နအဖအတွက် ဓားမသွေးလောက်တဲ့ ဘင်္ဂလားအရေး (အပိုင်း-၁)

ဝေလင်း

မြန်မာပြည်ကို လာမယ့် မတ်လအတွင်း အိမ်နီးချင်းနှစ်နိုင်ငံက ခေါင်းဆောင် (၂) ဦး လာရောက်ဖို့ရှိကြောင်း ပြည်တွင်းထုတ် ဂျာနယ်တချို့မှာ ဖော်ပြထားတာကို တွေ့ရပါတယ်။ ဒီနှစ်နိုင်ငံစလုံးဟာ ပြီးခဲ့တဲ့ ၂၀၀၁ ခုနှစ်နဲ့ ၂၀၀၈ ခုနှစ်တွေတုန်းက မြန်မာနဲ့ နယ်စပ် စစ်ရေးပြဿနာတွေတက်ပြီး တင်းမာခဲ့တဲ့ ထိုင်းနဲ့ ဘင်္ဂလားတို့ပဲ ဖြစ်ပါတယ်။

ထိုင်းဘုရင့်သမီးတော် သီရိဒုံက သူ့ခရီးစဉ်အတွက် ၂၀၀၁ ခုနှစ် စက်တင်ဘာလထဲက စပြီး ကမ်းလှမ်းစီစဉ်ခဲ့တာ အခုမှ နအဖစစ်အစိုးရဆီက ခွင့်ပြုချက်ရတာပါ။ ထိုင်းဘုရင့်သမီးတော်ဟာ မြန်မာပြည်ထဲက လားရှိုး၊ မူဆယ်၊ ပူတာအို၊ မြောက်ဦး၊ စစ်တွေ စတဲ့ မြို့ (၅) မြို့ကို မတ်လ (၁၀) နေ့ကစပြီး (၅) ရက်တာ ခရီးစဉ်အဖြစ် လာရောက်လည်ပတ် သုတေသနပြုလေ့လာမှာဖြစ်ကြောင်း၊ လွန်ခဲ့တဲ့ ၁၉၈၆ ခုနှစ် နောက်ပိုင်း လာရောက်ခြင်းမရှိရာကနေ အခုတကြိမ်ကျမှသာ တရားဝင် ပြန်လည်လာရောက် လည်ပတ်တာဖြစ်ကြောင်း သိရပါတယ်။

ဖေဖော်ဝါရီလအတွင်း မင်းသမီးသီရိဒုံရဲ့ ခရီးစဉ်မှာ ဟိတ်ဟန်မဲ့ သာမန်ခရီးသွားတယောက်လို ကျောပိုးအိတ်လွယ်ရောက်လာပြီး ဘင်္ဂလားကျေးလက် ဆင်းရဲသားတဲအိမ်မှာ နေထိုင်ရင်း လူထုဘ၀လေ့လာဖို့ သူရောက်လာခဲ့တာပါ။ နိုင်ငံရေး၊ စီးပွားရေး သမားမဟုတ်တဲ့ သုတေသီပညာရှင်တဦးသာဖြစ်လို့ အခုလာမယ့် မြန်မာခရီးစဉ်မှာ မြန်မာအစိုးရနဲ့ ဘာညှိနှိုင်းသဘောတူချက် ကိုမှ လက်မှတ်ရေးထိုးဖို့ရာ ထိုင်းဘုရင့်သမီးတော်မှာ အစီအစဉ်မရှိပါဘူး။

