ဆိုင်ကယ်အတိုက်ခံရပြီး ဒဏ်ရာပြင်းထန်နေသည့် မန်ဂျေ(မံစီ) ကျေးရွာက ကချင်ကျောင်းဆရာတစ်ဦး လက်ထိပ်ခတ်ပြီး ဆေးရုံတက် ကုသ ခံနေရကြောင်းသိရသည်။ကချင်ပြည်နယ်တောင်ပိုင်း မန်မော်(ဗန်းမော်) မြို့နယ်ထဲက မန်ဂျေ(မံစီ) အမှတ်(၁) အစိုးရမူလတန်းကျောင်း မှ ဆရာယောထုန်က မြန်မာစစ်အစိုးရ အထူးရဲတပ်ဖွဲ့ဝင်လိုက်ပါလာသောဆိုင်ကယ်နှင့် တိုက်မိပြီး ခေါင်းနှင့် ပေါင်တွင် ဒဏ်ရာပြင်းထန်စွာရရှိသည်ဟု ပြောသည်။
ပြီးခဲ့သည့် ဖေဖော်ဝါရီလ ၂၅ ရက်၊ ဒေသစံတော်ချိန် ၅ နာရီခန့် ရွှေကူမြို့အထူးရဲတပ်ဖွဲ့ဝင် သတင်းပေး အောင်မျိုးကျော် လိုက်ပါပြီး ၎င်း၏သူငယ်ချင်းမောင်းနင်လာသည့် ဆိုင်ကယ်က ဆရာယောထုန် စီးလာသည့်ဆိုင်ကယ်ကို မန်ဂျေဆေးရုံရှေ့တွင် တိုက်မ်ိသည်ဟု ပြောသည်။
ယာဉ်နောက်စီးနင်းလိုက်ပါသူ အောင်မျိုးကျော်(အသက် ၂၄ နှစ်) ဒဏ်ရာကြောင့် အခင်းဖြစ်ပွားရာတွင် သေဆုံးသွားသည်။ ဆရာယောထုန် ခေါင်းကွဲပြီး ပေါင်တွင် ၁၆ ချက် ချုပ်ရသည်ဟု သိရသည်။
“ဆေးရုံမှာ ဆရာ မေ့မျောပြီး သတိမရတရ ဆေးကုသခံနေတုန်း၊ ဖေဖော်ဝါရီ ၂၇ ရက်နေ့က အထူးရဲ (Special Branch Police, SB) တွေ လက်ထိပ်လာခတ်သွားတာ” ဟု ဒေသခံ တစ်ဦးပြောသည်။
သတင်းပေး အောင်မျိုးကျော်အားတင်ဆောင်လာသူ ၎င်း၏သူငယ်ချင်းထွက်ပြေးတိမ်းရှောင်နေချိန် အတိုက်ခံရသူ ဆရာယောထုန်အား အထူးရဲတပ်ဖွဲ့က ဆေးရုံတွင် လက်ထိပ်လာခတ်သည်ဟု ဒေသခံပြောသည်။
No comments:
Post a Comment