိတ် တလျှောက် သံဆူးကြိုးဖြင့် ခြံကာရံရန် စီစဉ်နေရာ ယခုအခါ မောင်တော တောင်ပိုင်းမှ စတင်ပြီး သံဆူးကြိုးကားရံနေပြီ ဖြစ်သည်။
မောင်တောမြို့မှ မျက်မြင် တဦးက “ အရပ်သားတွေကို ခိုင်းတာ စေတာတွေကိုတော့ သူတို့ လုပ်တာ မတွေ့သေးဘူး။ ဘူးသီးတောင် အခြေစိုက် လုံထိန်း တပ်ရင်း အမှတ် ၁၃ နဲ့ မောင်တော အခြေစိုက် အမှတ် ၂ လုံထိန်းတပ်ရင်းက လုံထိန်းတပ်သားတွေကို အဓိက ခိုင်းစေနေတာကို တွေ့ရပါတယ်။ သူတို့က ခြံစည်းရိုးကာရံမယ့် နေရာတွေမှာ တမံ တုတ်နေတာကို တွေ့ရပါတယ်။ ကျေးရွာ ရယက ဥက္ကဌတွေနဲ့ တချို့ အဖွဲ့ဝင်တွေလည်း သူတို့နဲ့ အတူ လုပ်ကိုင်နေတာကို တွေ့ရပါတယ်။ ” ဟု ပြောသည်။
အမည်မဖေါ်လိုသူ အစိုးရ အရာရှိ တဦးမှ ယခုအခါ ခြံစည်းရိုးကာရံမူကို မောင်တောမြို့နယ် တောင်ပိုင်း နတ်မြစ် ကမ်းခြေ တလျောက် မြင်းလွှတ်ကျေးရွာမှ စပြီး ကာရံနေပြီ ဖြစ်ကြောင်း ပြောသည်။
မောင်တောမြို့နယ် မြောက်ပိုင်း ငခူရတွင် ဗျူဟာမှူးကိုယ်တိုင် ထိုင်ပြီး ခြံစည်းရိုးကာရံမည့် အစီအစဉ်ကို လုပ်ဆောင်နေကြောင်း သတင်းရရှိသည်။
No comments:
Post a Comment