သူနဲ့ မတူခြားနားတဲ့ အနောက်ဘက် ဘင်္ဂလားဒေ့ရှ် ဧည့်သည်တော် ၀န်ကြီးချုပ် ရှိတ်ဟာစီနာကတော့ မကြာခင် မြန်မာပြည်ကို ရောက်ရှိလာတော့မှာဖြစ်ကြောင်း၊ သူ့ခရီးစဉ်အတွင်းမှာ ရိုဟင်ဂျာအရေး၊ မြန်မာ-ဘင်္ဂလား ပင်လယ်ပြင်ပိုင်နက် သတ်မှတ်ရေး၊ အာရှဖွံ့ဖြိုးရေဘဏ် (ADB) ရဲ့ ချေးငွေ အမေရိကန်ဒေါ်လာ သန်း (၁၂၀) ဖိုးနဲ့ တည်ဆောက်မယ့် အာရှဒေသတွင်း ဆက်စပ်ရထားလမ်းဖောက်လုပ်ရေး၊ ရေအားလျှပ်စစ်ဝယ်ယူရေး ကိစ္စအရပ်ရပ်ကို အထူးအရေးထား ညှိနှိုင်းသဘောတူ လက်မှတ်ရေးထိုးသွားဖို့ ရည်ရွယ်ထားကြောင်း၊ တဆက်တည်းမှာပဲ ဘင်္ဂလားဒေ့ရ်ှဘက် ကုန်သည်ကြီးများအသင်းရဲ့ (၄) ကြိမ်မြောက် ကုန်သွယ်မှုမြှင့်တင်ရေး အရောင်းပြခန်းကိုလည်း ၀န်ကြီးချုပ် ဇီယာ တက်ရောက်ဖွင့်လှစ်ပေးဖွယ် ရှိနေပါတယ်။

၂၀၀၈ ခုနှစ် နိုဝင်ဘာဘာလက ဘင်္ဂလားပင်လယ်ကွေ့က ရေနံသဘာဝဓာတ်ငွေ့ လုပ်ကွက်တွေနဲ့ စပ်လျဉ်းပြီး နှစ်နိုင်ငံကြား စစ်ရေးပြင်ဆင်ခဲ့ကြတဲ့ နယ်စပ်တင်းမာမှုတွေ ဖြစ်ခဲ့ကြပြီးနောက် အခုလို ပြန်လည် ရွှေလမ်းငွေလမ်းဖောက် ပျော့ပျောင်းညင်သာ လာကြတာတွေက ဘယ်အတွက်ကြောင့်များပါလိမ့်။ နှစ်နိုင်ငံ ရန်ဘက်ဘ၀ကနေ နွေးထွေးလှတဲ့ ခြင်္သေ့လည်ပြန်ဆက်ဆံရေး (U Turn) အချိုးအကွေ့တခုထိ ရောက်အောင်လို့ ဘယ်အချက်တွေကများ စေ့ဆော်တွန်းပို့ပေးလိုက်ပါလေသလဲ။

ထူးမခြားနား နှစ်နိုင်ငံ စစ်ရေးစွမ်းပကား

အိန္ဒိယရေတပ်က ဦးစီးပြီး အာရှပစိဖိတ်ဒေသတွင်း နိုင်ငံစုံ (၁၂) နိုင်ငံ (အိန္ဒိယ၊ ဘင်္ဂလားဒေ့ရှ်၊ အင်ဒိုနီးရှား၊ မြန်မာ၊ စင်ကာပူ၊ သြစတြေးလျ၊ သီရိလင်္ကာ၊ ထိုင်း၊ ဘရူနိုင်း၊ ဖိလစ်ပိုင်၊ ဗီယက်နမ်) တို့ ပါဝင်တဲ့ မီလန် ၂၀၁၀ ပင်လယ်ပြင်စစ်ရေးလေ့ကျင့်မှုကို ဖေဖော်ဝါရီလ (၄) ရက်နေ့ကနေ (၈) ရက်နေ့အထိ (၄) ရက်ကြာ ကျင်းပခဲ့ပါတယ်။ မြန်မာ၊ ဘင်္ဂလားရေတပ် (၂) ခုစလုံးက စစ်ရေယာဉ်တွေ ပါဝင်ခဲ့ပါတယ်။ အိန္ဒိယရေတပ်ဟာ အရင်တုန်းက အိန္ဒိယ၊ ဘင်္ဂလားဒေ့ရှ်၊ သီရိလင်္ကာ၊ ထိုင်း၊ အင်ဒိုနီးရှား (၅) နိုင်ငံနဲ့ စတင် စစ်ရေးလေ့ကျင့်ခဲ့ရာကနေ အခု နိုင်ငံပေါင်း (၁၂) နိုင်ငံအထိ တိုးပွားလာသလို အခုစစ်ရေးလေ့ကျင့်မှုမှာ အိန္ဒိယဘက်က စစ်သင်္ဘော (၄-၅) စီး။ စင်ကာပူ စစ်သင်္ဘော (၂) စီး၊ ကျန်နိုင်ငံတွေဘက်က (၁) စီးစီ်။ ဘရူနိုင်း၊ ဖိလစ်ပိုင်၊ နယူးဇီလန်၊ ဗီယက်နမ်တို့ကတော့ လေ့လာသူများအဖြစ် ပါဝင်ပြီး လုံးဝပါဝင်ခြင်းမရှိတာဆိုလို့ ကမ္ဘောဒီးယားနိုင်ငံတခုသာပဲ ကျန်ပါတယ်။

