သို့ရာတွင် မည်သည့်ကျေးရွာနယ်မြေဒေသတွင် စီးပွားဖြစ်စိုက်ပျိုးနေကြသည် ကို ထည့်သွင်း ပြောကြားခြင်း မပြုခဲ့ပေ။
“တနေ့တခြား လူငယ်တွေ ဘိန်းစာရွက်သုံးတဲ့အခြေအနေ ပိုဆိုးလာတယ်၊ ဆယ်ကျော်သက် လူ ငယ်တွေက ဒီအရွက်ကို မရမကလိုက် ဝယ်ကြတယ်၊ ကျိုချက်ပြီး အခြားဆေးပစ္စည်းနဲ့အချိုရည်ရောနှော သုံးစွဲနေတာကို နေ့တိုင်း လိုလို သတင်းကြားသိနေရတယ်” ဟု နိုင်ဦးက ဆက်ပြောသည်။
ဘိန်းစာရွက်ကို ကျန်းမာရေးဝန်ကြီးဌာနက မူးယစ်ဆေးအဖြစ် သတ်မှတ်ကြေညာပြီးဖြစ်၍ ဖမ်းဆီး အရေးယူမှုများ ဆက်လက်လုပ် ဆောင် သွားမည်ဟု ပြီးခဲ့သည့် မွန်ပြည်နယ်လွှတ်တော် အစည်းအဝေးတွင် ဆွေးနွေးပြောဆိုမှုများရှိခဲ့သည်။
ဘိန်းစာရွက်နှင့်ပတ်သက်၍ သက်ဆိုင်ရာက ဖမ်းဆီးရမိသည့်သတင်း မကြားသိရသေးပေ။
ယခုအခါ ဘိန်းစာရွက်တစ်ရွက်လျှင် လက်ရှိငွေကျပ်တစ်ရာပေးပြီး ဝယ်ယူနေရကြောင်း သုံးစွဲခဲ့သူ သံဖြူဇရပ်မြို့နယ်မှ အမည်မဖေါ်လို သူ လူငယ်တစ်ဦးက ပြောသည်။
“တစ်ကြိမ်ပြုတ်ရင် ဆယ်ရွက်၊ ဆယ့်ငါးရွက်ကနေ အရွက်သုံးဆယ်အထိ ထည့်ရတယ်၊ ချောင်းဆိုး ပျောက်ဆေး၊ ကော်ဖီမစ်၊ မီးချောင်း အ တွင်းကပြဒါးမှုန့်၊ ခြင်ဆေးခွေပြာမှုန့်၊ ထိုင်းကလာတဲ့လီအို ဆေးတစ်မျိုးရောပြီး ထည့်သောက်ရင် အရသာက လက်ဖက်ရည်ကော်ဖီတို့ထက် ပိုကောင်းတယ်၊ ကိုယ်လက်ပေါ့ပါးတယ်၊ များများသောက်ရင် မူးမေ့တတ်တယ်” ဟု အထက်ပါလူငယ်က ဆက်ပြောသည်။
အရှေ့တောင်အာရှတွင် အလေ့ကျပေါက်ပင်အဖြစ် တွေ့ရှိရသော ရုက္ခဗေဒအခေါ် Mitragyna speciouအပင်အမျိုးအစား ဘိန်းစာရွက် ကို ထိုင်းဘာသာအားဖြင့် “ကရထောင်” ဟု ခေါ်ဆိုပြီး မွန်ပြည်သစ်ပါတီ NMSP ထိန်းချုပ်နယ်မြေများ၌ ထိုဘိန်းစာရွက်ပင်ကို မူးယစ် ဆေးဝါး အဖြစ် တားမြစ်ထားသည်။
လွန်ခဲ့သည့်လပိုင်းမှစ၍ မွန်ပြည်သစ်ပါတီ ဗဟိုအုပ်ချုပ်ရေးဌာနမှ ဦးစီး၍ ဘိန်းစာရွက်အပါအဝင် မူးယစ် ဆေးဝါးသုံးစွဲသူနှင့် ရောင်းဝယ် သူ များအား ကြားသိတွေ့ရှိပါက ဆက်သွယ် သတင်းပေးနိုင် ကြောင်း မွန်ကျေးရွာ၊ မြို့ပေါ်များ တွင် ကြေညာပိုစတာကပ်ခြင်း၊ ပညာပေး ဟောပြောခြင်းတို့ ပြုလုပ်လျှက်ရှိသည်။
ထိုင်းနယ်စပ်နှင့်နီးစပ်သော မွန်ပြည်သစ်ပါတီထိန်းချုပ်နယ်မြေများတွင် အခါအားလျှော်စွာ ဘိန်းစာပင်များကို လိုက်လံဖျက်ဆီးခဲ့သည်။
No comments:
Post a Comment