ဒီစစ်ရေးလေ့ကျင့်မှုမှာ တစီးစီ ပါဝင်တဲ့ ဘင်္ဂလားဒေ့ရ်ှနဲ့ မြန်မာစစ်ရေယာဉ် (၂) စီးဟာလည်း အမျိုးအစားအရ (Type 053 – H Frigare) တရုတ်လုပ် တိုက်ရေယဉ်တွေဖြစ်ပါတယ်။ မြန်မာတိုက်ရေယာဉ်တွေဟာ တရုတ်လုပ်တွေ (ဒါမှမဟုတ်) တရုတ်ဖက်စပ်ဆောက်တွေ ဖြစ်နေတာမို့ ပိန်မသာ လိမ်မသာ အဆင့်တူတွေဖြစ်ပေမယ့် စွမ်းရည်နဲ့ အလုံးအထည်အရ ဘင်္ဂလားဒေ့ရှ် သင်္ဘောတွေဘက်က နည်းနည်းပိုသာပါတယ်။ အရေအတွက်အရပြောရင် မြန်မာ့ရေတပ်မှာ (၁၃၄) စီးနဲ့ ဘင်္ဂလားဒေ့ရ်ှက (၇၀) စီးစီ ပိုင်ဆိုင်ထားကြပါတယ်။ ပင်လယ်ထွက်ပေါက်ကို အဓိကထားရတဲ့ တိုင်းပြည်မို့လည်း ဘင်္ဂလားဒေ့ရ်ှမှာ မြန်မာထက်သာတဲ့ ရေတပ်စွမ်းရည်တခုရှိနေဖို့ကို လိုပါတယ်။

တရုတ်လုပ် ရေယာဉ်ချင်းအတူတူ ဘင်္ဂလားဒေ့ရ်ှက အော်ရဂျင်နယ် စစ်သင်္ဘောတွေ မှာယူတင်သွင်းနေချိန်မှာ မြန်မာက တရုတ်တပ်ဆီကနေတဆင့် ဂျာမန် (MAN) ကုမ္မဏီလုပ် (PA 6) အင်ဂျင်မှာပြီး ကိုယ့်ဘာသာ ဆင်မလိုက်မှာ ဆင်နေရတဲ့ အနေအထားပါ။ ဆင်မလိုက်လုပ် ရေယာဉ်တွေမှာတော့ တရုတ်လုပ် နောက်ဆုံးပေါ် ရေပြင်ကနေ ရေပြင်ပစ် ဒုံးကျည်တွေကို တပ်ဆင်လို့ မရပါဘူး။ အရေအတွက်အရ မြန်မာက ပိုပေမယ့် စစ်စွမ်းရည်ချင်း၊ ထုထည်ချင်း၊ တပ်ဆင်ထားတဲ့ လက်နက်ချင်းမှာ သိပ်ကွာလွန်းတော့ ရေပြင်နယ်နိမိတ်ပြဿနာမှာ ဘင်္ဂလားစစ်သင်္ဘောနဲ့ ယှဉ်ရင် မြန်မာသင်္ဘောတွေဟာ ဆင်နဲ့ဆိတ်ပမာ ဖြစ်နေကြရပါတယ်။

ဒီ့အပြင် ဘင်္ဂလားဒေ့ရ်ှရေတပ်မှာ ရေငုပ်သင်္ဘော (၁) စီးကို ၂၀၁၀ မှာ ရရှိမှာဖြစ်သလို နောက်ထပ် ရေငုပ်သင်္ဘောအုပ် တခုကိုလည်း လာမယ့် (၂၀၁၉) ခုနှစ်မှာ ထပ်မံတပ်ဆင်ဖို့ စီစဉ်ထားပါသေးတယ်။ ဘင်္ဂလားလေတပ်မတော်မှာ ရုရှက ခေတ်မီ MIG 29 တွေ အထဲက (၇၀) ရာခိုင်နှုန်းလောက်ဟာ စစ်ဆင်ရေးလုပ်နိုင်ဖို့ဆိုရင် နှစ်ပေါင်း (၂၀) ကျော် သိပ်ခေတ်နောက်ကျနေပါပြီ။ ဒါကြောင့်လည်း လေတပ်တိုက်ခိုက်ရေးလေယာဉ်နဲ့ ခေတ်မီရဟတ်ယာဉ်တွေ ပြုပြင်ထိန်းသိမ်း အဆင့်မြှင့်ဖို့ရာအတွက် ယခင် တရုတ်နိုင်ငံကို အဓိကထားပြီး အမေရိကန်၊ ရုရှ၊ ပါကစ္စတန်တို့ကို မှီခိုနေရာကနေ အခု ဘင်္ဂလိုအခြေစိုက် အိန္ဒိယလေကြောင်းပျံသန်းထိန်းသိမ်းမှု လီမိတက် (HAL) လေကြောင်းကုမ္ပဏီကနေပြီး ပြုပြင်ထိန်းသိမ်းအဆင့်မြှင့်ပေးဖို့ ကမ်းလှမ်းလာပါတယ်။

ဘင်္ဂလားလေတပ်မှာရှိတဲ့ လေယာဉ်အများစုက ရုရှနဲ့ အမေရိကန်လုပ်တွေပါ။ လက်ရှိ ဘင်္ဂလားဒေ့ရ်ှလေတပ်ထဲမှာ ယူကရိန်းလုပ် အန်တိုနော့လေယာဉ် AN 32s (၃) စီးနဲ့ ရုရှလုပ် MIG-29 (၁၄) စီး ပျံသန်းနေဆဲပါ။ တရုတ်၊ ပါကစ္စတန် ဘက်ကနေ အကူအညီပေးခဲ့တဲ့ တရုတ်လုပ် A-5 A-7 လေယာဉ်တွေလည်း ရှိပါသေးတယ်။ အခု ရုရှလုပ် MIG 29/MI 17s/AN 32s လေယာဉ်တွေအတွက် အိန္ဒိယမှာ အပိုပစ္စည်းတွေရှိနေဆဲ (Mi-17s ရဟတ်ယာဉ် အမြောက်အမြားကို လေကြောင်းသယ်ပို့ ကိစ္စတွေအတွက် အိန္ဒိယမှာ လောလောဆယ် သုံးနေဆဲ) မို့ ဘင်္ဂလားလေယာဉ်တွေ ပြုပြင်ထ်ိန်းသိမ်းဖို့ အိန္ဒိယကုမ္ပဏီရဲ့ ကန်ထရိုက်အောင်မြင်ခဲ့တာပါ။ ၂၀၁၀ ခုနှစ် ဖေဖော်ဝါရီလ (၁၁) ရက်နေ့မှာ ဘင်္ဂလားဒေ့ရှ် စီမံကိန်းရေးရာဝန်ကြီး A K Khandker က ဘင်္ဂလားဒေ့ရ်ှလေတပ်အတွက် လေတပ်အုပ်စုတခုနဲ့ ပင်လယ်ကင်းထောက် လေယာဉ် (၂) စီး ၀ယ်ဖို့ ပါလီမန်မှာ တင်ပြခဲ့သလို ၂၀၀၈-၀၉ ခုနှစ်က စစ်ရေးဘတ်ဂျက် (၁) သန်းဖိုး သုံးခဲ့ကြောင်း ပြောကြားခဲ့ပါတယ်။ လတ်တလော ဘင်္ဂလားဒေ့ရ်ှလေတပ်ထဲမှာ MIG-29s (၁၆) စီး/ F-7(MIG 21 TYPE) (၄၀) စီး/ A-5 (attacker-arircraft ) (၁၈) စီး ရှိနေတယ်လို့ (defence industry daily - 17 feb 2010) မှာ ဖော်ပြထားပါတယ်။

အလားတူ မြန်မာ့လေတပ်မတော် လေယာဉ်တွေ အဆင့်မြှင့်ဖို့ကိစ္စမှာလည်း အစ္စရေးဆီက အကူညီယူခဲ့ရတာပါပဲ။ ၁၉၉၁ ခုနှစ်က ယူထားတဲ့ တရုတ်လေယဉ်(F-7/FT-7) တွေအတွက် အစ္စရေးက လာရောက်ပြီး အဆင့်မြှင့်ပေးရာမှာ လေယာဉ် (F-7/ FT-7) (၃၇) စီးကို ကောင်းကင်ယံရေဒါစနစ် (EL/M-2032) ပေါ့ပါးတဲ့ လေဆာရောင်ခြည်အိုး (Rafael Python Mk.III) တွေ တပ်ဆင်ပေးပြီး တဘက်ကလည်း သူတို့ထုတ်လုပ်တဲ့ (လေဆာပဲ့ထိန်းဗုံးတွေ) ၀ယ်ယူတပ်ဆင်ဖို့ ကမ်းလှမ်းလာပါတယ်။ စပြီး ၀ယ်ကတည်းကိုက တရုတ်လေယာဉ်တွေမှာ လေဆာပဲ့ထိန်း ကွန်ပျူတာအတွက် လိုအပ်တဲ့ ပရိုဂရမ်တွေ ပါမလာခဲ့တာပါ။ အစ္စရေးတို့ရဲ့ ပြုပြင်ထိန်းသိမ်းရေး ကန်ထရိုက်အောင်ပြီးနောက် (၁၉၉၇) ခုနှစ်မှာ တရုတ်ဆီက နောက်ထပ် FT-7 လေယာဉ် တအုပ်ကို မြန်မာ့လေတပ်က ထပ်မံဝယ်ယူခဲ့ပါသေးတယ်။ ဒါပေမယ့် အစ္စရေးတို့ အဆင်မြှင့်ပေးထားတဲ့ F -7/ FT -7 လေယာဉ်တွေဟာ ၂၀၀၁ ခုနှစ် မြန်မာ-ထိုင်း နယ်စပ်အရေးအခင်းမှာ လေယာဉ်အုပ် (၃) အုပ် အစီး (၃၀) ကျော် တိုက်ပွဲဝင်ဖို့ အထက်က ညွှန်ကြားပေမယ့် လက်တွေ့မှာ (၆) စီးပဲ ရှေ့တန်းစစ်မျက်နှာ တာချီလိတ်မြောက်ဘက်က ကျိုင်းတုံလေတပ်စခန်းကို ရောက်ရှိ စစ်ဆင်ရေးထွက်နိုင်တာကို တွေ့ရပါတယ်။

တာချီလိတ်-မယ်ဆိုင် အရေးအခင်းတုန်းက ထိုင်းတော်ဝင်လေတပ်မတော်မှာ ပြန်လည်ပြုပြင်ထိန်းသိမ်း မွမ်းမံရေးလုပ်ထားတဲ့ တိုက်ပွဲဝင် RTAF F-5s လေယာဉ်တွေက လေဆာပဲ့ထိန်း ဗုံးမိုးရွာနေချိန်မှာ မြန်မာတပ်မတော်ဘက်က ရှိနေတဲ့ PC-7 (၁၇ စီး) PC-9 (၉ စီး) ယူဂိုက မှာယူထားတဲ့ G-4 Galebs (၄) စီးဟာ တိုက်ပွဲဝင်ဖို့ အခြေအနေမရှိဘဲ တရုတ်လုပ် F 7 လေယာဉ် (၆) စီးသာ တိုက်ပွဲဝင်နိုင်တဲ့ အနေအထားပါ။ ထိုင်းလေယာဉ်နဲ့ယှဉ်ပြီး တိုက်ပွဲဝင်နိုင်ခဲ့တဲ့ မြန်မာလေယာဉ်ဆိုလို့ တစီးတလေ ကိုတောင် မမြင်ခဲ့ရပါဘူး၊၊

နောက်တချက်အနေနဲ့ ၂၀၀၁ ဇွန် (၁၉) ရက်နေ့က ဒေါ်လာ သန်း (၁၃၀) ဖိုး ရုရှလုပ် MIG -29 လေယာဉ် (၁၀) စီး မှာယူတဲ့ အခါမှာ လေတပ်က အရာရှိကြီးတွေက ဒီလေယာဉ်တွေ ၀ယ်ယူမယ့်အစား ပြင်သစ်လုပ်မီးရာ့ခ်ျ (Mirage) ဂျက်လေယာဉ်တွေနဲ့ ဆူခွိုင်းလ် (Su -27) လေယာဉ်တွေကိုသာ ၀ယ်ယူဖို့၊ ဒီ MIG 29 လေယာဉ်အများစုဟာ ၁၉၈၀ ခုနှစ်ထုတ် မော်ဒယ်တွေဖြစ်ပြီး သိပ်ခေတ်နောက်ကျလွန်းနေတာကြောင့် ပြုပြင်ထိန်းသိမ်းမောင်းနှင်ဖို့ရာ မလွယ်ကူကြောင်းနဲ့ ထိုင်းတပ်မတော်က F-16 လေယာဉ်တွေကိုလည်း မယှဉ်နိုင်ကြောင်းကို မိတ္ထီလာလေတပ်စခန်းမှူးက ပြန်လည်တင်ပြခဲ့ပါသေးတယ်။ ဒါပေမယ့် မြန်မာ့တပ်မတော်ရဲ့ ထုံးစံအတိုင်း ပြန်လှန်ဆင်ခြေပေးတာမျိုးကို အထက်က လုံးဝလက်မခံပါဘူး။ နောက်ဆုံး မိတ္ထီလာလေတပ် စခန်းမှူးပဲ ရာထူးကပြုတ်ပြီး ဦးပိုင်လီမိတက်ကို နေရာအပြောင်းခံသွားရပါတော့တယ်။

တရုတ်လေယာဉ် (F7/ A 5) တွေရဲ့ အရည်အချင်း ညံ့လွန်းတာကြောင့် တရုတ်စက်မှုပညာရှင်၊ အကြံပေးတွေ မိသားစုလိုက် မြန်မာပြည်ကို ရောက်လာပြီး ပြုပြင်ထိန်းသိမ်းမှုတွေ လုပ်ပေးခဲ့ကြောင်း သိရပါတယ်။ တဘက်ကလည်း လေတပ်ထဲမှာ တရုတ်လေယာဉ်တွေနဲ့ တရုတ်ပညာရှင်တွေ ဒုက္ခပေးတာထက်ကို ကူညီဖို့ တာဝန်ပေးထားတဲ့ ထောက်လှမ်းရေးတွေကပါ လေတပ်အရာရှိတွေအပေါ် ထပ်မံပြဿနာရှာတာကြောင့်လည်း မိတ္ထီလာလေတပ်စခန်းက အရာရှိတွေ နုတ်ထွက်စာတင်တဲ့ သတင်းတွေ ထွက်ပေါ်ခဲ့ကြောင်း ၂၀၀၁ ခုနှစ် အစီရင်ခံစာအရ သိရပါတယ်။

စာရင်းဇယားတွေအရ လေယာဉ်အင်အားချင်း သိပ်မကွာမလှမ်းရှိသလို အရည်အချင်းအရလည်း ပြုပြင်မွမ်းမံ၊ လက်ပူတိုက်ပြီး သုံးနေကြရတဲ့ လေတပ်စွမ်းရည်များအကြားမှာ မြန်မာနဲ့ ဘင်္ဂလားတို့ဟာ သူမသာ ကိုယ်မသာ အနေအထားပါ။ စစ်အင်အားအရ ထက်ဝက်ကွာခြားတယ် ဆိုနေပေမယ့် မြန်မာ့တပ်မတော်ရဲ့ စစ်အင်အား (၅) သိန်း ဆိုတာကလည်း အများစု လက်မခံတဲ့ စာရင်းသက်သက်ပါ။ ဖောင်းပွနေတဲ့ အရေအတွက်တခုလို့သာ မှတ်ထားကြပါတယ်။ အာရှ ဒုတိယ စစ်အင်အားအကြီးဆုံးဖြစ်တဲ့ ဗီယက်နမ်မှာတောင် စစ်အင်အား (၄၅၀,၀၀၀ ) လောက်ပဲရှိတာပါ။

ဘင်္ဂလားဒေ့ရ်ှကတော့ သူ့စစ်သည်အင်အားကို စုစုပေါင်း (၂၅၀,၀၀၀) လို့ အတိအကျ ဆိုထားပေမယ့် လူဦးရေချင်းအရမှာတော့ မြန်မာထက် (၃) ဆလောက်ကို ပိုများနေတဲ့ နိုင်ငံပါ။ ကမ္ဘာ့လူဦးရေအထူထပ်ဆုံး အဆင့် (၇) အဖြစ်လည်း သတ်မှတ်ခြင်း ခံထားရပါတယ်။ လူဦးရေများသလို ဆင်းရဲမွဲတေမှု (၂၀) ရာခိုင်နှုန်း၊ ဖွံ့ဖြိုးဆဲ (၁၁) နိုင်ငံစာရင်းထဲမှာ အဆင့် (၁၁) နဲ့ နောက်ဆုံးပိတ် နေရာလိုက် နိုင်ငံတခုပါ။ ဒါကြောင့် နှစ်နိုင်ငံကြားက ပြဿနာတွေကို စစ်ရေးအရ ဖြေရှင်းကြမယ်ဆိုရင် သူမသာ ကိုယ်အသုဘ အခြေအနေဆိုးနဲ့ ရင်ဆိုင်ရပြီး အနိုင်ရဖို့ သိပ်မလွယ်တာကြောင့်လည်း အခုလို တခြားလမ်းတခုကို ဘင်္ဂလားဒေ့ရ်ှဘက်က ရွေးဖို့ ဆုံးဖြတ်ခဲ့တာပါ။

သေရေးရှင်ရေး သဘာဝဓာတ်ငွေ့အရေး

ဘင်္ဂလားဒေ့ရ်ှဟာ နေ့စဉ် သဘာဝဓာတ်ငွေ့ ကုဗမီလီမီတာ (၁၇၅၀) သန်း ထုတ်လုပ်သုံးစွဲနေပြီး ဒါတောင် မလုံလောက်တာမို့ နေ့စဉ် ကုဗမီလီမီတာ သန်း (၂၀၀ ) လောက် နောက်ထပ်လိုနေပါသေးတယ်။ မြန်မာနိုင်ငံဘက်မှာတော့ အခုမှ တွင်းသစ်တွေဖောက် စမ်းသပ်အောင်မြင်ပြီး ထုတ်ရောင်းဖို့ ကြိုးပမ်းနေစမို့ နှစ်နိုင်ငံကြားက စွမ်းအင်လောင်စာ အခြေအနေ (၂) ရပ် မတူကြပါဘူး။ ဘင်္ဂလားပင်လယ်အော်ကနေ ၂၀၀၅-၂၀၀၆ ခုနှစ်မှာ အိန္ဒိယက သဘာဝဓာတ်ငွေ့ (၁,၀၀၀) တြီလီယံကုဗပေ၊ မြန်မာကလည်း (၇) တြီလီယံကုဗပေ အသီးသီး ရှာဖွေတွေ့ရှိခဲ့ကြောင်း သိရပါတယ်။ ၁၉၉၀ ခုနှစ်တွေကတည်းက သဘာဝဓာတ်ငွေ့တွေ ထပ်ပြီး မထုတ်လုပ်နိုင်တာမို့လည်း ဘင်္ဂလားဒေ့ရ်ှက စွမ်းအင်ကုမ္ပဏီ အတော်များများ အရှုံးပေါ် နေပါတယ်။

ကမ္ဘာ့သဘာဝရင်းမြစ် တိုင်းထွာချက်များအရ မြန်မာ့ရေပြင်မှာ သဘာဝဓာတ်ငွေ့သိုက် ၂၁.၁၉ တြီလီယံကုဗပေ (ကမ္ဘာ့ရင်းမြစ် အားလုံးရဲ့ ၀.၃ ရာခိုင်နှုန်း) ဘင်္ဂလားဘက်မှာ ပမာဏ (၁၃.၇၇) တြီလီယံကုဗပေ (ရင်းမြစ်အားလုံးရဲ့ ၀.၂ ရခိုင်နှုန်း) စီ အသီးသီး ပိုင်ဆိုင်ထားကြောင်း သိရပါတယ်။ ဒါကြောင့်လည်း ဘင်္ဂလားက သူ့ရေပိုင်နက်ထဲမှာ လုပ်ကွက် (၂၈) ကွက် သတ်မှတ်ထုတ်လုပ်ဖို့ စီစဉ်နေချိန်မှာ မြန်မာဘက်က အစီစဉ်ရှိရှိ အတင်းဝင်ရောက် တိုင်းထွာလိုက်တဲ့အတွက် ၂၀၀၈ ခုနှစ်မှာ ရေပြင်နယ်နိမိတ် အငြင်းပွားမှု ဖြစ်ခဲ့ရတာပါ။

လက်ရှိ အငြင်းပွား ရေပြင်ပိုင်နက်ဇုန်ထဲမှာ ဘင်္ဂလားပိုင် လုပ်ကွက် (၁၈) ကွက်လောက် အကျုံးဝင်နေပြီး တိုင်းထွာထုတ်လုပ်ဖို့ အရေး အခုလိုမျိုး ဆိုင်းငံ့ထားခံရတာ ဘင်္ဂလားဒေ့ရ်ှအတွက် အတော်အခံရခက်စေတဲ့ ကိစ္စတခုပါ။ မြန်မာနဲ့သာမက အိန္ဒိယနိုင်ငံ ပင်လယ်ပိုင်နက်ဘက်မှာလည်း ဘင်္ဂလားဒေ့ရ်ှရဲ့ ရေပြင်နယ်နိမိတ် ရောယှက်နေတာကြောင့် ကုလသမဂ္ဂ ပင်လယ်သမုဒ္ဒရာ ဆိုင်ရာ ဥပဒေအရ ဘင်္ဂလားဒေ့ရ်ှက ၂၀၁၁ ဇူလိုင်၊ မြန်မာက မေ ၂၀၀၉၊ အိန္ဒိယက ၂၀၀၉ ဇွန်အတွင်း သက်ဆိုင်ရာ ရေပိုင်နက်အသီးသီးကို တိုင်းထွာတင်ပြကြရမှာဖြစ်ပြီး လာမယ့် ၂၀၁၀ မတ်လထဲမှာ ကုလသမဂ္ဂက ကြားနာပေးမှာဖြစ်ပါတယ်။

နိုင်ငံလွတ်လပ်ရေး ရပြီးကတည်းက အမြဲထောက်ခံမှုပေးခဲ့တဲ့ အိန္ဒိယ၊ အမေရိကန်နှစ်နိုင်ငံတို့ကို ကျောထောက်နောက်ခံ ပြုထားတဲ့ ဘင်္ဂလားဒေ့ရ်ှဟာ မြန်မာနည်းတူ တရုတ်အစိုးရနဲ့လည်း မကင်းရာမကင်းကြောင်း ဖြစ်နေပါတယ်။ တရုတ်ကိုယ်တိုင်ကလည်း မြန်မာနဲ့ ဘင်္ဂလားဒေ့ရှ် နှစ်နိုင်ငံကြား ပြေလည်အောင် စေ့စပ်ညှိနှိုင်း ဆွေးနွေးအဖြေရှာဖို့ ပြောတာကလွဲပြီး တခြားဘာတခုကိုမှ ကြားဝင်မစွက်ဖက်ပါဘူး။ ဒါကြောင့် ဒေသတွင်း တင်းမာလာတဲ့ အခြေထိ ဆိုက်ရောက်အောင် မီးထိုးတွန်းအားပေးမယ့် နိုင်ငံတကာအခင်းအကျင်း မရှိလို့သာ နှစ်နိုင်ငံရေပြင်ပိုင်နက် ပြဿနာကနေ နောက်တဆင့်တက်ပြီး စစ်ဖြစ်တဲ့အဆင့်ထိ မကြီးထွားလာတာပါပဲ။ ဘေးပယောဂမပါဘဲ ကိုယ်အင်အားနဲ့ကိုယ် စစ်ခင်းနိုင်ဖို့ရာ ဆိုရင်လည်း ကြည်း၊ ရေ၊ လေ စစ်အင်အားတွေသာမက အမျိုးသားဇာတိမန်၊ မျိုးချစ်စိတ်နဲ့ တိုင်းပြည်လူထုရဲ့ ထောက်ခံမှု သိပ်မရတဲ့ ဘ၀တူ အစိုးရတွေ ဖြစ်လို့နေကြပြန်ပါတယ်။

အပိုင်း (၂) ဆက်လက်ဖော်ပြပါမည်